ಬಿಸಿಲಿನಲ್ಲಿ ಓಡಾಟ, ಟ್ರಾಫಿಕ್‌ನಲ್ಲಿನ ಧೂಳು, ಬೆವರು, ಒಣ ಕೂದಲು ಹೀಗೆ ಒಂದಲ್ಲ ಒಂದು ಕಾರಣಕ್ಕೆ ಕೂದಲಿನ ಆರೋಗ್ಯ ಹದಗೆಡುತ್ತಲೇ ಇರುತ್ತದೆ. ಬ್ಯುಸಿ ಲೈಫ್‌ನಲ್ಲಿ ಸರಿಯಾದ ಆರೈಕೆ ಮಾಡಿಕೊಳ್ಳಲಾಗದೆ ತಲೆ ಹೊಟ್ಟು, ಕೂದಲು ಉದುರುವಿಕೆ ಹೆಚ್ಚಾಗುತ್ತದೆ.
ಇದರಿಂದ ಉದ್ದವಾದ, ದಪ್ಪನೆಯ ಕೂದಲು ಅನೇಕರಿಗೆ ಕನಸಾಗಿಯೇ ಉಳಿಯುತ್ತದೆ. ಹಾಗಾದರೆ ಕೂದಲನ್ನು ಆರೈಕೆ ಮಾಡಿಕೊಳ್ಳಲು ಏನು ಮಾಡಬಹುದು ಎನ್ನುವ ಬಗ್ಗೆ ಆಯುರ್ವೇದ ವೈದ್ಯರಾದ ಡಾ. ದೀಕ್ಷಾ ಭವಾಸರ್‌ ಮಾಹಿತಿ ಹಂಚಿಕೊಂಡಿದ್ದಾರೆ ಇಲ್ಲಿದೆ ನೊಡಿ.
ಎಣ್ಣೆಯ ಮಸಾಜ್
ಕೂದಲಿನ ಆರೋಗ್ಯ ಉತ್ತಮವಾಗಿರಬೇಕೆಂದರೆ ಕೊಬ್ಬರಿ ಎಣ್ಣೆಯ ಬಳಕೆ ಇರಲೇ ಬೇಕು. ವಾರದಲ್ಲಿ ಒಂದು ಅಥವಾ ಎರಡು ಬಾರಿಯಾದರೂ ಚೆನ್ನಾಗಿ ಎಣ್ಣೆ ಹಚ್ಚಿ ಮಸಾಜ್ ಮಾಡಬೇಕು.
ಇದರಿಂದ ತಲೆಯ ಮೇಲೆ ರಕ್ತ ಸಂಚಾರ ಉತ್ತಮವಾಗಿ ಹೊಸ ಕೂದಲು ಹುಟ್ಟಲು ಸಹಾಯವಾಗುತ್ತದೆ. ಅದಕ್ಕಾಗಿ ನೀವು ದಾಸವಾಳ, ನೆಲ್ಲಿಕಾಯಿ, ಕರಿಬೇವಿನ ಸೊಪ್ಪು, ತೆಂಗಿನಕಾಯಿ ಮುಂತಾದ ಕೂಲಿಂಗ್ ಗಿಡಮೂಲಿಕೆಗಳಿಂದ ತಯಾರಿಸಿದ ಹೇರ್ ಆಯಿಲ್ ಅನ್ನು ಬಳಸಿ.
ಅಲೋವೆರಾ ಬಳಕೆ
ತಲೆ ಸ್ನಾನ ಮಾಡುವ ಮೊದಲು 30 ನಿಮಿಷಗಳ ಕಾಲ ಅಲೋವೆರಾ ಜೆಲ್ ಅನ್ನು ನಿಮ್ಮ ಕೂದಲಿಗೆ ಅನ್ವಯಿಸಿ. ಇದು ನಿಮ್ಮ ಕೂದಲನ್ನು ನೈಸರ್ಗಿಕವಾಗಿ ಮೃದುಗೊಳಿಸಲು ಸಹಾಯ ಮಾಡುತ್ತದೆ.
ತಾಜಾ ಅಲೋವೆರಾದ ಬಳಕೆ ಒಳ್ಳೆಯದು. ಇದು ತಲೆಯನ್ನು ತಂಪುಗೊಳಿಸಿ ತಲೆಹೊಟ್ಟಿನ ಸಮಸ್ಯೆ, ತುರಿಕೆಯನ್ನು ನಿವಾರಿಸುತ್ತದೆ.
ಹೇರ್ ಮಾಸ್ಕ್‌
ನೈಸರ್ಗಿಕ ಪದಾರ್ಥಗಳ ಹೇರ್ ಮಾಸ್ಕ್‌ ಹಾಕಿಕೊಳ್ಳಲು ಮರೆಯದಿರಿ. ಅದಕ್ಕಾಗಿ ನೀವು ದಾಸವಾಳ ಎಲೆಯ ಮಾಸ್ಕ್‌ ಅಥವಾ 20 ನಿಮಿಷಗಳ ಕಾಲ ನಿಮ್ಮ ಕೂದಲಿಗೆ ಅಕ್ಕಿ ತೊಳೆದ ನೀರನ್ನು ನೀರನ್ನು ಅನ್ವಯಿಸಿ ನಂತರ ಸ್ನಾನ ಮಾಡಿ.
ಅಥವಾ ಮೊಸರು ಮತ್ತು ಮೆಂತೆ, ಅಲೋವೆರಾ ಬೇವಿನ ಎಲೆಯ ಹೇರ್ ಮಾಸ್ಕ್‌ನ್ನು ವಾರದಲ್ಲಿ ಒಮ್ಮೆಯಾದರೂ ಹಚ್ಚಿಕೊಳ್ಳಿ. ಇದರಿಂದ ಉದುರಿದ ಕೂದಲಿನ ಜಾಗದಲ್ಲಿ ಹೊಸದಾದ ಕೂದಲು ಬೆಳೆಯಲು ಸಹಾಯವಾಗುತ್ತದೆ.
ಯೋಗ ಮತ್ತು ಪ್ರಾಣಾಯಾಮ
ಅನುಲೋಮ-ವಿಲೋಮ, ಭ್ರಾಮರಿ, ಶಿತಾಲಿ, ಶಿತ್ಕಾರಿಗಳಂತಹ ಪ್ರಾಣಾಯಾಮಗಳು ದೇಹದಿಂದ ಹೆಚ್ಚುವರಿ ಪಿತ್ತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ, ಇದು ಬಿಳಿ ಕೂದಲಿನ ತಡೆಯುತ್ತದೆ, ದೇಹದ ತ್ರಿದೋಷಗಳನ್ನು ಸಮತೋಲನಗೊಳಿಸುತ್ತದೆ. ಹೀಗಾಗಿ ಪ್ರತಿ ನಿತ್ಯ ಯೋಗ ಪ್ರಾಣಾಯಾಮಗಳನ್ನು ಅಭ್ಯಾಸ ಮಾಡುವುದು ಒಳ್ಳೆಯದು.
ಪಾದ ಅಭ್ಯಂಗ
ಮಲಗುವ ಸಮಯದಲ್ಲಿ ಹಸುವಿನ ತುಪ್ಪ ಅಥವಾ ತೆಂಗಿನ ಎಣ್ಣೆಯಿಂದ ನಿಮ್ಮ ಪಾದಗಳು ಮತ್ತು ಅಡಿಭಾಗಗಳನ್ನು ಮಸಾಜ್ ಮಾಡಿ. ಇದು ಉತ್ತಮ ನಿದ್ರೆಯನ್ನು ನೀಡುತ್ತದೆ. ಅಲ್ಲದೆ ದೇಹದಾದ್ಯಂತ ರಕ್ತ ಪರಿಚಲನೆ ಸುಧಾರಿಸುತ್ತದೆ ಮತ್ತು ಪ್ರತಿ ಅಂಗವನ್ನು ಪೋಷಿಸುತ್ತದೆ.
