Friday, March 29, 2024
spot_imgspot_img
spot_imgspot_img

ಒಂದು ತಿಂಗಳ ಬಿಲ್‌ ಬರೋಬ್ಬರಿ 3,419 ಕೋಟಿ ರೂಪಾಯಿ..! ವ್ಯಕ್ತಿಗೆ ಆಘಾತ, ಆಸ್ಪತ್ರೆಗೆ ದಾಖಲು

- Advertisement -G L Acharya panikkar
- Advertisement -

ಜುಲೈ ತಿಂಗಳ ಮನೆಬಳಕೆಗಾಗಿ ಬಂದ ವಿದ್ಯುತ್ ಬಿಲ್ ನೋಡಿದ ವ್ಯಕ್ತಿ ಅಸ್ವಸ್ಥರಾಗಿ ಆಸ್ಪತ್ರೆ ಸೇರಿದ ಘಟನೆ ನಡೆದಿದೆ. ಬರೋಬ್ಬರಿ 3,419 ಕೋಟಿ ರೂಪಾಯಿ ವಿದ್ಯುತ್‌ ಬಿಲ್‌ ಬಂದಿದ್ಧು ಆಘಾತಕ್ಕೆ ಕಾರಣವಾಗಿದೆ. ಇಂತಹದ್ದೊಂದು ಘಟನೆ ಮಧ್ಯಪ್ರದೇಶದ ಗ್ವಾಲಿಯರ್‌ ಎಂಬಲ್ಲಿ ನಡೆದಿದೆ. ಪ್ರಿಯಾಂಕಾ ಗುಪ್ತಾ ಎಂಬುವರಿಗೆ ಬರೋಬ್ಬರಿ 3,419 ಕೋಟಿ ರೂಪಾಯಿ ವಿದ್ಯುತ್‌ ಬಿಲ್‌ ಬಂದಿದೆ. ಅದನ್ನು ಕಂಡ ಅವರ ಮಾವ ಅಸ್ವಸ್ಥರಾಗಿ ಆಸ್ಪತ್ರೆಗೆ ದಾಖಲಾಗಿರುವ ಘಟನೆ ನಡೆದಿದೆ.

ಮಧ್ಯಪ್ರದೇಶ ಸರ್ಕಾರ ನಡೆಸುತ್ತಿರುವ ವಿದ್ಯುತ್ ಕಂಪನಿಯು, ಇದೊಂದು ಮಾನವ ದೋಷವಾಗಿದೆ ಎಂದಿದ್ದು, ಅದರ ತಪ್ಪನ್ನು ಸರಿಪಡಿಸಿ 1,300 ರೂ. ಎಂದು ಪರಿಷ್ಕೃತ ಬಿಲ್‌ ನೀಡಿದೆ. ಆತಂಕದಲ್ಲಿದ್ದ ಗುಪ್ತಾ ಕುಟುಂಬ ಇದೀಗ ಸಮಾಧಾನಗೊಂಡಿದೆ.

ಜುಲೈ 20 ರಂದು ಬಿಡುಗಡೆಯಾದ ಬಿಲ್ ಅನ್ನು ಮಧ್ಯಪ್ರದೇಶ ಮಧ್ಯ ಕ್ಷೇತ್ರ ವಿದ್ಯುತ್ ವಿತ್ರನ್ ಕಂಪನಿಯ (MPMKVVC) ಪೋರ್ಟಲ್ ಮೂಲಕ ಪರಿಶೀಲಿಸಲಾಗಿದ್ದು, ರಾಜ್ಯ ವಿದ್ಯುತ್ ಕಂಪನಿಯು ಬಿಲ್ ಅನ್ನು ಸರಿಪಡಿಸಿದೆ. ಮಾನವ ದೋಷದಿಂದ ಭಾರಿ ವಿದ್ಯುತ್ ಬಿಲ್ ಬರಲು ಕಾರಣವಾಗಿದ್ದು, ಸಂಬಂಧಪಟ್ಟ ನೌಕರರ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇಲಾಖೆಯ ಸಿಬ್ಬಂದಿ ನಂಬರ್‌ ನಮೂದಿಸುವ ವೇಳೆ ಸಾಫ್ಟ್ ವೇರ್‌ ಕಂಪನಿಯ ನಂಬರ್‌ ನಮೂದಿಸಿದ್ದರಿಂದ ಹೆಚ್ಚಿನ ಮೊತ್ತದ ಬಿಲ್ ಬಂದಿದೆ. ಆ ಬಿಲ್ ಮೊತ್ತ 1,300 ರೂ. ಎಂದು ಸರಿಪಡಿಸಿ ಗ್ರಾಹಕರಿಗೆ ನೀಡಲಾಗಿದೆ. ಸಂಬಂಧಪಟ್ಟ ನೌಕರನ ವಿರುದ್ಧ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಸಂಸದ ಇಂಧನ ಸಚಿವ ಪ್ರದ್ಯುಮನ್ ಸಿಂಗ್ ತೋಮರ್ ತಿಳಿಸಿದ್ದಾರೆ.

- Advertisement -

Related news

error: Content is protected !!