ಕಾಸರಗೋಡು: ಅಲೆಗಳ ಅಬ್ಬರಕ್ಕೆ ಮಗುಚಿ ದಡಕಪ್ಪಳಿಸಿದ ಮೀನುಗಾರಿಕಾ ಬೋಟ್; ಬೋಟ್ ನಲ್ಲಿದ್ದವರು ಅಪಾಯದಿಂದ ಪಾರು..!

- Advertisement -

ಕಾಸರಗೋಡು: ಅಲೆಗಳ ಅಬ್ಬರಕ್ಕೆ ಮೀನುಗಾರಿಕಾ ಬೋಟ್ ಮಗುಚಿ ದಡಕ್ಕೆ ಅಪ್ಪಳಿಸಿದ ಘಟನೆ ಶನಿವಾರ ಕಾಞ೦ಗಾಡ್‌‌ನ ಬಲ್ಲ ತೀರದಲ್ಲಿ ನಡೆದಿದ್ದು, ಬೋಟ್‌‌ನಲ್ಲಿದ್ದ ಐವರು ಅಪಾಯದಿಂದ ಪಾರಾಗಿದ್ದಾರೆ.

ಶುಕ್ರವಾರ ರಾತ್ರಿ ತೈಕಡಪ್ಪುರದಿಂದ ಮೀನುಗಾರಿಕೆಗೆ ತೆರಳಿದ್ದ ಅಲ್ ರಹೀಮ್ ಎಂಬ ಬೋಟ್ ಈ ದುರಂತಕ್ಕೀಡಾಗಿದೆ.

ಬೋಟ್‌‌ನಲ್ಲಿದ್ದ ಒಡಿಸ್ಸಾದ ಅಂಜನ್ ಮಲಿಕ್, ವಿಕಾಸ್ ಮಲಿಕ್, ವರುಣ್ ದಾಸ್, ಚೈತ್ರ ದಾಸ್ ಅಪಾಯದಿಂದ ಪಾರಾಗಿದ್ದಾರೆ.

ಇನ್ನು ಬೋಟ್ ಸಂಪೂರ್ಣ ಹಾನಿಗೊಂಡಿದ್ದು, ಎಂಟು ಲಕ್ಷ ರೂ. ನಷ್ಟ ಅಂದಾಜಿಸಲಾಗಿದೆ.