ಪಾನಿಪುರಿ, ಭೇಲ್ಪುರಿ, ಮಸಾಲಾಪುರಿ, ಈ ಚಾಟ್ಗಳ ಒಂದೊಂದು ಹೆಸರು ಕೇಳ್ತಿದ್ರೆನೆ ಬಾಯಲ್ಲಿ ನೀರು ಬಂದು ಬಿಡುತ್ತೆ. ಸಂಜೆ ಆದ್ರೆ ಸಾಕು ಚಾಟ್ ಅಂಗಡಿಗಳ ಮುಂದೆ ಜನ ಸಾಲು ಸಾಲಾಗಿ ನಿಂತು ಬಾಯಿ ಚಪ್ಪರಿಸಿಕೊಂಡು ತಿನ್ತಾ ಇರ್ತಾರೆ. ಈಗ ಇದೇ ಚಾಟ್ಗಳಲ್ಲಿ ಒಂದಾದ ಭೇಲ್ಪುರಿ ವಿದೇಶದಲ್ಲೂ ಫುಲ್ ಫೇಮಸ್ ಆಗಿದೆ.
ಆಸ್ಟ್ರೇಲಿಯಾದ ಫೇಮಸ್ ಅಡುಗೆ ಕಾರ್ಯಕ್ರಮವಾದ ಮಾಸ್ಟರ್ ಶೆಫ್ನಲ್ಲಿ ಈ ಭೇಲ್ಪುರಿ ರಾರಾಜಿಸಿದೆ. ಸಾರಾ ಟೋಡ್ ಅನ್ನುವ ಸ್ಪರ್ಧಿ ಟೇಸ್ಟಿ ಹಾಗೂ ತುಂಬಾ ಸುಲಭವಾಗಿ ತಯಾರಿಸುವಂತ ಭೇಲ್ಪುರಿಯನ್ನ ತಯಾರಿಸಿದ್ಧಾರೆ. ಅಲ್ಲಿನ ತೀರ್ಪುಗಾರರಿಗೆ ಟೇಸ್ಟ್ ನೋಡುವುದಕ್ಕೆ ಕೊಟ್ಟಿದ್ದಾರೆ. ಒಂದೆರಡು ಸ್ಪೂನ್ ಭೇಲ್ಪುರಿ ತಿಂದಿದ್ದೇ ತಿಂದಿದ್ದು, ಅಲ್ಲಿನ ಜಡ್ಜಸ್ ಫುಲ್ ಖುಷ್ ಆಗಿ ಹೋಗಿದ್ದಾರೆ. ಈಗ ಈ ಸ್ಪೆಷಲ್ ಚಾಟ್ ಭೇಲ್ಪುರಿ ಸೋಶಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್ ಆಗಿದೆ
ಆಸ್ಟ್ರೇಲಿಯಾದಲ್ಲಿ ಪ್ರಸಾರವಾಗುತ್ತಿರೋ ಮಾಸ್ಟರ್ ಶೆಫ್ 16ನೇ ಸರಣಿಯ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಭಾರತೀಯ ಸ್ಪರ್ಧಿ ಹಾಗೂ ಸೆಲೆಬ್ರಿಟಿ ಶೆಫ್ ಸಾರಾ ಇವರಿಬ್ಬರು ಸೇರಿ ಈ ಸ್ವಾದಿಷ್ಟ ಭೇಲ್ಪುರಿಯನ್ನ ತಯಾರಿಸಿದ್ದರು. ಸಾರಾ ಅವರು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಈ ವಿಷಯವನ್ನ ಹಂಚಿಕೊಂಡಿದ್ದಾರೆ. 10 ನಿಮಿಷ ಸ್ವಾದಿಷ್ಟ ವ್ಯಂಜನ ತಯಾರಿಸುವ ಸವಾಲು ಕೊಟ್ಟಾಗ ನನ್ನ ತಲೆಯಲ್ಲಿ ಮೊದಲಿಗೆ ಬಂದಿದ್ದೇ ಈ ಭೇಲ್ಪುರಿ. ಅಂತ ತಾವು ಇನ್ಸ್ಟಾಗ್ರಾಮ್ ಹಾಕಿಕೊಂಡಿರೋ ಫೋಟೋಗೆ ಕ್ಯಾಪ್ಷನ್ ಕೊಟ್ಟಿದ್ದಾರೆ.