ಕಾರ್ಗಳಲ್ಲಿ ಏರ್ಬ್ಯಾಗ್ ವಿಚಾರವಾಗಿ ಕೇಂದ್ರ ಸರ್ಕಾರ ಮಹತ್ವದ ನಿರ್ಧಾರ ತೆಗೆದು ಕೊಂಡಿದೆ. ಕಾರ್ಗಳಲ್ಲಿನ ಏರ್ಬ್ಯಾಗ್ ವಿಚಾರವಾಗಿ ಇನ್ಮುಂದೆ ಹೊಸ ನಿಯಮ ಜಾರಿಗೊಳಿಸಿ ಬಗ್ಗೆ ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಮಾಹಿತಿ ನೀಡಿದ್ದಾರೆ.
ಪ್ರಯಾಣಿಕರ ಸುರಕ್ಷತಾ ದೃಷ್ಟಿಯಿಂದ ನಿರ್ಧಾರ ಕೈಗೊಂಡಿರುವ ಸಚಿವರು, ಕಾರ್ಗಳಲ್ಲಿ ಕೇವಲ ಮುಂದಿನ 2 ಸೀಟ್ಗಳಲ್ಲಿ ಮಾತ್ರ ಏರ್ಬ್ಯಾಗ್ ಇತ್ತು. ಆದ್ರೆ ಇನ್ಮುಂದೆ ಹೊಸ ನಿಯಮವನ್ನು ಪಾಲಿಸಬೇಕೆಂದು ಸಾರಿಗೆ ಸಚಿವರು ಸೂಚಿಸಿದ್ದಾರೆ.
ಏನದು ಹೊಸ ನಿಯಮ..?
ಬಹಳಷ್ಟು ಕಾರುಗಳು 8 ಜನ ಪ್ರಯಾಣಿಕರನ್ನು ಹೊರುವ ಸಾಮರ್ಥ್ಯ ಹೊಂದಿರುತ್ತದೆ. ಆದರೂ ಕೇವಲ ಮುಂಬದಿಯ 2 ಸೀಟ್ಗಳಲ್ಲಿ ಮಾತ್ರವೇ ಏರ್ಬ್ಯಾಗ್ ಇರುತ್ತದೆ. ಇದರಿಂದ ಪ್ರಯಾಣಿಕರಿಗೆ ಸುರಕ್ಷತೆ ಇರುವುದಿಲ್ಲ, ಆದ ಕಾರಣ 8 ಜನ ಪ್ರಯಾಣಿಕರು ಪ್ರಯಾಣಿಸುವ ಸಾಮರ್ಥ್ಯ ಹೊಂದಿರುವ ವಾಹನಗಳಲ್ಲಿ 6 ಏರ್ಬ್ಯಾಗ್ಗಳು ಕಡ್ಡಾಯವಾಗಿ ಇರಲೇಬೇಕು ಎಂಬ ನಿಯಮಗಳನ್ನು ಜಾರಿಗೊಳಿಸಿದ್ದಾರೆ.
2 ಏರ್ಬ್ಯಾಗ್ಗಳು ಎಂದಿನಂತೆ ಮುಂಬದಿಯಲ್ಲಿರುತ್ತದೆ. 4 ಏರ್ಬ್ಯಾಗ್ ಹಿಂಬದಿ ಕೂರುವ ಪ್ರಯಾಣಿಕರ ಪಕ್ಕದಲ್ಲಿರುತ್ತದೆ. ಅಂದರೇ ಎಡ ಭಾಗದಲ್ಲಿ 2 ಏರ್ಬ್ಯಾಗ್ ಹಾಗೂ ಬಲಭಾಗಲ್ಲಿ 2 ಏರ್ಬ್ಯಾಗ್ ಇರಬೇಕು ಎಂದು ಸೂಚಿಸಿದ್ದಾರೆ. ಪ್ರಯಾಣಿಕರ ಸುರಕ್ಷತೆಯ ಸಲುವಾಗಿ ಈ ಹೊಸ ನಿಯಮಗಳನ್ನು ಕೇಂದ್ರ ಸಾರಿಗೆ ಸಚಿವರು ಜಾರಿಗೊಳಿಸಿದ್ದಾರೆ.
