ಬಿಗ್ ಬಾಸ್ ಕನ್ನಡ ಸೀಸನ್ 11 ನಿನ್ನೆ ಆರಂಭವಾಗಿದ್ದು, ದೊಡ್ಮನೆ ಒಳಗೆ ಸ್ಪರ್ಧಿಗಳು ಎಂಟ್ರಿ ಆಗಿದ್ದು, ಈ ಬಾರಿ ಯಾರೆಲ್ಲ ದೊಡ್ಮನೆಗೆ ಹೋಗ್ತಾರೆ ಎನ್ನುವ ಕುತೂಹಲಕ್ಕೆ ತೆರೆ ಬಿದ್ದಿದೆ
ಈ ರಿಯಾಲಿಟಿ ಶೋ ನಿರೂಪಕರಾಗಿ ಕಿಚ್ಚ ಸುದೀಪ್ ಸರ್ಧಾಳುಗಳನ್ನು ದೊಡ್ಮನೆಗೆ ಸ್ವಾಗತ ಮಾಡಿದ್ದಾರೆ. ಸ್ಪರ್ಧಿಗಳ ವಿವರ ಇಲ್ಲಿದೆ.
ಬಿಗ್ಬಾಸ್ಗೆ ಮೊದಲ ಸ್ಪರ್ಧಿಯಾಗಿ ‘ಗೀತಾ’ ಸೀರಿಯಲ್ ಮೂಲಕ ಖ್ಯಾತರಾದ ನಟಿ ಭವ್ಯಾ, ಎರಡನೇಯವರಾಗಿ ನಟಿ ಯಮುನಾ ಶ್ರೀನಿಧಿ, ಮೂರನೇ ಕಂಟೆಸ್ಟಂಟ್ ಆಗಿ ಮಂಗಳೂರು ಮೂಲದ ಯುಟ್ಯೂಬರ್ ಧನರಾಜ್, ನಾಲ್ಕನೇ ಸ್ಪರ್ಧಾಳುವಾಗಿ ‘ಸತ್ಯ’ ಧಾರಾವಾಹಿ ಮೂಲಕ ಕಿರುತೆರೆಯಲ್ಲಿ ಮಿಂಚಿದ ನಟಿ ಗೌತಮಿ ಜಾಧವ್ ದೊಡ್ಮನೆಗೆ ಪ್ರವೇಶ ಮಾಡಿದ್ದಾರೆ.
ನಂತರ ನಟಿ ಅನುಷಾ, ‘ನವಗ್ರಹ’ ಖ್ಯಾತಿಯ ನಟ ಧರ್ಮ ಕೀರ್ತಿರಾಜ್‌, 7ನೇ ಸ್ಪರ್ಧಿಯಾಗಿ ವಕೀಲ ಜಗದೀಶ್, ಆ ಬಳಿಕ ಧಾರವಾಹಿ ನಟ ಶಿಶಿರ್, ‘ಪದ್ಮಾವತಿ’ ಧಾರಾವಾಹಿ ನಟ ತ್ರಿವಿಕ್ರಮ್ ಬಿಗ್ ಬಾಸ್ಗೆ 9ನೇ ಸ್ಪರ್ಧಿಯಾಗಿ ಪ್ರವೇಶಿಸಿದ್ದಾರೆ. ಹಲವಾರು ಧಾರಾವಾಹಿಗಳಲ್ಲಿ ಅಭಿನಯಿಸಿರುವ ನಟಿ ಹಂಸಾ 10ನೇ ಸ್ಪರ್ಧಿಯಾಗಿ ಬಿಗ್ ಮನೆಗೆ ಎಂಟ್ರಿ ಕೊಟ್ಟರು.
ಬಿಗ್ ಬಾಸ್ ಸೀಸನ್ 10ರಲ್ಲಿ ಸ್ಪರ್ಧಿಯಾಗಿ ಮಿಂಚಿದ್ದ ಕಾಮಿಡಿ ನಟ ತುಕಾಲಿ ಸಂತೋಷ್‌ ಅವರ ಪತ್ನಿ ಮಾನಸ ಕೂಡ ಈ ಬಾರಿಯ ಬಿಗ್ ಬಾಸ್ಗೆ 11ನೆಯವರಾಗಿ ಆಗಮಿಸಿದ್ದಾರೆ. 12ನೇ ಸ್ಪರ್ಧಿಯಾಗಿ ಗೋಲ್ಡ್ ಸುರೇಶ್ ಬಿಗ್ಬಾಸ್ 11ನೇ ಆವೃತ್ತಿಗೆ ಸೇರ್ಪಡೆಗೊಂಡಿದ್ದಾರೆ.
ಆ ಬಳಿಕ ಧಾರಾವಾಹಿ ನಟಿ ಐಶ್ವರ್ಯ ಸಿಂಧೋಗಿ, ಭಾಷಣಕಾರ್ತಿ ಚೈತ್ರಾ ಕುಂದಾಪುರ, ನಟ ಮಂಜು ಹಾಗೂ ‘ಪಾರು’ ಧಾರವಾಹಿ ಖ್ಯಾತಿಯ ನಟಿ ಮೋಕ್ಷಿಕಾ 16ನೇ ಸ್ಪರ್ಧಿಯಾಗಿ ಮನೆಗೆ ಪ್ರವೇಶ ಮಾಡಿದ್ದಾರೆ.
