ಚೆನ್ನೈ: ವಿಶ್ವದಲ್ಲೇ ಎರಡನೇ ಅತೀ ದೊಡ್ಡ ಆಮೆ ಎಂಬ ಖ್ಯಾತಿ ಪಡೆದಿದ್ದ ಅಲ್ಡಬ್ರಾ ಆಮೆ ಕಳ್ಳತನವಾಗಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.ತಮಿಳುನಾಡಿದ ಚೆನ್ನೈನಿಂದ 56 ಕಿಮೀ ದೂರದ ಮಹಾಬಲಿಪುರಂನಲ್ಲಿರೋ ಮೊಸಳೆಗಳ ಪಾರ್ಕ್ನಿಂದ ಆಮೆ ಕಳ್ಳತನವಾಗಿದೆ.
ಕಳೆದ 6 ವಾರಗಳ ಹಿಂದೆಯೇ ಆಮೆಯ ಕಳ್ಳತನವಾಗಿದ್ದು. ಸದ್ಯ ಈ ಮಾಹಿತಿ ಬಹಿರಂಗವಾಗಿದೆಘಟನೆ ಕುರಿತು ಪೊಲೀಸರು ದೂರು ದಾಖಲಿಸಿಕೊಂಡು ಪರಿಶೀಲನೆ ನಡೆಸಿದ್ದು, ಕಳ್ಳತನವಾಗಿರುವ ಆಮೆಗೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ₹10 ಲಕ್ಷಕ್ಕೂ ಹೆಚ್ಚಿನ ಬೆಲೆಯಿದೆ ಎನ್ನಲಾಗಿದೆ. ಪಾರ್ಕ್ನಲ್ಲಿ ಕೆಲಸ ಮಾಡುವ ಸಿಬ್ಬಂದಿಯೇ ಕೃತ್ಯಕ್ಕೆ ಸಹಕಾರ ನೀಡಿರಬಹುದು. ಸಿಸಿಟಿವಿ ದೃಶ್ಯಗಳಲ್ಲಿ ಸೆರೆಯಾಗದಂತೆ ಪ್ಲಾನ್ ಮಾಡಿ ಕಳ್ಳತನ ನಡೆಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಪಾರ್ಕ್ನಲ್ಲಿ ಮೊಸಳೆಗಳೊಂದಿಗೆ ಹಾವು ಹಾಗೂ ಆಮೆಗಳು ಇದ್ದು, ಸದ್ಯ ನಾಪತ್ತೆಯಾಗಿರುವ ಆಮೆ, ಅಲ್ಡಬ್ರಾ ಜಾತಿಗೆ ಸೇರಿದೆ. 50 ವರ್ಷ ವಯಸ್ಸಿನ ಆಮೆ 80 ರಿಂದ 100 ಕೆಜಿ ತೂಕ ಹೊಂದಿತ್ತು. ಇದುವರೆಗೂ ಪಾರ್ಕ್ನಲ್ಲಿ ಇಂತಹ ಯಾವುದೇ ಘಟನೆ ನಡೆದಿಲ್ಲ ಎನ್ನಲಾಗಿದೆ. ಭೂಮಿಯ ಮೇಲೆ ಅತೀ ಹೆಚ್ಚು ವರ್ಷ ಜೀವಿಸಬಲ್ಲ ಪ್ರಾಣಿ ಎಂಬ ಹೆಗ್ಗಳಿಕೆಯನ್ನು ಅಲ್ಡಬ್ರಾ ಆಮೆಗಳು ಪಡೆದಿದ್ದು, 150 ವರ್ಷಗಳವರೆಗೂ ಜೀವಿಸುವ ಸಾಮರ್ಥ್ಯವನ್ನ ಹೊಂದಿವೆ. 105 ಮೀಟರ್ ಉದ್ದ ಬೆಳೆಯಬಹುದಾಗಿದ್ದು, 200 ಕೆ.ಜಿ. ವರೆಗೂ ತೂಕವಿರುತ್ತದೆ.
