ದುಬೈ ಇಂಟರ್ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಇಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಡೆಲ್ಲಿ ಕ್ಯಾಪಿಟಲ್ಸ್ ಎದುರು ರೋಚಕ ಗೆಲವು ಸಾಧಿಸಿದೆ
ರಾಯಲ್ ಚಾಲೆಂಜರ್ಸ್ ಟಾಸ್ ಗೆದ್ದು ಡೆಲ್ಲಿ ಕ್ಯಾಪಿಟಲ್ಸ್ ಗೆ ಬ್ಯಾಟಿಂಗ್ಗೆ ಅವಕಾಶ ನೀಡಿದ್ದು ಕ್ಯಾಪಿಟಲ್ಸ್ ಗೆ ಪೃಥ್ವಿ ಶಾ 48, ಶಿಖರ್ ಧವನ್ 43 ರನ್ ಪೇರಿಸಿ ಅಬ್ಬರದ ಆರಂಭ ನೀಡಿ ವಿಕೆಟ್ ಒಪ್ಪಿಸಿದರು. ಬಳಿಕ ಬಂದ ಪಂತ್, ಮತ್ತು ಶ್ರೇಯಸ್ ಅಯ್ಯರ ಬಂದಷ್ಟೇ ವೇಗವಾಗಿ ಪೇವಿಲಿಯನ್ ಸೇರಿದರು. ಹೆಟ್ಮರ್ ಸಮಯೋಚಿತ ಆಟ ಆಡಿ 22 ಎಸೆತಗಳಲ್ಲಿ 29 ರನ್ ಗಳಿಸಿ ತಂಡದ ಮೊತ್ತವನ್ನ 164 ಕ್ಕೆ ಸೇರಿಸಿದರು. ಇನ್ನು ಆರ್ಸಿಬಿ ಪರ ಸಿರಾಜ್ 2, ಚಹಲ್, ಕ್ರಿಶ್ಚಿಯಾನ್, ಹರ್ಷಲ್ ಪಟೇಲ್ ತಲಾ 1 ವಿಕೆಟ್ ಕಬಳಿಸಿದರು.
ಇತ್ತ ಕ್ಯಾಪಿಟಲ್ಸ್ ನೀಡಿದ ಸವಾಲನ್ನ ಬೆನ್ನತ್ತಿದ ರಾಯಲ್ಸ್ ಗೆ ಌನರಿಚ್ ನೊರ್ಟ್ಜ ಆರಂಭಿಕ ಆಘಾತ ನೀಡಿದರು. ನೊರ್ಟ್ಜ ಬೌಲಿಂಗ್ಗೆ ಮಂಕಾದ ಕೊಹ್ಲಿ 04 ಮತ್ತು ಪಡಿಕ್ಕಲ್ ಖಾತೆ ತೆರೆಯದೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ ಸೇರಿದರು. ಬಳಿಕ ಆಗಮಿಸಿದ ವಿಲಿಯರ್ಸ್ 26 ಎಸೆತಗಳಲ್ಲಿ 26 ರನ್ ಗಳಿಸಿ ಅಕ್ಷರ್ ಪಟೇಲ್ ಎಸೆತದಲ್ಲಿ ಅಯ್ಯರಗೆ ಕ್ಯಾಚಿತ್ತು ನಡೆದರು. ಶ್ರೀಕರ್ ಭರತ್ 78 ಮತ್ತು ಗ್ಲೇನ್ ಮ್ಯಾಕ್ಸ್ವೆಲ್ 52 ಮಿಂಚಿನ ಆಟ ಆಡಿ ಗೆಲವು ತಂದಿತ್ತರು.