ಮೂಡುಬಿದಿರೆ: ಮುಸುಕುಧಾರಿ ವ್ಯಕ್ತಿಗಳಿಂದ ದನ ಕಳ್ಳತನ-ಸಿಸಿಟಿವಿಯಲ್ಲಿ ಸೆರೆ

ಮೂಡುಬಿದಿರೆ: ಕಲ್ಲಮುಂಡ್ಕೂರಿನ ಬಾನಂಗಡಿಯ ಬಾರ್ಕ್ ಬೆಟ್ಟದ ಸಹಕಾರಿ ಸಂಘದ ಬಳಿ ಆಗಸ್ಟ್ 19 ರ ರಾತ್ರಿ ಇಬ್ಬರು ಮುಸುಕುಧಾರಿಗಳು ದನಗಳನ್ನು ಕದಿಯುತ್ತಿರುವುದು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಈ ದೃಶ್ಯಾವಳಿಯಲ್ಲಿ ಇಬ್ಬರು ವಾಹನದಲ್ಲಿ ಬಂದು ಎರಡು ದನಗಳಿಗೆ ಎನೋ ತಿನ್ನಲು ನೀಡಿ ಆಮಿಷವೊಡ್ಡುತ್ತಿರುವುದನ್ನು ತೋರಿಸಲಾಗಿದೆ. ಅವರು ನಿಧಾನವಾಗಿ ದನಗಳನ್ನು ಹಗ್ಗಗಳಿಂದ ಕಟ್ಟಿ ಹತ್ತಿರದ ಕಂಬಕ್ಕೆ ಬಿಗಿದರು. ನಂತರ, ಮೂರನೇ ವ್ಯಕ್ತಿಯೊಂದಿಗೆ ಸೇರಿಕೊಂಡು, ಅವರು ವಾಹನದ ಹಿಂದಿನ ಬಾಗಿಲನ್ನು ತೆರೆದು, ಬಹಳ ಶ್ರಮದಿಂದ ದನಗಳನ್ನು ಒಳಗೆ ತುಂಬಿಸಿದರು.

ವಾಹನವು ಮೂಡುಬಿದಿರೆ ಕಡೆಯಿಂದ ಬಂದು ಅದೇ ಮಾರ್ಗದ ಮೂಲಕ ಹಿಂತಿರುಗುತ್ತಿರುವುದು ಕಂಡುಬಂದಿದೆ. ಘಟನೆಯ ನಂತರ, ಬಲರಾಮ್ ಪ್ರಭು ಮೂಡುಬಿದಿರೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ದನ ಕಳ್ಳರನ್ನು ಪತ್ತೆಹಚ್ಚುವ ಬಗ್ಗೆ ಆಶಾವಾದ ವ್ಯಕ್ತಪಡಿಸಿದ್ದಾರೆ.