ಬಾಂಗ್ಲಾದೇಶದಲ್ಲಿ ಹುಟ್ಟಿರುವ ಕುಬ್ಜ ಹಸುವೊಂದು ರಾತ್ರೋರಾತ್ರಿ ಮೀಡಿಯಾ ಸ್ಟಾರ್ ಆಗಿಬಿಟ್ಟಿದೆ. ಈ ಕುಬ್ಜ ಹಸುವನ್ನು ನೋಡಲು ದೇಶ ವಿದೇಶಗಳಿಂದ ಪ್ರವಾಸಿಗರು ಆಗಮಿಸುತ್ತಿದ್ದಾರೆ. ಈ ಅಪರೂಪದ ಹಸು ನೋಡಿ ಜನ ಆಶ್ಚರ್ಯಕ್ಕೊಳಗಾಗುತ್ತಿದ್ದಾರೆ.
ಹೌದು, ಇತ್ತೀಚೆಗೆ 51 ಸೆಂಟಿಮೀಟರ್ ಇರುವ ಈ ಕುಬ್ಜ ಹಸು ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿವೆ. ಈ ಫೋಟೋಗಳನ್ನು ನೋಡಿದ ಕೂಡಲೇ ಜನ ಹೇಗಾದರೂ ಸರಿ ಕುಬ್ಜ ಹಸು ನೋಡಲೇಬೇಕು ಎಂದು ದೌಡಾಯಿಸುತ್ತಿದ್ದಾರೆ.
ತೀವ್ರ ಕೊರೊನಾ ಲಾಕ್ಡೌನ್ ನಡುವೆಯೂ ಸಂಚಾರ ವ್ಯವಸ್ಥೆಯಿಲ್ಲದಿದ್ದರೂ ಹೋಗಿ ಬಾಂಗ್ಲಾದೇಶದ ಚಾರಿಗ್ರಾಮ್ ಎಂಬ ಗ್ರಾಮದಲ್ಲಿರುವ ಈ ಹಸುವನ್ನು ನೋಡಿ ಬರುತ್ತಿದ್ದಾರೆ.
ಈ ಹಸು 26 ಕೆಜಿ ತೂಕ ಇದೆ. ಸದ್ಯ ಗಿನ್ನಿಸ್ ವರ್ಲ್ಡ್ ರೆಕಾರ್ಡ್ನಲ್ಲಿರುವ ಚಿಕ್ಕ ಹಸುವಿಗಿಂತಲೂ 10 ಸೆಂಟಿಮೀಟರ್ ಚಿಕ್ಕದಾಗಿದೆ. ಈ ಹಸುವನ್ನು ಗಿನ್ನಿಸ್ ವರ್ಲ್ಡ್ ರೆಕಾರ್ಡ್ಸ್ಗೆ ಸೇರಿಸಲು ಮೂರು ತಿಂಗಳಿನಲ್ಲಿ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆಯಿದೆ. ಸುಮಾರು 15 ಸಾವಿರಕ್ಕೂ ಹೆಚ್ಚು ಜನ ಈ ಹಸುವನ್ನು ವೀಕ್ಷಿಸಲು ಬಂದಿದ್ದಾರೆ ಎನ್ನಲಾಗುತ್ತಿದೆ.
