ಕರ್ನಾಟಕದ ಕರಾವಳಿ ಭಾಗದ ಈಜುಪಟು, ಮಂಗಳೂರಿನ ವನ್ ಆಕ್ವಾ ಸೆಂಟರ್ನ ಕೋಚ್ ಶ್ರೀಲಕ್ಷ್ಮಿ ಅವರು ಹೈದರಾಬಾದ್ನಲ್ಲಿ ನಡೆದ 21ನೇ ರಾಷ್ಟ್ರೀಯ ಮಾಸ್ಟರ್ಸ್ ಈಜು ಚಾಂಪಿಯನ್ಶಿಪ್ನಲ್ಲಿ (21st National Master Aquatic Championship 2025) ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಸ್ವಿಮ್ಮಿಂಗ್ ಫೆಡರೇಶನ್ ಆಫ್ ಇಂಡಿಯಾ (SFI) ವತಿಯಿಂದ ಗಚಿಬೌಲಿಯಲ್ಲಿ ಆಯೋಜಿಸಲಾಗಿದ್ದ ಈ ಪ್ರತಿಷ್ಠಿತ ಸ್ಪರ್ಧೆಯಲ್ಲಿ ಅವರು ಒಟ್ಟು ಐದು ಪದಕಗಳನ್ನು ಜಯಿಸಿ ನಾಡಿಗೆ ಕೀರ್ತಿ ತಂದಿದ್ದಾರೆ.
ವಿಟ್ಲ ಮೂಲದ ಶ್ರೀಲಕ್ಷ್ಮಿ ಅವರು ತಮ್ಮ ವೈಯಕ್ತಿಕ ಈಜು ಸ್ಪರ್ಧೆಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದಾರೆ.
ಪ್ರಮುಖವಾಗಿ, 100 ಮೀಟರ್ ಬಟರ್ಸ್ಟ್ ಸ್ಪರ್ಧೆಯಲ್ಲಿ ಅವರು ಚಿನ್ನದ ಪದಕ ಗೆದ್ದು ಗಮನ ಸೆಳೆದರು. ಇದರ ಜೊತೆಗೆ, 200 ಮೀಟರ್ ವೈಯಕ್ತಿಕ ಮೆಡ್ಲೆ ಮತ್ತು 100 ಮೀಟರ್ ಬ್ರೆಸ್ಟ್ಸ್ಟ್ರೋಕ್ ಸ್ಪರ್ಧೆಗಳಲ್ಲಿ ಬೆಳ್ಳಿ ಪದಕಗಳನ್ನು ತಮ್ಮದಾಗಿಸಿಕೊಂಡು ಪದಕ ಪಟ್ಟಿಗೆ ಮತ್ತಷ್ಟು ಕೊಡುಗೆ ನೀಡಿದರು.
ವೈಯಕ್ತಿಕ ಸ್ಪರ್ಧೆಗಳಲ್ಲದೆ, ಶ್ರೀಲಕ್ಷ್ಮಿ ಅವರು ಕರ್ನಾಟಕ ತಂಡದ ಭಾಗವಾಗಿಯೂ ಯಶಸ್ಸು ಗಳಿಸಿದ್ದಾರೆ. ಅವರು 4×50 ಮೀಟರ್ ಮೆಡ್ಲೆ ರೀಲೆ ಮತ್ತು 4×50 ಮೀಟರ್ ಫ್ರೀಸ್ಟೈಲ್ ರಿಲೇ ಸ್ಪರ್ಧೆಗಳಲ್ಲಿ ತಂಡದೊಂದಿಗೆ ಕಂಚಿನ ಪದಕಗಳನ್ನು ಜಯಿಸಿದರು. ಈ ಚಾಂಪಿಯನ್ಶಿಪ್ನಲ್ಲಿ ಒಟ್ಟು ಐದು ಪದಕಗಳನ್ನು ಗೆಲ್ಲುವ ಮೂಲಕ ತರಬೇತುದಾರರಾಗಿ ಮತ್ತು ಈಜುಪಟುವಾಗಿ ಶ್ರೀಲಕ್ಷ್ಮಿ ಅವರು ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿದ್ದಾರೆ.
