ಅಕ್ರಮವಾಗಿ ಮೊಸಳೆ ಮಾರಾಟ; ಇಬ್ಬರ ಬಂಧನ

- Advertisement -

ಬೆಂಗಳೂರು: ನಗರದ ಚನ್ನಮ್ಮನ ಕೆರೆ ಅಚ್ಚುಕಟ್ಟು ಪ್ರದೇಶದಲ್ಲಿ ಅಕ್ರಮವಾಗಿ ಜೀವಂತ ಮೊಸಳೆ ಮರಿಯ ಮಾರಾಟದಲ್ಲಿ ತೊಡಗಿದ್ದ ಇಬ್ಬರು ಆಸಾಮಿಗಳನ್ನು ಬೆಂಗಳೂರು ದಕ್ಷಿಣ ವಿಭಾಗದ ಪೊಲೀಸರು ಬಂಧಿಸಿದ್ದಾರೆ.

ಅಬ್ದುಲ್​ ಖಾಲೀದ್​ ಮತ್ತು ಗಂಗಾಧರ್​ ಬಿ.ಎನ್​ ಬಂಧಿತ ಆರೋಪಗಳು. ಇವರು ಬಿಳಿ ಕ್ಯಾನ್​ನಲ್ಲಿ ಮೊಸಳೆ ಮರಿಯನ್ನಿಟ್ಟುಕೊಂಡು ಈಶ್ವರಿ ಥಿಯೇಟರ್​ ಬಳಿ ಮಾರಾಟ ಮಾಡಲು ಬಂದಿದ್ದಾರೆ.

ಇದನ್ನ ಗಮನಿಸಿದ ಸಾರ್ವಜನಿಕರು ಪೊಲೀಸರಿಗೆ ವಿಷಯ ತಿಳಿಸಿದ್ದಾರೆ ಈ ವೇಳೆ ಸ್ಥಳಕ್ಕಾಗಮಿಸಿದ ಪೊಲೀಸರು ಇಬ್ಬರನ್ನು ಬಂಧಿಸಿ ಮೊಸಳೆಯ ಮರಿಯನ್ನು ರಕ್ಷಿಸಿದ್ದಾರೆ. ಇನ್ನು ಆರೋಪಿಗಳ ಮೇಲೆ ವನ್ಯಜೀವಿ ಸಂರಕ್ಷಣೆ ಕಾಯ್ದೆ 1972ರ ಅನ್ವಯ ಕೇಸ್​ ದಾಖಲಿಸಿ ಕಸ್ಟಡಿಗೆ ತೆಗೆದುಕೊಳ್ಳಲಾಗಿದೆ.