ಗುಲಾಬಿ ಹೂವು ಪ್ರೀತಿಯ ಸಂಕೇತ. ಆದರೆ ಸೌಂದರ್ಯವರ್ಧಕ ಕೂಡ. ಪುರುಷರು ಗಿಂತ ಹೆಚ್ಚು ಮಹಿಳೆಯರಿಗೆ ಇದರ ಪ್ರಯೋಜನ ಜಾಸ್ತಿ. ವಿಶೇಷವಾಗಿ ಯೌವ್ವನವನ್ನು ದೀರ್ಘಕಾಲ ಕಾಪಾಡಿಕೊಳ್ಳಲು ಗುಲಾಬಿ ಹೂವಿನ ಸಾರ ನೆರವಾಗುತ್ತದೆ.
ಗುಲಾಬಿ ಹೂವಿನ ದಳಗಳನ್ನು ತಿನ್ನುತ್ತಾ ಹೋದರೆ ಮುಖದ ಮೇಲಿನ ಕಲೆಗಳು ಸಹ ದೂರವಾಗಿ ಒಳಗಿನಿಂದಲೇ ಸೌಂದರ್ಯ ಹೆಚ್ಚುತ್ತದೆ. ಪುರುಷರಿಗೂ ಕೂಡ ಗುಲಾಬಿ ಹೂವಿನ ದಳಗಳಿಂದ ಸಾಕಷ್ಟು ಉಪಯೋಗವಿದೆ. ಈ ಲೇಖನದಲ್ಲಿ ಗುಲಾಬಿ ಹೂವಿನ ಬಳಕೆಯ ಬಗ್ಗೆ ಮತ್ತು ಅವುಗಳ ಪ್ರಯೋಜನಗಳ ಬಗ್ಗೆ ತಿಳಿಸಿಕೊಡಲಾಗಿದೆ.
ತೂಕ ನಿಯಂತ್ರಣದಲ್ಲಿ ಸಹಾಯಕ
ಗುಲಾಬಿ ಹೂವಿನ ದಳಗಳಲ್ಲಿ ನಿಮ್ಮ ದೇಹದ ಮೆಟಬಾಲಿಸಂ ಪ್ರಕ್ರಿಯೆಯನ್ನು ಉತ್ತಮ ಪಡಿಸುವ ಜೊತೆಗೆ ದೇಹದಿಂದ ವಿಷಕಾರಿ ಅಂಶಗಳನ್ನು ದೂರ ಮಾಡಿ ನಿಮ್ಮ ದೇಹದ ತೂಕ ನಿಯಂತ್ರಣದಲ್ಲಿ ನೆರವಾಗುವ ಗುಣ ಲಕ್ಷಣಗಳು ಕಾಣಿಸುತ್ತವೆ. ಹೀಗಾಗಿ ಸ್ವಚ್ಛವಾಗಿ ತೊಳೆದ ಗುಲಾಬಿ ದಳಗಳನ್ನು ಒಂದು ಹಿಡಿ ತಿನ್ನುವ ಅಭ್ಯಾಸ ಇಟ್ಟುಕೊಳ್ಳಬೇಕು. ಇದರಿಂದ ಹೊಟ್ಟೆ ಹಸಿವು ಕೂಡ ಕಡಿಮೆಯಾಗುತ್ತದೆ.
ಅನುಕೂಲವಾಗುವ ಟಿಪ್ಸ್
ಸುಮಾರು ಹತ್ತರಿಂದ ಹದಿನೈದು ತಾಜಾ ಗುಲಾಬಿ ದಳಗಳನ್ನು ಕುದಿಯುವ ನೀರಿನಲ್ಲಿ ಹಾಕಿ ಚೆನ್ನಾಗಿ ಕುದಿಸಿ ನೀರು ನೇರಳೆ ಬಣ್ಣ ಬರುವವರೆಗೂ ಹಾಗೆ ಇರಬೇಕು.
ಆ ನಂತರ ಇದಕ್ಕೆ ಸ್ವಲ್ಪ ಜೇನುತುಪ್ಪ ಮತ್ತು ದಾಲ್ಚಿನ್ನಿ ಪುಡಿ ಹಾಕಿ ಮಿಶ್ರಣ ಮಾಡಬೇಕು. ನೀವು ನಿಮ್ಮ ಹೊಟ್ಟೆಯ ಭಾಗದ ಬೊಜ್ಜನ್ನು ಕರಗಿಸಲು ಸಹ ಇದನ್ನು ಬೆಳಗಿನ ಸಮಯದಲ್ಲಿ ಖಾಲಿಹೊಟ್ಟೆಯಲ್ಲಿ ಕುಡಿಯುವ ಅಭ್ಯಾಸ ಮಾಡಿಕೊಳ್ಳಬಹುದು.
ಲೈಂಗಿಕ ಶಕ್ತಿ ಹೆಚ್ಚಾಗುತ್ತದೆ
ಆಯುರ್ವೇದ ಶಾಸ್ತ್ರದ ಪ್ರಕಾರ ಗುಲಾಬಿ ಹೂವು ಪ್ರೀತಿಯ ಸಂಕೇತ. ಆದರೆ ನಿಸರ್ಗದತ್ತವಾಗಿ ಕೂಡ ಗುಲಾಬಿ ಹೂವಿನಲ್ಲಿ ಮನುಷ್ಯನ ದೇಹದ ಲೈಂಗಿಕ ಶಕ್ತಿಯನ್ನು ಹೆಚ್ಚು ಮಾಡುವ ಲಕ್ಷಣ ಕಾಣಿಸುತ್ತದೆ.
ಪುರುಷರಲ್ಲಿ ಹಾಗೂ ಮಹಿಳೆಯರಲ್ಲಿ ಇರುವಂತಹ ದೋಷಗಳನ್ನು ಕಡಿಮೆ ಮಾಡಿ ಹೃದಯವನ್ನು ನಿಯಂತ್ರಣ ಮಾಡುವುದರ ಜೊತೆಗೆ ಮಾನಸಿಕ ಹಾಗೂ ದೈಹಿಕ ಶಕ್ತಿಯನ್ನು ಸಹ ಹೆಚ್ಚಿಸುತ್ತದೆ. ನೀವು ನಿಮ್ಮ ದೇಹದ ಲೈಂಗಿಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಲು, ಕೆಲವು ಗುಲಾಬಿ ದಳಗಳನ್ನು ಪ್ರತಿದಿನ ಸೇವನೆ ಮಾಡುವ ಅಭ್ಯಾಸ ಇಟ್ಟುಕೊಳ್ಳಬಹುದು.
ಮಾನಸಿಕ ಒತ್ತಡ ಮತ್ತು ಖಿನ್ನತೆಯನ್ನು ದೂರ ಮಾಡುತ್ತದೆ
ದೇಹದ ಆಯಾಸ ಮತ್ತು ಒತ್ತಡ, ನಿದ್ರಾಹೀನತೆ ಮತ್ತು ಸುಸ್ತು ಜೊತೆಗೆ ದೇಹದ ಕಿರಿಕಿರಿಯನ್ನು ಗುಲಾಬಿ ಹೂವಿನ ದಳಗಳು ಕಡಿಮೆ ಮಾಡಬಲ್ಲವು ಎಂಬ ನಂಬಿಕೆ ಇದೆ. ಇಷ್ಟೇ ಅಲ್ಲದೆ ಗುಲಾಬಿ ಹೂವಿನ ಸಾರವನ್ನು ಅಥವಾ ವಾಸನೆಯನ್ನು ಕುಡಿಯುವುದರಿಂದ ಕೂಡ ಶ್ವಾಸಕೋಶದ ಸಮಸ್ಯೆ ಪರಿಹಾರವಾಗುತ್ತದೆ ಎಂದು ಹೇಳುತ್ತಾರೆ.
ನೀವು ಸ್ನಾನ ಮಾಡುವಾಗ ಬಿಸಿ ನೀರಿಗೆ ಗುಲಾಬಿ ಹೂವಿನ ದಳಗಳನ್ನು ಹಾಕಿ ಸ್ವಲ್ಪ ಹೊತ್ತು ಬಿಟ್ಟು ಆನಂತರ ಸ್ನಾನ ಮಾಡಿದರೆ, ಗುಲಾಬಿ ಹೂವಿನ ಸುವಾಸನೆ ನಿಮ್ಮ ಮನಸ್ಸನ್ನು ಮುದಗೊಳಿಸುತ್ತದೆ.
ಪೈಲ್ಸ್ ಇರುವವರಿಗೆ ಒಳ್ಳೆಯದು
ಯಾರಿಗೆ ಈಗಾಗಲೇ ಪೈಲ್ಸ್ ಅಥವಾ ಮೂಲವ್ಯಾಧಿ ಸಮಸ್ಯೆಇದೆ ಅಂತಹವರು ಕೂಡ ಗುಲಾಬಿ ಹೂವಿನ ದಳಗಳನ್ನು ಸೇವನೆ ಮಾಡುವ ಅಭ್ಯಾಸ ಇಟ್ಟುಕೊಳ್ಳಬಹುದು. ಏಕೆಂದರೆ ಇದರಲ್ಲಿ ನಾರಿನ ಅಂಶ ಹೆಚ್ಚಾಗಿರುತ್ತದೆ ಮತ್ತು ದೇಹದ ಜೀರ್ಣಶಕ್ತಿಯನ್ನು ಹೆಚ್ಚು ಮಾಡುವ ಗುಣ ಕೂಡ ಕಂಡುಬರುತ್ತದೆ.
ಒಂದು ವೇಳೆ ನಿಮಗೆ ಈಗಾಗಲೇ ರಕ್ತಸ್ರಾವ ಹೆಚ್ಚಾಗಿದ್ದರೆ ಮತ್ತು ನೋವು ಕಂಡು ಬರುತ್ತಿದ್ದರೆ, ನೀವು ಗುಲಾಬಿ ಹೂವಿನ ರಸ ಸೇವನೆ ಮಾಡಬಹುದು ಅಥವಾ ಗುಲ್ಕನ್ ತಿನ್ನಬಹುದು.
ತಕ್ಷಣ ಮಾಡಿಕೊಳ್ಳಬಹುದಾದ ಒಂದು ಪರಿಹಾರ
ನೀವು ಒಂದು ಹಿಡಿ ಗುಲಾಬಿ ಹೂವಿನ ದಳಗಳನ್ನು 50 ಎಂಎಲ್ ನೀರಿನಲ್ಲಿ ಹಾಕಿ ಚೆನ್ನಾಗಿ ಜಿಜ್ಜಿ ಪೇಸ್ಟ್ ತರಹ ತಯಾರಿಸಿ. ಇದನ್ನು ಆನಂತರ ಖಾಲಿಹೊಟ್ಟೆಯಲ್ಲಿ ಮೂರು ದಿನಗಳ ಕಾಲ ಕುಡಿಯುವ ಅಭ್ಯಾಸ ಇಟ್ಟುಕೊಂಡರೆ, ರಕ್ತಸ್ರಾವ ಕಡಿಮೆಯಾಗುತ್ತದೆ.
ಗುಲಾಬಿ ಹೂವಿನ ನೀರು ಸೌಂದರ್ಯವರ್ಧಕ
ನಿಮ್ಮ ಚರ್ಮದ ಕಿರಿಕಿರಿಯನ್ನು ತಪ್ಪಿಸುವುದರ ಜೊತೆಗೆ, ಚರ್ಮದಲ್ಲಿ ಕಂಡುಬರುವಂತಹ ಅತಿಯಾದ ಎಣ್ಣೆಯ ಅಂಶವನ್ನು ಸಹ ಹೋಗಲಾಡಿಸಿ ಸೂಕ್ಷ್ಮ ಚರ್ಮ ಇರುವವರಿಗೆ ಚರ್ಮದ ಸಮಸ್ಯೆಗಳು ಕಂಡು ಬರದಂತೆ ಇದು ನೋಡಿಕೊಳ್ಳುತ್ತದೆ.
ಇದರಲ್ಲಿ ಪ್ರಮುಖವಾಗಿ ಆಂಟಿಆಕ್ಸಿಡೆಂಟ್ ಮತ್ತು ಆಂಟಿ ಬ್ಯಾಕ್ಟೀರಿಯಲ್ ಗುಣಲಕ್ಷಣಗಳು ಇರಲಿದ್ದು, ಚರ್ಮವನ್ನು ಒಳಗಿನಿಂದ ಸ್ವಚ್ಛ ಪಡಿಸುತ್ತದೆ ಮತ್ತು ವಯಸ್ಸಾಗುವಿಕೆ ಪ್ರಕ್ರಿಯೆಯನ್ನು ದೂರ ವಿರಿಸುತ್ತದೆ. ಚರ್ಮದ ಅತಿಯಾದ ಕೆರೆತ ಕೂಡ ದೂರವಾಗುತ್ತದೆ.
ಇದಕ್ಕೆ ನೀವು ಮೊದಲೇ ಹೇಳಿದಂತೆ ಸ್ನಾನ ಮಾಡುವ ನೀರಿನಲ್ಲಿ ಗುಲಾಬಿ ಹೂವಿನ ದಳಗಳನ್ನು ಹಾಕಿ ಸಲ ಮಾಡಬಹುದು ಅಥವಾ ಗುಲಾಬಿ ಹೂವಿನ ರಸವನ್ನು ನಿಮ್ಮ ತ್ವಚೆಗೆ ಹಚ್ಚಿ ಕೊಳ್ಳಬಹುದು.
ಮೊಡವೆಗಳ ಪರಿಹಾರಕ್ಕೆ ಗುಲಾಬಿ ನೀರು
ಒಂದು ವೇಳೆ ನಿಮಗೆ ಮುಖದ ಮೇಲೆ ಮೊಡವೆಗಳು ಮೂಡಿ ಬಂದಿದ್ದರೆ, ನೈಸರ್ಗಿಕವಾಗಿ ಅವು ಗಳನ್ನು ಗುಲಾಬಿ ಹೂವಿನ ನೀರಿನಿಂದ ಪರಿಹಾರ ಮಾಡಿಕೊಳ್ಳಬಹುದು. ಗುಲಾಬಿ ಹೂವಿನ ದಳಗಳನ್ನು ಮಾಯಿಶ್ಚರೈಸರ್ ತರಹ ಉಪಯೋಗಿಸಿದರೆ ಅದರಲ್ಲಿರುವ ಆಂಟಿ ಬ್ಯಾಕ್ಟೀರಿಯಲ್ ಗುಣಲಕ್ಷಣಗಳು ಮತ್ತು ಆಂಟಿಸೆಪ್ಟಿಕ್ ಲಕ್ಷಣಗಳು ನಿಮ್ಮ ತ್ವಚೆಗೆ ಸಿಗುತ್ತವೆ.
ಇದರ ಜೊತೆಗೆ ನೀವು ಇನ್ನೊಂದು ಪರಿಹಾರವನ್ನು ಸಹ ಮಾಡಬಹುದು. ಅದೇನೆಂದರೆ ಸ್ವಲ್ಪ ಮೆಂತ್ಯದ ಕಾಳುಗಳನ್ನು ಇಡೀ ರಾತ್ರಿ ನೆನೆಹಾಕಿ ಬೆಳಗ್ಗೆ ಅವುಗಳನ್ನು ಪೇಸ್ಟ್ ಮಾಡಿಕೊಳ್ಳುವ ಸಂದರ್ಭದಲ್ಲಿ ಗುಲಾಬಿ ನೀರು ಸೇರಿಸಬೇಕು. ಚರ್ಮದ ಮೇಲೆ ಹಚ್ಚಿಕೊಂಡು ಇಪ್ಪತ್ತು ನಿಮಿಷಗಳು ಹಾಗೆ ಬಿಟ್ಟು ಆನಂತರ ತಂಪಾದ ನೀರಿನಲ್ಲಿ ತೊಳೆದುಕೊಳ್ಳಬೇಕು.
ತುಟಿಯ ಬಣ್ಣವನ್ನು ಹೊಳಪಾಗಿ ಬದಲಿಸುತ್ತದೆ
ಗುಲಾಬಿ ಹೂಗಳು ತಮ್ಮದೇ ಆದ ರೀತಿಯಲ್ಲಿ ನಿಮ್ಮ ತುಟಿಗಳ ಬಣ್ಣವನ್ನು ನೈಸರ್ಗಿಕವಾಗಿ ಬದಲಿಸುತ್ತವೆ. ತುಂಬಾ ಮೃದುವಾದ ಮತ್ತು ಕೋಮಲವಾದ ತುಟಿಗಳು ನಿಮ್ಮದಾಗುತ್ತದೆ. ಇದಕ್ಕಾಗಿ ನೀವು ಗುಲಾಬಿ ಹೂವಿನ ಮಾಯಿಶ್ಚರೈಸರ್ ಅನ್ವಯಿಸಬೇಕು ಅಷ್ಟೇ. ಇದನ್ನು ಅನ್ವಯಿಸಿದ ನಂತರ ನಿಮ್ಮ ತುಟಿಗಳು ದಪ್ಪ ಕೂಡ ಆಗುತ್ತವೆ.
ತಾಜಾ ಗುಲಾಬಿ ಹೂವಿನ ದಳಗಳನ್ನು ಒಂದು ಟೇಬಲ್ ಚಮಚ ಹಾಲಿನ ಕೆನೆಯ ಜೊತೆ ಮಿಶ್ರಣ ಮಾಡಿ ಅದಕ್ಕೆ ಸ್ವಲ್ಪ ಜೇನುತುಪ್ಪ ಹಾಕಿ ಮಿಶ್ರಣ ಮಾಡಬೇಕು. ನಂತರ ಈ ಪೇಸ್ಟ್ ಅನ್ನು ನಿಮ್ಮ ತುಟಿಗಳಿಗೆ ಹಚ್ಚಬೇಕು. ಹದಿನೈದು ನಿಮಿಷಗಳು ಹಾಗೆ ಬಿಟ್ಟು ಆನಂತರ ನೀರಿನಲ್ಲಿ ಸ್ವಚ್ಛ ಮಾಡಿ ಕೊಳ್ಳಬೇಕು.
