ಆಹಾರ ಪದಾರ್ಥಗಳ ವಿಚಾರಕ್ಕೆ ಬಂದಾಗ ನಮ್ಮ ದೇಹಕ್ಕೆ ಯಾವುದು ಸರಿ ಹೊಂದುತ್ತದೆ ಅಂತಹ ಆಹಾರಗಳನ್ನು ಸೇವನೆ ಮಾಡುವ ಕಡೆಗೆ ಹೆಚ್ಚಿನ ಮಹತ್ವ ನೀಡಬೇಕು. ಮೊಟ್ಟ ಮೊದಲು ಅನಾರೋಗ್ಯಕರ ಆಹಾರಗಳನ್ನು ದೂರ ಇಟ್ಟು ನಮ್ಮ ಆರೋಗ್ಯವನ್ನು ರಕ್ಷಣೆ ಮಾಡಿಕೊಳ್ಳಬೇಕು. ಇದಕ್ಕಾಗಿ ಪೌಷ್ಟಿಕಸತ್ವಗಳನ್ನು ಒಳಗೊಂಡಿರುವ ಆಹಾರಗಳನ್ನು ಸೇವನೆ ಮಾಡುವ ಅಭ್ಯಾಸ ಮಾಡಿಕೊಂಡರೆ ಬಹಳ ಒಳ್ಳೆಯದು.
ಇದಕ್ಕೊಂದು ಒಳ್ಳೆಯ ಉದಾಹರಣೆ ಎಂದರೆ ಬಡವರ ಬಾದಾಮಿ ಎಂದು ಕರೆಯಲಾಗುವ ಶೇಂಗಾ ಬೀಜಗಳು! ಬನ್ನಿ ಇಂದಿನ ಲೇಖನದಲ್ಲಿ ಬಾದಾಮಿ ಬೀಜಗಳಲ್ಲಿ ಸಿಗುವಷ್ಟೇ ಪೌಷ್ಟಿಕ ಗುಣಗಳನ್ನು ಹೊಂದಿರುವ ಶೇಂಗಾ ಬೀಜದ ಆರೋಗ್ಯ ಪ್ರಯೋಜನಗಳು ಏನೆಲ್ಲಾ ಎನ್ನುವುದನ್ನು ನೋಡೋಣ ಬನ್ನಿ
ಈ ಶೇಂಗಾ ಬೀಜಗಳನ್ನು ಬೇರೆ ಬೇರೆ ಹೆಸರಿನಿಂದ ಕರೆಯುತ್ತಿರುತ್ತಾರೆ
ಶೇಂಗಾ ಬೀಜಕ್ಕೆ ನಮ್ಮ ಕರ್ನಾಟಕದಲ್ಲಿಯೇ ಹಲವಾರು ಹೆಸರುಗಳಿವೆ. ಸಾಮಾನ್ಯವಾಗಿ ಬಸ್ ಸ್ಟ್ಯಾಂಡು ಗಳಲ್ಲಿ ಅಥವಾ ರೈಲ್ವೆ ನಿಲ್ದಾಣಗಳಲ್ಲಿ ಹುರಿದ ಶೇಂಗಾವನ್ನು ಮಾರುವವರಿಂದ ಟೈಂ ಪಾಸ್ ಕಡ್ಲೆಕಾಯಿ ಎಂದು ಕೂಗುತ್ತಿದ್ದರೆ, ಅಂಗಡಿಗಳಲ್ಲಿ ಕಡ್ಲೆಬೀಜಗಳು ಎಂದು ಕರೆಯುತ್ತಾರೆ.
ಇನ್ನು ಉತ್ತರ ಕರ್ನಾಟಕದ, ಕೆಲವು ಕಡೆಗಳಲ್ಲಿ ಪುಟಾಣಿ ಅಥವಾ ವಟಾಣಿ ಎಂದೂ ಕೂಡ ಕರೆಯ ಲಾಗುತ್ತದೆ. ಅದೇ ಕರಾವಳಿ ಕಡೆಯ ಜನರು ಇದಕ್ಕೆ ನೆಲಗಡಲೆ ಎಂದು ಕರೆಯುತ್ತಾರೆ.
ಅದೇ ರೀತಿಯಾಗಿ ನೀವು ಸೂಪರ್ ಮಾರ್ಕೆಟ್ ಅಥವಾ ಸೂಪರ್ ಬಜಾರ್ ಗೆ ಹೋದರೆ ಅಲ್ಲಿ ಪೀನಟ್ಸ್ ಹೆಸರಿನಿಂದ ಶೇಂಗಾ ಬೀಜಗಳಿಗೆ ಸ್ವಲ್ಪ ಖಾರ-ಉಪ್ಪು ಮಸಾಲೆ ಮಿಕ್ಸ್ ಮಾಡಿ ಮಾರುತ್ತಿರುತ್ತಾರೆ. ಇದನ್ನು ಮಸಾಲೆ ಶೇಂಗಾ ಬೀಜಗಳು ಎಂದು ಕೂಡ ಕರೆಯಲಾಗುತ್ತದೆ.
ಹೃದಯದ ಆರೋಗ್ಯಕ್ಕೆ ಒಳ್ಳೆಯದು…
ಶೇಂಗಾ ಬೀಜದಲ್ಲಿ ಆರೋಗ್ಯಕಾರಿ ಕೊಬ್ಬಿನಾಂಶ ಕಂಡು ಬರುವುದರಿಂದ, ಆರೋಗ್ಯಕ್ಕೆ ಬಹಳ ಒಳ್ಳೆಯದು. ಈ ಬೀಜಗಳಲ್ಲಿ ಕಂಡುಬರುವ ಕೊಬ್ಬಿನಾಂಶಗಳಿಗೆ, ಹೃದಯಕ್ಕೆ ಸರಬರಾಜು ಆಗುವ ರಕ್ತಪರಿಚಲನೆಗೆ ತಡೆಯನ್ನು ನಿರ್ಮಿಸುವ ಗುಣ ಇರುವುದಿಲ್ಲ.
ಹೃದಯದ ಮೇಲೆ ಒತ್ತಡವನ್ನು ಉಂಟು ಮಾಡುವ ಯಾವುದೇ ಗುಣಲಕ್ಷಣಗಳು ಈ ಬೀಜಗಳಲ್ಲಿ ಕಂಡು ಬರುವುದಿಲ್ಲ. ಇದ ರಿಂದಾಗಿ ಹೃದಯಕ್ಕೆ ಸಂಬಂಧ ಪಟ್ಟ ಯಾವುದೇ ಸಮಸ್ಯೆಗಳು ಎದುರಾಗುವುದಿಲ್ಲ.
ಈ ಮೂಲಕ ಹೃದ್ರೋಗಗಳು ಎದುರಾಗುವ ಅಪಾಯವನ್ನು ಕಡಿಮೆ ಮಾಡುತ್ತದೆ. ಹೀಗಾಗಿ ಈ ಬೀಜಗಳ ಸಂಪೂರ್ಣ ಲಾಭ ಪಡೆಯಲು ಎರಡು ಮೂರು ದಿನಕ್ಕೊಮ್ಮೆ ಸ್ವಲ್ಪ ಶೇಂಗಾ ಬೀಜಗಳನ್ನು ಸೇವನೆ ಮಾಡುವ ಅಭ್ಯಾಸ ಮಾಡಿಕೊಂಡರೆ ಬಹಳ ಒಳ್ಳೆಯದು.
ಹೃದಯ ಸಮಸ್ಯೆ ಎಂದಿಗೂ ಬರಬಾರದೆಂದರೆ, ಇಂತಹ ಆಹಾರಗಳನ್ನು ಸೇವಿಸಲೇಬೇಕು
ತೂಕ ಇಳಿಸುವವರಿಗೆ
ಶೇಂಗಾ ಬೀಜಗಳನ್ನು ಮಿತವಾಗಿ ಸೇವನೆ ಮಾಡುವುದರಿಂದ, ಕೂಡ, ದೇಹದ ತೂಕ ಇಳಿಸಿಕೊಳ್ಳ ಬಹುದಂತೆ! ಇದಕ್ಕೆ ಮುಖ್ಯ ಕಾರಣಗಳು ಏನೆಂದರೆ ಈ ಶೇಂಗಾ ಬೀಜಗಳಲ್ಲಿ ಕರಗುವ ನಾರಿನಾಂಶ ಅಧಿಕ ಪ್ರಮಾಣದಲ್ಲಿ ಸಿಗುವುದರ ಜೊತೆಗೆ ಪ್ರೋಟೀನ್ ಅಂಶವು ಕೂಡ ಹೇರಳವಾಗಿ ಕಂಡು ಬರುವುದರಿಂದ, ತೂಕ ಇಳಿಸುವವರಿಗೆ, ಇದೊಂದು ಆರೋಗ್ಯಕಾರಿ ಬೀಜಗಳು ಎನ್ನುವುದರಲ್ಲಿ ಎರಡು ಮಾತಿಲ್ಲ.
ಇನ್ನು ಮುಖ್ಯವಾಗಿ, ಮಿತ ಪ್ರಮಾಣದಲ್ಲಿ ಈ ಬೀಜಗಳನ್ನು ತಿನ್ನುವುದರಿಂದ, ಹೆಚ್ಚು ಸಮಯ ದವರೆಗೆ ಹೊಟ್ಟೆ ತುಂಬಿರುವ ಭಾವನೆ ಮೂಡಿಸುತ್ತದೆ. ಇದರಿಂದಾಗಿ ಪದೇ ಪದೇ ತಿನ್ನುವ ಅಭ್ಯಾಸಕ್ಕೆ ಕಡಿವಾಣ ಬಿದ್ದಂತೆ ಆಗುತ್ತದೆ. ಇದರಿಂದ ದೇಹದ ತೂಕ ಇಳಿಸುವವರಿಗೆ, ತುಂಬಾನೇ ನೆರವಿಗೆ ಬರುತ್ತದೆ.
ಪ್ರತಿದಿನ ಒಂದು ಹಿಡಿ ನೆಲಗಡಲೆ ತಿಂದ್ರೆ, ತೂಕ ಇಳಿಸಬಹುದಂತೆ.
ಮಧುಮೇಹ ಕಾಯಿಲೆ ಇರುವವರು
ಮಧುಮೇಹ ಅಥವಾ ಸಕ್ಕರೆ ಕಾಯಿಲೆಯ ಬಗ್ಗೆ ನಮಗೆಲ್ಲಾ ಗೊತ್ತೇ ಇದೆ ಅಲ್ವಾ? ಒಂದು ತಿಂದರೆ ಕಡಿಮೆಯಾಗುತ್ತದೆ ಎರಡು ತಿಂದ್ರೆ ಹೆಚ್ಚಾಗುತ್ತದೆ ಎನ್ನುವ ಪರಿಸ್ಥಿತಿ ಅವರಿಗೆ ಎದುರಾಗುತ್ತದೆ.
ಈ ಕಾಯಿಲೆ ಒಮ್ಮೆ ಕಾಣಿಸಿಕೊಂಡರೆ, ಮತ್ತೆ ಗುಣಪಡಿಸಲು ಸಾಧ್ಯವಿಲ್ಲ. ಅಷ್ಟೇ ಅಲ್ಲದೆ ಈ ಕಾಯಿಲೆ ಇದ್ದವರು ಕಟ್ಟುನಿಟ್ಟಿನ ಆಹಾರ ಪದ್ಧತಿಯನ್ನು ಅನುಸರಿಸಿದರೆ ಮಾತ್ರ ಮುಂಚಿನ ಹಾಗೆ ಜೀವನ ನಡೆಸಲು ಸಾಧ್ಯ.
ಅದರಲ್ಲೂ ಸಕ್ಕರೆ ಅಂಶ ಹೆಚ್ಚಿರುವ ಆಹಾರಗಳು ಹಾಗೂ ಪಾನೀಯಗಳಿಂದ ಯಾವತ್ತಿಗೂ ಕೂಡ ದೂರ ಇರಬೇಕು. ಇನ್ನು ಮಧುಮೇಹಿಗಳು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ನಿಯಂತ್ರಣದಲ್ಲಿ ಇಟ್ಟು ಕೊಳ್ಳಬೇಕು ಎಂದರೆ, ಎರಡು ದಿನಕ್ಕೊಮ್ಮೆ ಸ್ವಲ್ಪ ಪ್ರಮಾಣದಲ್ಲಿ ಶೇಂಗಾಬೀಜವನ್ನು ತಿನ್ನುವ ಅಭ್ಯಾಸ ಮಾಡಿಕೊಂಡರೆ ಒಳ್ಳೆಯದು.
ಯಾಕೆಂದ್ರೆ ಈ ಬೀಜಗಳಲ್ಲಿ ಸಕ್ಕರೆ ಪ್ರಮಾಣ ಹಾಗೂ ಗ್ಲೈಸೆಮಿಕ್ ಸೂಚ್ಯಾಂಕ ಕಡಿಮೆ ಪ್ರಮಾಣದಲ್ಲಿ ಕಂಡುಬರುವುದರಿಂದ, ಮಧುಮೇಹಿಗಳ ರಕ್ತದಲ್ಲಿ ಸಕ್ಕರೆ ಅಂಶ ಹೆಚ್ಚಾಗುವ ಯಾವುದೇ ಅಪಾಯ ಕಂಡು ಬರುವುದಿಲ್ಲ.
ಕೊನೆಯ ಮಾತು
ಅತಿಯಾದರೆ ಅಮೃತವೂ ವಿಷ ಎಂಬಂತೆ, ನನಗೆ ಶೇಂಗಾಬೀಜ ಇಷ್ಟ ಎಂದು ಹೇಳಿ ಅತಿಯಾಗಿ ತಿನ್ನಬಾರದು!
ಈ ಬೀಜಗಳಲ್ಲಿರುವ, ಆರೋಗ್ಯ ಪ್ರಯೋಜನಗಳನ್ನು ಪಡೆಯಲು ವಾರಕ್ಕೆ ಒಂದೆರಡು ಬಾರಿ ಯಾದರೂ ಸೇವನೆ ಮಾಡಿದರೆ ಸಾಕಾಗುತ್ತದೆ
ಆದಷ್ಟೂ ಸ್ಥಳಿಯರು ಬೆಳೆದ ಶೇಂಗಾಬೀಜಗಳನ್ನು ಖರೀದಿಸುವುದು ಉತ್ತಮ. ಅಂದರೆ ಸಿಪ್ಪೆ ಸಹಿತ ಸಿಗುವ ನೆಲಗಡಲೆ ಲಭ್ಯವಿದ್ದರೆ ಒಳ್ಳೆಯದು.
