ಮೆಟಾ ಒಡೆತನ ಹೊಂದಿರುವ ಸಾಮಾಜಿಕ ಜಾಲತಣಗಳಲ್ಲಿ ಇನ್ಮುಂದೆ ಮಹಿಳೆಯರ ಸುರಕ್ಷತೆ ದೃಷ್ಟಿಯಿಂದ ಹೊಸದೊಂದು ಫೀಚರ್ನ್ನು ಅಳವಡಿಸೋದಾಗಿ ಹೇಳಿದೆ.
ಮಹಿಳೆಯರ ಸುರಕ್ಷತೆಗಾಗಿ Stop NCII.Org ಪ್ಲಾಟ್ಫಾರ್ಮ್ಅನ್ನು ಲಾಂಚ್ ಮಾಡಲಿದೆ. ಈ ಮೂಲಕ ಸಾಮಾಜಿಕ ಜಾಲತಾಣಘಳಾದ ಫೇಸ್ಬುಕ್, ಇನ್ಸ್ಟಾಗ್ರಾಂನಲ್ಲಿ ಮಹಿಳೆಯರ ಅಶ್ಲೀಲ ಚಿತ್ರ, ಖಾಸಗಿ ವಿಡಿಯೋಗಳನ್ನ ಹಂಚಿಕೊಳ್ಳುವ ಅಥವಾ ಪೋಸ್ಟ್ ಮಾಡುವುದಕ್ಕೆ ಕಡಿವಾಣ ಹಾಕಲಾಗುತ್ತದೆ ಎಂದು ಸಂಸ್ಥೆ ಮಾಹಿತಿ ನೀಡಿದೆ. ಹಿಂದಿಯಲ್ಲದೇ, ಭಾರತದ 11 ಪ್ರಾದೇಶಿಕ ಭಾಷೆಗಳಲ್ಲೂ ಈ ಫೀಚರ್ ಲಭ್ಯವಿರಲಿದ್ದು ಸೋಷಿಯಲ್ ಮೀಡಿಯಾ ಬಳಸುವ ಭಾರತದ ಮಹಿಳೆಯರಿಗೆ ಅನುಕೂಲದ ಜೊತೆ ಸುರಕ್ಷತೆಯೂ ಇರಲಿದೆ ಅಂತ ಮಾಹಿತಿ ಲಭ್ಯವಾಗಿದೆ.
ಇನ್ನು ಈ ಕುರಿತು ಮಾಹಿತಿ ನೀಡಿದ ಮೆಟಾ ಸಂಸ್ಥೆಯ ಜಾಗತಿಕ ಸುರಕ್ಷತಾ ವಿಭಾಗದ ನಿರ್ದೇಶಕಿ ಕರುಣಾ ‘ಈ ಹೊಸ ಫೀಚರ್ಗಳಿಂದ ಮಹಿಳೆಯರಿಗೆ ಸಾಧ್ಯವಾದಷ್ಟು ಸುರಕ್ಷತಾ ಕ್ರಮಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅಳವಡಿಸಲಾಗುವುದು. ಜೊತೆಗೆ ಸಂಸ್ಥೆಯು ಮುಂದಿನ ದಿನಗಳಲ್ಲಿ ಕೂಡ ಸುರಕ್ಷತಾ ದೃಷ್ಟಿಯಿಂದ ಹಲವಾರು ಕ್ರಮಗಳನ್ನು ಅಳವಡಿಸಲು ಕ್ರಮ ಕೈಗೊಂಡಿದ್ದೇವೆ’ ಎಂದಿದ್ದಾರೆ.
