Friday, March 29, 2024
spot_imgspot_img
spot_imgspot_img

ಮುಖದಲ್ಲಿನ ಮೊಡವೆ, ಸುಕ್ಕು ನಿವಾರಣೆಗೆ ಹಾಗಲಕಾಯಿ ಪ್ರಯೋಜನಕಾರಿ

- Advertisement -G L Acharya panikkar
- Advertisement -

ಹಾಗಲಕಾಯಿ ರುಚಿಯಲ್ಲಿ ಕಹಿಯಾಗಿದ್ದರೂ ಆರೋಗ್ಯಕ್ಕೆ ಬಹಳ ಒಳ್ಳೆಯದು. ಅದರಲ್ಲೂ ಮಧುಮೇಹಿಗಳಿಗೆ ಹಾಗಲಕಾರಿ ಸೇವನೆ ಬಹಳ ಒಳ್ಳೆಯದು ಎನ್ನಲಾಗುತ್ತದೆ. ಹಾಗಲಕಾಯಿಯನ್ನು ಸೇವಿಸುವುದರಿಂದ ನಮ್ಮ ದೇಹದ ವಿಷಕಾರಿ ಅಂಶಗಳು ಹೊರಬರುತ್ತವೆ.

ಹಾಗಲಕಾಯಿಯನ್ನು ನಿಯಮಿತವಾಗಿ ಸೇವಿಸುವುದರಿಂದ ರಕ್ತವನ್ನು ಶುದ್ಧೀಕರಿಸುವುದರ ಜೊತೆಗೆ ಅನೇಕ ರೋಗಗಳನ್ನು ದೂರವಿರಿಸಲು ಸಹಾಯ ಮಾಡುತ್ತದೆ. ಹಾಗಲಕಾಯಿಯನ್ನು ಸೇವಿಸೋದು ಮಾತ್ರವಲ್ಲ ಮುಖಕ್ಕೂ ಹಚ್ಚುತ್ತಾರೆ ಅನ್ನೋದು ನಿಮಗೆ ಗೊತ್ತಾ?

​ಮುಖದ ಅಂದಕ್ಕೆ ಹಾಗಲಕಾಯಿ

ಹಾಗಲಕಾಯಿ ತಿನ್ನುವುದರಿಂದ ಆಗುವ ಪ್ರಯೋಜನಗಳ ಬಗ್ಗೆ ಇಲ್ಲಿಯವರೆಗೂ ನೀವು ಅನೇಕರ ಬಾಯಿಂದ ಕೇಳಿರಬೇಕು. ಆದರೆ ಹಾಗಲಕಾಯಿ ಆರೋಗ್ಯಕ್ಕೆ ಮಾತ್ರವಲ್ಲ, ಮುಖಕ್ಕೂ ಸಹ ಪ್ರಯೋಜನಕಾರಿಯಾಗಿದೆ. ಮುಖದ ಮೇಲಿನ ಸುಕ್ಕುಗಳು, ಮೊಡವೆಗಳು, ಮೊಡವೆಗಳು ಮತ್ತು ವಯಸ್ಸಿನ ಕಲೆಗಳನ್ನು ನಿವಾರಿಸಲು ಹಾಗಲಕಾಯಿ ಫೇಸ್ ಪ್ಯಾಕ್ ಉತ್ತಮ ಎನ್ನಲಾಗುತ್ತದೆ.

​ಹಾಗಲಕಾಯಿಯಲ್ಲಿರುವ ಪೌಷ್ಠಿಕಾಂಶಗಳು

ಹಾಗಲಕಾಯಿಯು ಪೊಟ್ಯಾಸಿಯಮ್, ಸತು, ಮೆಗ್ನೀಸಿಯಮ್, ರಂಜಕ, ಕ್ಯಾಲ್ಸಿಯಂ, ಕಬ್ಬಿಣ, ತಾಮ್ರ, ಮ್ಯಾಂಗನೀಸ್ ನಿಂದ ಸಮೃದ್ಧವಾಗಿದೆ. ವಿಟಮಿನ್-ಸಿ, ವಿಟಮಿನ್-ಎ, ಇದರಲ್ಲಿ ಹೇರಳವಾಗಿದೆ.

ವಿಟಮಿನ್-ಬಿ ಗುಂಪಿನ ಫೋಲೇಟ್, ಥಯಾಮಿನ್, ನಿಯಾಸಿನ್, ರೈಬೋಫ್ಲಾವಿನ್, ಪ್ಯಾಂಟೊಥೆನಿಕ್ ಆಮ್ಲದಂತಹ ಅಂಶಗಳು ಚರ್ಮಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಹಾಗಾಗಿ ಇದನ್ನು ಮುಖಕ್ಕೆ ಹಚ್ಚಿಕೊಂಡರೆ ಮುಖದ ಅಂದ ಹೆಚ್ಚುವುದಲ್ಲದೆ, ಮುಖದಲ್ಲಿರುವ ಸಣ್ಣ ಪುಟ್ಟ ಸಮಸ್ಯೆಗಳನ್ನು ನಿವಾರಿಸುತ್ತದೆ.

​ಹಾಗಲಕಾಯಿ ಫೇಸ್‌ಪ್ಯಾಕ್ ತಯಾರಿಸಲು ಬೇಕಾಗುವ ಸಾಮಾಗ್ರಿಗಳು

ಹಾಗಲಕಾರಿ ರಸ
ಮೊಟ್ಟೆಯ ಹಳದಿ
ಮೊಸರು

​ಫೇಸ್‌ಪ್ಯಾಕ್ ತಯಾರಿಸುವ ವಿಧಾನ

  • ಹಾಗಲಕಾಯಿ ರಸಕ್ಕೆ ಮೊಟ್ಟೆಯ ಹಳದಿ ಲೋಳೆಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.
  • ಈ ಮಿಶ್ರಣವು ಸಿದ್ಧವಾದಾಗ, ಅದಕ್ಕೆ 2 ರಿಂದ 3 ಚಮಚ ಮೊಸರನ್ನು ಸೇರಿಸಿ ಮತ್ತು ಉತ್ತಮವಾದ ಪೇಸ್ಟ್ ತಯಾರಿಸಿ.
  • ಮುಖವನ್ನು ಸ್ವಚ್ಛಗೊಳಿಸಿದ ನಂತರ, ಬ್ರಷ್ ಸಹಾಯದಿಂದ ಈ ಪೇಸ್ಟ್ ಅನ್ನು ಹಚ್ಚಿರಿ.
  • ಹಾಗಲಕಾಯಿ ರಸದಿಂದ ಮಾಡಿದ ಫೇಸ್ ಪ್ಯಾಕ್ ಅನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿ 20 ನಿಮಿಷಗಳ ಕಾಲ ಬಿಡಿ.
  • ಫೇಸ್ ಪ್ಯಾಕ್ ಒಣಗಿದಾಗ ಸ್ಕ್ರಬ್ ನಂತೆ ಮಸಾಜ್ ಮಾಡಿ.
  • ಈ ಫೇಸ್ ಪ್ಯಾಕ್ ಅನ್ನು ವಾರಕ್ಕೆ 1 ರಿಂದ 2 ಬಾರಿ ಬಳಸಿದರೆ ಕೆಲವೇ ದಿನಗಳಲ್ಲಿ ಸುಕ್ಕುಗಳಿಂದ ಪರಿಹಾರ ಸಿಗುತ್ತದೆ.
- Advertisement -

Related news

error: Content is protected !!