ವರ್ಕ್ ಫ್ರಂ ಹೋಂ ಎಫೆಕ್ಟ್: ಹಸೆಮಣೆಯಲ್ಲೂ ಲ್ಯಾಪ್​ಟಾಪ್ ಹಿಡಿದು ಕೂತ ವರ

ಕೊರೊನಾದಿಂದಾಗಿ ಮುನ್ನೆಲೆಗೆ ಬಂದ ಹೊಸ ಶಬ್ದವೆಂದರೆ ವರ್ಕ್​ ಫ್ರಂ ಹೋಂ. ಮೌಸ್​, ಕೀ ಬೋರ್ಡ್​ ಬಿಟ್ರೆ ಬೇರೆ ಜಗತ್ತೇ ಇಲ್ಲವೇನೋ ಎಂಬಂತೆ ಕಂಪ್ಯೂಟರ್ ಮುಂದೆ ಕೂತಿರುತ್ತಿದ್ದವರಿಗೆ ವರ್ಕ್​ ಫ್ರಂ ಹೋಂ ಕೊಂಚ ಮಟ್ಟಿಗೆ ಕುಟುಂಬದೊಂದಿಗೆ ಕಾಲ ಕಳೆಯುವ ಅವಕಾಶ ಕೊಟ್ಟಿತು.

ಇರುವ ಸ್ಥಳದಿಂದಲೇ ಆಫೀಸ್ ಕೆಲಸ ಮಾಡು ಎಂದರೆ ಇಲ್ಲೊಬ್ಬ ತನ್ನ ಮದುವೆಯಲ್ಲೇ ಲ್ಯಾಪ್ ಟಾಪ್​ ಹಿಡಿದು ಕುಳಿತುಕೊಂಡಿದ್ದಾನೆ.

ಮದುವೆ ಶಾಸ್ತ್ರ ಮಾಡಲು ಪೋಷಕರು ಕಾಯ್ತಾಯಿದ್ರೆ ವರ ಮಾತ್ರ ತನಗೆ ಏನೂ ಸಂಬಂಧವೇ ಇಲ್ಲವೆನ್ನುವಂತೆ ಲ್ಯಾಪ್​ಟಾಪ್ ಹಿಡಿದು ಕುಳಿತುಕೊಂಡಿದ್ದ.

ಭಾವಿ ಪತಿಯ ಸ್ಥಿತಿ ನೋಡಿ ವಧು ಬಿದ್ದು ಬಿದ್ದು ನಕ್ಕರೆ, ಪುರೋಹಿತರು ವರನ ಮುಖ ನೋಡುತ್ತಾ ಕುಳಿತುಕೊಂಡಿದ್ದಾರೆ. ಈ ವಿಡಿಯೋ ಜಾಲತಾಣದಲ್ಲಿ ವೈರಲ್ ಆಗಿದೆ.