ಉಡುಪಿ: ಮರದ ಹುಡಿಯ ಗೋಡೌನ್‌ಗೆ ಬೆಂಕಿ; ತಪ್ಪಿದ ಅನಾಹುತ..!

ಉಡುಪಿ: ಮರದ ಹುಡಿಯನ್ನು ಸಂಗ್ರಹಿಸಿಟ್ಟಿದ್ದ ಗೋಡೌನ್‌ಗೆ ಬೆಂಕಿ ತಗುಲಿದ್ದು, ಹೊಗೆ ಮತ್ತು ಬೆಂಕಿಯಿಂದ ಸ್ಥಳದಲ್ಲಿ ಆತಂಕದ ವಾತಾವರಣ ಉಂಟಾದ ಘಟನೆ ಉಡುಪಿ ಜಿಲ್ಲೆಯ ಕಾಪು ತಾಲೂಕಿನ ಪಾದೂರಿನಲ್ಲಿ ನಡೆದಿದೆ.

ಬಳಿಕ ಸ್ಥಳೀಯರು ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಿದ್ದಾರೆ. ಉಡುಪಿಯಿಂದ ತೆರಳಿದ ಅಗ್ನಿಶಾಮಕ ದಳ ಸಿಬಂಧಿ ತಕ್ಷಣ ಕಾರ್ಯ ಪ್ರವೃತ್ತಿಗೊಂಡು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಮರದ ಹುಡಿ ಬೆಂಕಿಯ ತೀವ್ರತೆಯನ್ನು ಬೇಗನೆ ಆವರಿಸುವುದರಿಂದ ಸಂಭವಿಸುವ ಭಾರೀ ಅನಾಹುತ ತಪ್ಪಿದೆ.