ವಿಟ್ಲ: ಏ. 3 ರಂದು ಬಿಲ್ಲವ ಸಂಘ (ರಿ) ಇದರ ಬೆಳ್ಳಿ ಹಬ್ಬದ ಸಂಭ್ರಮೋತ್ಸವದ ಉದ್ಘಾಟನಾ ಸಮಾರಂಭ

ಬಿಲ್ಲವ ಸಂಘ (ರಿ) ವಿಟ್ಲ ದರ ಬೆಳ್ಳಿ ಹಬ್ಬದ ಸಂಭ್ರಮೋತ್ಸವದ ಉದ್ಘಾಟನಾ ಸಮಾರಂಭ ದಿನಾಂಕ 3-4-2022 ನೇ ಆದಿತ್ಯವಾರದಂದು ಬೆಳಿಗ್ಗೆ 8:30 ಕ್ಕೆ ಬ್ರಹ್ಮಶ್ರೀ ನಾರಾಯಣ ಗುರು ಸಭಾ ಭವನ ಶಿವಗಿರಿ ವಿಟ್ಲದಲ್ಲಿ ನಡೆಯಲಿದೆ ಎಂದು ಪ್ರಕಟನೆ ತಿಳಿಸಿದೆ.

ಬೆಳ್ಳಿ ಹಬ್ಬದ ಪ್ರಯುಕ್ತ ಸೇವಾ ಕಾರ್ಯಕ್ರಮ ನಂ. 1 ಮಾನವತಾ ಜೀವರಕ್ಷ ಸೇವೆ – ರಕ್ತದಾನ ಯುವವಾಹಿನಿ (ರಿ) ವಿಟ್ಲ ಘಟಕದ ಆಶ್ರಯದಲ್ಲಿ ಬ್ಲಡ್ ಬ್ಯಾಂಕ್ ಕೆಎಂಸಿ ಆಸ್ಪತ್ರೆ ಮಂಗಳೂರು ಸಹಯೋಗದೊಂದಿಗೆ ರಕ್ತದಾನ ಶಿಬಿರ ನಡೆಯಲಿದೆ.

ಕಾರ್ಯಕ್ರಮದ ಉದ್ಘಾಟನೆಯನ್ನು ನಿಕಟಪೂರ್ವ ಜಿಲ್ಲಾ ಲಯನ್ಸ್ ಗವರ್ನರ್ ಡಾ. ಗೀತಾಪ್ರಕಾಶ್ ಎ ನೆರವೇರಿಸಲಿದ್ದಾರೆ. ಅಧ್ಯಕ್ಷತೆಯನ್ನು ಯುವವಾಹಿನಿಯ ಅಧ್ಯಕ್ಷ ಯಶವಂತ ಎನ್ ವಹಿಸಿಕೊಳ್ಳಲಿದ್ದಾರೆ.

ಮುಖ್ಯ ಅತಿಥಿಗಳಾಗಿ ಉದಯ ಅಮೀನ್ ಮಟ್ಟು, ಡಾ. ರಾಜಾರಾಮ್ ಕೆಬಿ, ಡಾ ದೀಪ ಅಡಿಗ, ಹರೀಶ್‌ ಸಿ.ಎಚ್, ಸರಿತಾ ರೂಪಲತಾ ಆಗಮಿಸಲಿದ್ದಾರೆ.