120 ಅಡಿ ಎತ್ತರದಿಂದ ವಿದ್ಯಾರ್ಥಿನಿ ಮೇಲೆ ಬಿದ್ದ ಟವರ್ ರಾಡ್‌..!

ಕಲಬುರಗಿ: ಮನೆ ಮುಂದೆ ನಿಂತುಕೊಂಡಿದ್ದ ವಿದ್ಯಾರ್ಥಿನಿಯ ಮೇಲೆ BSNL ಟವರ್ ರಾಡ್ ಕಳಚಿ ಬಿದ್ದ ಪರಿಣಾಮ ಗಂಭೀರ ಗಾಯಗೊಂಡ ಘಟನೆ ಕಲಬುರಗಿ ‌ಜಿಲ್ಲೆಯ ಚಿತ್ತಾಪುರ ತಾಲೂಕಿನ ಲಾಡ್ಲಾಪುರ ಗ್ರಾಮದಲ್ಲಿ ನಡೆದಿದೆ.

ಗಂಭೀರ ಗಾಯಹಗೊಂಡ ವಿದ್ಯಾರ್ಥಿನಿ ಸುಮಾ ಮಲ್ಕಂಡಿ (19) ಎಂದು ಗುರುತಿಸಲಾಗಿದೆ.

ಮನೆ ಮುಂದೆ ನಿಂತಿದ್ದಾಗ ನಿಷ್ಕ್ರಿಯಗೊಂಡಿದ್ದ 120 ಅಡಿ ಎತ್ತರದ ಟವರ್‌ನ ರಾಡ್ ಏಕಾಏಕಿ ಕಳಚಿ ಬಿದ್ದಿದೆ. ಪರಿಣಾಮ ಸುಮಾ ಮಲ್ಕಂಡಿ ವಿದ್ಯಾರ್ಥಿನಿ ಗಂಭೀರವಾಗಿ ಗಾಯಗೊಂಡಿದ್ದಾಳೆ. ನಿಷ್ಕ್ರಿಯಗೊಂಡಿದ್ದ ಟವರ್ ಬಗ್ಗೆ ನಿರ್ಲಕ್ಷ್ಯ ವಹಿಸಿದ್ದರಿಂದ BSNL ಅಧಿಕಾರಿಗಳ ವಿರುದ್ಧ ಎಫ್​ಐಆರ್​ ದಾಖಲಾಗಿದೆ. ಘಟನೆಗೆ ಸಂಬಂಧ BSNL DM ಫಣಿಪ್ರಸಾದ್, DGM ಅನಂತರಾಮ ಚೌಧರಿ, AGM ಗಿರೀಶ್ ಮೂಲಭಾರತಿ, GTO ಮಹ್ಮದ್ ಜಾಫರ್ ವಿರುದ್ಧ ವಾಡಿ ಪೊಲೀಸ್ ಠಾಣೆಯಲ್ಲಿ FIR ದಾಖಲಾಗಿದೆ.