ಘಜಿಯಾಬಾದ್: ಆಘಾತಕಾರಿ ಘಟನೆಯೊಂದರಲ್ಲಿ ಯೂಟ್ಯೂಬ್ನಿಂದ ಹ್ಯಾಕಿಂಗ್ ಸುಳಿವು ಕಲಿತ 11 ವರ್ಷದ ಗಾಜಿಯಾಬಾದ್ ಹುಡುಗ ತನ್ನ ತಂದೆಗೆ ಸುಲಿಗೆ ಕರೆ ಮಾಡಿ 10 ಕೋಟಿ ರೂ.ಯ ಬೇಡಿಕೆ ಇರಿಸಿದ್ದ ಘಟನೆ ನಡೆದಿದೆ.
ಬೇಡಿಕೆಯನ್ನು ಈಡೇರಿಸದಿದ್ದರೆ ಆತನ ಅಶ್ಲೀಲ ಚಿತ್ರಗಳನ್ನು ಮತ್ತು ಅವರ ಕುಟುಂಬದ ವೈಯಕ್ತಿಕ ವಿವರಗಳನ್ನು ಆನ್ಲೈನ್ನಲ್ಲಿ ಹಂಚಿಕೊಳ್ಳುವುದಾಗಿ ಬ್ಲಾಕ್ಮೆಲ್ ಮಾಡಿದ್ದ.
ಘಜಿಯಾಬಾದ್ ನಿವಾಸಿ ಸುಲಿಗೆ ಬೆದರಿಕೆ ಕರೆ ಬಂದ ನಂತರ ಪೊಲೀಸರನ್ನು ಸಂಪರ್ಕಿಸಿದ. ತನ್ನ ಇಮೇಲ್ ಅನ್ನು ಹ್ಯಾಕ್ ಮಾಡಿದ ಹ್ಯಾಕರ್ಗಳ ಗುಂಪು ತಮ್ಮ ಬೇಡಿಕೆಗಳನ್ನು ಈಡೇರಿಸದಿದ್ದರೆ ಅಶ್ಲೀಲ ಚಿತ್ರಗಳನ್ನು ಪ್ರಸಾರ ಮಾಡುವುದಾಗಿ ಎಚ್ಚರಿಸಿದ್ದಾರೆ ಎಂದು ಪೊಲೀಸರಿಗೆ ತಿಳಿಸಿದ.
ಜನವರಿ 1ರಂದು ಸೈಬರ್ ಅಪರಾಧಿಗಳಿ ತಮ್ಮ ಇಮೇಲ್ ಐಡಿಯನ್ನು ಹ್ಯಾಕ್ ಮಾಡಿದ್ದಾರೆ. ಮೊಬೈಲ್ ಸಂಖ್ಯೆಯನ್ನು ಮರುಹೊಂದಿಸುವ ಮೂಲಕ ಹ್ಯಾಕರ್ಗಳು ತಮ್ಮ ಇಮೇಲ್ ಐಡಿಯ ಪಾಸ್ವರ್ಡ್ ಮತ್ತು ಮೊಬೈಲ್ ಸಂಖ್ಯೆಯನ್ನು ಬದಲಾಯಿಸಿದ್ದಾರೆ. ಭಾರಿ ಮೊತ್ತ ಪಾವತಿಸುವಂತೆ ಹ್ಯಾಕರ್ಗಳು ತನ್ನ ಕುಟುಂಬಕ್ಕೆ ನಿರಂತರವಾಗಿ ಕಿರುಕುಳ ನೀಡುತ್ತಿದ್ದಾರೆ ಎಂದು ಆರೋಪಿಸಿದ್ದ ಪೊಲೀಸರು ತಮ್ಮ ತನಿಖೆಯನ್ನು ಪ್ರಾರಂಭಿಸಿದಾಗ, ನಿಜವಾಗಿಯೂ ಆಘಾತಕಾರಿ ಸಂಗತಿಯೊಂದು ಮುನ್ನೆಲೆಗೆ ಬಂದಿತು. ಐಪಿ ವಿಳಾಸವು ದೂರುದಾರರ ಮನೆಯದ್ದಾಗಿತ್ತು.
ಬೆದರಿಕೆ ಇಮೇಲ್ ಅನ್ನು ಅವರ ಕುಟುಂಬದ ಯಾರಾದರೂ ಕಳುಹಿಸಿದ್ದಾರೆ ಎಂಬುದು ಸ್ಪಷ್ಟವಾಯಿತು. ಪೊಲೀಸರು ಕುಟುಂಬ ಸದಸ್ಯರನ್ನು ವಿಚಾರಣೆ ಮಾಡಲು ಪ್ರಾರಂಭಿಸಿದರು, ಈ ಸಮಯದಲ್ಲಿ ದೂರುದಾರರ 11 ವರ್ಷದ ಮಗ ತನ್ನ ಅಪರಾಧವನ್ನು ಒಪ್ಪಿಕೊಂಡಿದ್ದಾನೆ.
