ಭಾರತ-ಯುಎಸ್ ರಕ್ಷಣಾ ಸಂಬಂಧವನ್ನು ದೃಢಗೊಳಿಸುವ ಸಂಕೇತವಾಗಿ ಯುಎಸ್ ನೌಕಾಪಡೆ, ಭಾರತದ ನೌಕಾಪಡೆಗೆ ಎರಡು ಎಂಎಚ್ 60 ಮಲ್ಟಿ ರೋಲ್ ಹೆಲಿಕಾಪ್ಟರ್ ಗಳನ್ನು ಹಸ್ತಾಂತರಿಸಿದೆ.
ವಿದೇಶಿ ಮಿಲಿಟರಿ ಸೇಲ್ನಡಿ ಯುಎಸ್ನ ಲಾಕ್ಹೀಡ್ ಮಾರ್ಟಿನ್ ಕಂಪನಿಯಿಂದ ಈ ಎಂಎಚ್ 60 ಮಲ್ಟಿ ರೋಲ್ ಹೆಲಿಕಾಪ್ಟರ್ಗಳು ತಯಾರಿತವಾಗಿದ್ದು, ಭಾರತ 2.4 ಬಿಲಿಯನ್ ಡಾಲರ್ವೆಚ್ಚದಲ್ಲಿ ಒಟ್ಟು 24 ಹೆಲಿಕಾಪ್ಟರ್ಗಳನ್ನು ಯುಎಸ್ನಿಂದ ಖರೀದಿ ಮಾಡಿದೆ. ಅದರ ಮೊದಲ ಹಂತದಲ್ಲಿ ಎರಡು ಹೆಲಿಕಾಪ್ಟರ್ಗಳು ಭಾರತದ ನೌಕಾಪಡೆಯನ್ನು ಸೇರಿಕೊಂಡಿವೆ.
ಎಂಎಚ್ 60 ಮಲ್ಟಿ ರೋಲ್ ಹೆಲಿಕಾಪ್ಟರ್ಗಳನ್ನು ಭಾರತಕ್ಕೆ ಔಪಚಾರಿಕವಾಗಿ ಹಸ್ತಾಂತರಿಸುವ ಸಮಾರಂಭ ಶುಕ್ರವಾರ ಅಮೆರಿಕದ ನೌಕಾನೆಲೆಯ ಉತ್ತರ ದ್ವೀಪ ಏರ್ಸ್ಟೇಶನ್ ನಲ್ಲಿ ನಡೆದಿತ್ತು. ಈ ಸಂದರ್ಭದಲ್ಲಿ ಯುಎಸ್ನ ಭಾರತದ ರಾಯಭಾರಿ ತಾರಾಂಜಿತ್ ಸಂಧು ಹಾಜರಿದ್ದರು.
ಎರಡು ಹೆಲಿಕಾಪ್ಟರ್ಗಳ ವರ್ಗಾವಣೆ ಬಳಿಕ ಟ್ವೀಟ್ ಮಾಡಿದ ಸಂಧು, ಭಾರತ ಮತ್ತು ಯುಎಸ್ ಸ್ನೇಹ ಆಕಾಶವನ್ನು ಸ್ಪರ್ಶಿಸುತ್ತಿದೆ ಎಂದು ಹೇಳಿದ್ದಾರೆ. ಈ ಎರಡೂ ದೇಶಗಳು ಕೇವಲ ರಕ್ಷಣಾ ವ್ಯಾಪಾರವಷ್ಟೇ ಅಲ್ಲ, ರಕ್ಷಣಾ ಕ್ಷೇತ್ರದಲ್ಲಿ ಸಹ-ಉತ್ಪಾದನೆ, ಸಹ-ಅಭಿವೃದ್ಧಿಯಲ್ಲೂ ಜಂಟಿಯಾಗಿ ಕಾರ್ಯನಿರ್ವಹಿಸುತ್ತಿವೆ ಎಂದೂ ತಿಳಿಸಿದ್ದಾರೆ.
ಎಂಎಚ್-60 ಮಲ್ಟಿ ರೋಲ್ ಹೆಲಿಕಾಪ್ಟರ್ ವಿಶೇಷತೆಗಳುಈ ಎಂಎಚ್-60 ಮಲ್ಟಿ ರೋಲ್ ಹೆಲಿಕಾಪ್ಟರ್ಗಳು ಮುಖ್ಯವಾಗಿ ಎಲ್ಲ ರೀತಿಯ ಹವಾಮಾನದಲ್ಲೂ ಕಾರ್ಯಾಚರಣೆ ನಡೆಸಬಹುದಾದ ಹೆಲಿಕಾಪ್ಟರ್ಗಳು. ಅತ್ಯಾಧುನಿಕ ಏಚಿಯಾನಿಕ್ಸ್ಗಳನ್ನು ಒಳಗೊಂಡಿದ್ದು, ಹಲವು ರೀತಿಯ ವಿಶಿಷ್ಟು ಉಪಕರಣಗಳು, ಶಸ್ತ್ರಾಸ್ತ್ರಗಳನ್ನು ಸೇರಿಸಿ ನಿರ್ಮಾಣ ಮಾಡಲಾಗಿದೆ.
ಸದ್ಯ ಭಾರತದ ಮೊದಲ ಬ್ಯಾಚ್ನ ಸಿಬ್ಬಂದಿ ಯುಎಸ್ನಲ್ಲಿ ಹೆಲಿಕಾಪ್ಟರ್ ಸಂಬಂಧಿತ ತರಬೇತಿ ಪಡೆಯುತ್ತಿದ್ದಾರೆ. ಹಿಂದಿನ ಅಧ್ಯಕ್ಷರಾಗಿದ್ದ ಡೊನಾಲ್ಡ್ ಟ್ರಂಪ್ ಅವರು 2020ರ ಫೆಬ್ರವರಿಯಲ್ಲಿ ಭಾರತಕ್ಕೆ ಭೇಟಿ ನೀಡಿದ್ದರು. ಅದಕ್ಕೂ ಒಂದು ವಾರ ಮೊದಲು ಈ ಹೆಲಿಕಾಪ್ಟರ್ ಖರೀದಿ ವ್ಯವಹಾರ ಪೂರ್ಣಗೊಂಡಿತ್ತು.
