ನವದೆಹಲಿ: ಉನ್ನತ ವೈದ್ಯಕೀಯ ಶಿಕ್ಷಣ ಪಡೆಯುವ ಹಿಂದುಳಿದ ವರ್ಗಗಳ ಮತ್ತು ಆರ್ಥಿಕವಾಗಿ ದುರ್ಬಲವಾಗಿರುವ ಸಮುದಾಯದ ವಿದ್ಯಾರ್ಥಿಗಳಿಗೆ ಮೋದಿ ಸರ್ಕಾರ ಗುಡ್ನ್ಯೂಸ್ ನೀಡಿದೆ. ಓಬಿಸಿ ವರ್ಗಕ್ಕೆ ಶೇಕಡಾ 27ರಷ್ಟು ಮತ್ತು ಆರ್ಥಿಕವಾಗಿ ದುರ್ಬಲವಾಗಿರುವ ಜನರಲ್ ಮೆರಿಟ್ ವಿದ್ಯಾರ್ಥಿಗಳಿಗೆ ಶೇ.10 ರಷ್ಟು ಮೀಸಲಾತಿಯನ್ನ ಘೋಷಣೆ ಮಾಡಿದೆ.
ವೈದ್ಯಕೀಯ ಅಥವಾ ಡೆಂಟಲ್ ಕೋರ್ಸ್ ವಿಷಯದಲ್ಲಿ ಯುಜಿ (ಪದವಿ) ಹಾಗೂ ಪಿಜಿ (ಸ್ನಾತಕೋತ್ತ) ಮಾಡಲು ಕಾಯುತ್ತಿರುವ ಒಬಿಸಿಗೆ ಹಾಗೂ ಆರ್ಥಿಕವಾಗಿ ಹಿಂದುಳಿದ ವರ್ಗಗಳಿಗೆ ಶೇಕಡಾ 10 ರಷ್ಟು ಮೀಸಲಾತಿ ಸಿಗಲಿದೆ. ಆಲ್ ಇಂಡಿಯಾ ಕೋಟಾ ಸ್ಕೀಮ್ ಫಾರ್ ಯುಜಿ ಮತ್ತು ಪಿಜಿ ಮೆಡಿಕಲ್ ಡೆಂಟಲ್ ಕೋರ್ಸ್ನಡಿ ಈ ಮೀಸಲಾತಿ ಅನ್ವಯ ಆಗಲಿದೆ.
2021-22 ರ ಶೈಕ್ಷಣಿಕ ವರ್ಷದಿಂದ ಎಂಬಿಬಿಎಸ್, ಎಂಡಿ, ಎಂಎಸ್, ಡಿಪ್ಲೋಮಾ, ಬಿಡಿಎಸ್ ಎಂಡಿಎಸ್ ಕೋರ್ಸ್ ಮಾಡಲು ಇಚ್ಛಿಸಿರುವ ವಿದ್ಯಾರ್ಥಿಗಳಿಗೆ ಇದರ ಉಪಯೋಗ ಆಗಲಿದೆ. 5550 ವಿದ್ಯಾರ್ಥಿಗಳಿಗೆ ಈ ಮೀಸಲಾತಿಯ ಲಾಭ ಸಿಗಲಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಸಚಿವಾಲಯ ತಿಳಿಸಿದೆ. ಈ ಬಗ್ಗೆ ಟ್ವೀಟ್ ಮಾಡಿರುವ ಪ್ರಧಾನ ಮಂತ್ರಿ ನರೇಂದ್ರ ಮೋದಿ, ಸಾಮಾಜಿಕ ಸಮತೋಲನ ಕಾಪಾಡಲು ಈ ಕ್ರಮ ಸಹಾಯಕವಾಗಲಿದೆ ಎಂದು ತಿಳಿಸಿದ್ದಾರೆ.
