ಸಾಮಾನ್ಯವಾಗಿ ಬರುವ ಜ್ವರಕ್ಕೆ ವೈದ್ಯರನ್ನು ಭೇಟಿಯಾಗಿ ಇಂಗ್ಲಿಷ್ ಮದ್ದು ಪಡೆದುಕೊಳ್ಳುವುದಕ್ಕಿಂತ ಮನೆಯಲ್ಲೇ ಸಿಗುವ ವಸ್ತುಗಳನ್ನು ಉಪಯೋಗಿಸಿಕೊಂಡು ಮದ್ದು ತಯಾರಿಸಿಕೊಳ್ಳ ಬಹುದಾಗಿದೆ. ಇಲ್ಲಿದೆ ನೋಡಿ ಮನೆ ಮದ್ದು ತಯಾರಿಸುವ ವಿಧಾನ.
ಬದಲಾಗುತ್ತಿರುವ ಹವಮಾನದಲ್ಲಿ ನೆಗಡಿ, ಜ್ವರ ಎಂಬುದು ಸಾಮಾನ್ಯವಾಗಿದೆ. ಚಳಿಗಾಲದಲ್ಲಿ ಅನೇಕರು ಜ್ವರ ಮತ್ತು ನೆಗಡಿಗೆ ತುತ್ತಾಗುತ್ತಾರೆ. ಮೆಡಿಕಲ್ಗಳಲ್ಲಿ ಜ್ವರ ನಿಯಂತ್ರಣಕ್ಕೆ ಸಾಕಷ್ಟು ಎಂಟಿಬಯೋಟಿಕ್ ಮಾತ್ರೆಗಳು ಸಿಗುತ್ತವೆ. ಆದರೆ ಮಾತ್ರೆಗಳ ಸೇವನೆಯಿಂದ ಅಡ್ಡ ಪರಿಣಾಮಗಳು ಬೀರುತ್ತವೆ.
ಸಣ್ಣ-ಪುಟ್ಟ ಜ್ವರ, ನೆಗಡಿಗಳಿಗೆ ವೈದ್ಯರನ್ನು ಭೇಟಿ ಮಾಡಿ ಇಂಗ್ಲಿಷ್ ಮಾತ್ರೆಗಳನ್ನು ಕೊಂಡು ನುಂಗುವುದಕ್ಕಿಂತ ಮನೆಯಲ್ಲೇ ಮದ್ದು ತಯಾರಿಸಿಕೊಳ್ಳಬಹುದು. ಮನೆಯಲ್ಲೇ ಸಿಗುವ ವಸ್ತುಗಳನ್ನು ಬಳಸಿಕೊಂಡು ಸಾಮಾನ್ಯವಾಗಿ ಬರುವ ಜ್ವರವನ್ನು ಹೊಡೆದು ಓಡಿಸಬಹುದು.
ಕತ್ತರಿಸಿದ ಅರ್ಥ ಈರುಳ್ಳಿ, ನಾಲ್ಕು ಬೆಳ್ಳುಳ್ಳಿ ಎಸಳು ಹಾಗು ಎರಡು ಚಮಚ ನಿಂಬೆ ರಸವನ್ನು ಮಿಶ್ರ ಮಾಡಿ. ಕುದಿಸಿದ ಎರಡು ಗ್ಲಾಸ್ ನೀರಲ್ಲಿ ಈರುಳ್ಳಿ, ಬೆಳ್ಳುಳ್ಳಿ ಹಾಗು ನಿಂಬೆ ರಸದ ಮಿಶ್ರಣವನ್ನು ಬಿಸಿ ನೀರಲ್ಲಿ ಸೇರಿಸಿ ಸ್ವಲ್ಪ ಹೊತ್ತು ಬಿಸಿ ಮಾಡಿ.
ಬೆಳಗ್ಗೆ ಉಪಹಾರ ಸೇವನೆ ನಂತರ ಮತ್ತು ರಾತ್ರಿ ಊಟದ ನಂತರ ಈ ದ್ರಾವಣವನ್ನು ಸೇವಿಸಿ. ಇದರಿಂದ ಬೇಗನೆ ಜ್ವರ ಮತ್ತು ನೆಗಡಿ ಕಡಿಮೆಯಾಗುತ್ತದೆ. ಶೀತದ ವಿರುದ್ಧ ಹೋರಾಡುವ ಈ ನೈಸರ್ಗಿಕ ಔಷಧಿಯಿಂದ ಕೆಮ್ಮು, ಕಫ, ಉಸಿರಾಟದ ಸಮಸ್ಯೆ ಕೂಡ ನಿವಾರಣೆ ಆಗುತ್ತದೆ.
