ದುಬಾೖ: ಭಾರತೀಯ ವಾಯುಪಡೆಗೆ ಗುರುವಾರ 5 ರಫೇಲ್‌ ಯುದ್ಧ ವಿಮಾನಗಳು ಸೇರ್ಪಡೆಯಾದವು. ಈ ವೇಳೆ ಮಹೇಂದ್ರಸಿಂಗ್ ಧೋನಿ ವಿಶೇಷ ಟ್ವೀಟ್ ಮಾಡಿದ್ದಾರೆ.
ಗುರುವಾರ ಅಂಬಾಲಾದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಫ್ರಾನ್ಸ್‌ ನಿರ್ಮಿತ ಯುದ್ಧವಿಮಾನಗಳನ್ನು ವಾಯುಸೇನೆಗೆ ಅಧಿಕೃತವಾಗಿ ಸೇರ್ಪಡೆ ಮಾಡಿಕೊಳ್ಳಲಾಯಿತು. ಸೇನೆಯಲ್ಲಿ ಗೌರವ ಲೆಫ್ಟಿನೆಂಟ್‌ ಕರ್ನಲ್‌ ಹುದ್ದೆ ಪಡೆದಿರುವ ಭಾರತ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್‌ ಧೋನಿ, ರಫೇಲ್‌ ವಿಮಾನಗಳು ಸೇನೆಯನ್ನು ಕೂಡಿಕೊಳ್ಳುತ್ತಿದ್ದಂತೆ ಒಂದು ಟ್ವೀಟ್ ಮಾಡಿದರು. “ವಿಶ್ವದ ಶ್ರೇಷ್ಠ ಯುದ್ಧ ವಿಮಾನಗಳು, ವಿಶ್ವದ ಶ್ರೇಷ್ಠ ಪೈಲಟ್‌ಗಳನ್ನು ಹೊಂದಿವೆ. ನಮ್ಮ ಪೈಲಟ್‌ಗಳ ಕೈಯಲ್ಲಿ ಈ ಯುದ್ಧ ವಿಮಾನಗಳು ಇನ್ನಷ್ಟು ಮಾರಕವಾಗಲಿವೆ,ಮತ್ತು ಆಯುಧಗಳಾಗಿವೆ ಎಂದು ಧೋನಿ ಹೇಳಿದರು.
With the Final Induction Ceremony the world’s best combat proven 4.5Gen fighter plane gets the world’s best fighter pilots. In the hands of our pilots and the mix of different aircrafts with the IAF the potent bird’s lethality will only increase.
— Mahendra Singh Dhoni (@msdhoni) September 10, 2020
ರಫೇಲ್‌ಗಳನ್ನು ಸೇರ್ಪಡೆ ಮಾಡಿಕೊಂಡ 17 ಸ್ಕ್ವಾಡ್ರನ್ (ಗೋಲ್ಡನ್ ಆ್ಯರೋಸ್) ದಳಕ್ಕೆ ಅಭಿನಂದನೆಗಳು. ಇನ್ನು ಮುಂದೆ ಈ ಯೋಧರ ದಿಟ್ಟತನ ಮತ್ತಷ್ಟು ಪ್ರಜ್ವಲಿಸಲಿದೆ. ಎದುರಾಳಿಗಳಿಗೆ ಇವರು ಸಿಂಹಸ್ವಪ್ನರಾಗಲಿದ್ದಾರೆ’ ಎಂದು ಬರೆದಿದ್ದಾರೆ.
Wishing The Glorious 17 Squadron(Golden Arrows) all the very best and for all of us hope the Rafale beats the service record of the Mirage 2000 but Su30MKI remains my fav and the boys get new target to dogfight with and wait for BVR engagement till their upgrade to Super Sukhoi
— Mahendra Singh Dhoni (@msdhoni) September 10, 2020
