ನವದೆಹಲಿ: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ರೆಪೊ ದರದಲ್ಲಿ ಯಾವುದೇ ಬದಲಾವಣೆ ಮಾಡದೇ ಯಥಾಸ್ಥಿತಿ ಕಾಯ್ದುಕೊಂಡಿದೆ. ಶೇ.4ರಲ್ಲಿಯೇ ರೆಪೊ ದರ ಮುಂದುವರೆಯಲಿದೆ ಎಂದು ಆರ್ ಬಿ ಐ ಗವರ್ನರ್ ಶಕ್ತಿಕಾಂತ್ ದಾಸ್ ಘೋಷಿಸಿದ್ದಾರೆ.
ರಿಸರ್ವ್ ರೆಪೊ ದರ ಶೇ. 4 ಅಥವಾ ಕೇಂದ್ರಿಯ ಬ್ಯಾಂಕ್ ನ ಸಾಲವನ್ನು 3.35 ಶೇಕಡಾದಲ್ಲಿ ಬದಲಾವಣೆ ಇಲ್ಲ. ಕೋವಿಡ್ 3ನೇ ಅಲೆ ಆತಂಕದ ಹಿನ್ನೆಲೆಯಲ್ಲಿ ದರ ನಿಗದಿ ಸಮಿತಿಯಲ್ಲಿ ಯಾವುದೇ ಬದಲಾವಣೆ ಮಾಡದೇ ಯಥಾಸ್ಥಿತಿ ಕಾಯ್ದುಕೊಳ್ಳಲಾಗಿದೆ ಎಂದು ತಿಳಿಸಿದರು.
2021-22ರಲ್ಲಿ ಜಿಡಿಪಿ ಅಂದಾಜು ಬೆಳವಣಿಗೆ ಶೇ.9.5ರಷ್ಟಾಗಲಿದೆ ಎಂದು ತಿಳಿಸಿದ್ದಾರೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಜಿಡಿಪಿ ಬೆಳವಣಿಗೆಯ ಅಂದಾಜನ್ನು ಆರ್ ಬಿಐ ಶೇ.9.5ಕ್ಕೆ ಉಳಿಸಿಕೊಂಡಿದೆ ಎಂದು ದಾಸ್ ಹೇಳಿದರು. ಭಾರತೀಯ ರಿಸರ್ವ್ ಬ್ಯಾಂಕ್ ಇಂದು ರೆಪೊ ದರವನ್ನು ಶೇಕಡಾ 4 ರಲ್ಲಿ ಬದಲಾಯಿಸದೆ ಉಳಿಸಿಕೊಂಡಿದೆ ಮತ್ತು ಹೊಂದಾಣಿಕೆಯ ನಿಲುವನ್ನು ಕಾಯ್ದುಕೊಂಡಿದೆ. ಆರ್ ಬಿಐ ರಿವರ್ಸ್ ರೆಪೊ ದರವನ್ನು ಶೇಕಡಾ 3.35 ಕ್ಕೆ ಇರಿಸಿತು. ಮಾರ್ಜಿನಲ್ ಸ್ಟ್ಯಾಂಡಿoಗ್ ಫೆಸಿಲಿಟಿ ದರ ಮತ್ತು ಬ್ಯಾಂಕ್ ದರವನ್ನು ಶೇಕಡಾ 4.25 ಕ್ಕೆ ನಿಗದಿಪಡಿಸಲಾಗಿದೆ.
ಪ್ರಸ್ತುತ ಹಣಕಾಸು ವರ್ಷದಲ್ಲಿ ನೈಜ ಜಿಡಿಪಿ ಬೆಳವಣಿಗೆ ಕ್ಯೂ1 ರಲ್ಲಿ ಶೇ.21.4, ಕ್ಯೂ2 ರಲ್ಲಿ 7.3, ಕ್ಯೂ3 ರಲ್ಲಿ ಶೇ.6.2 ಮತ್ತು ಕ್ಯೂ4 ರಲ್ಲಿ ಶೇ.6.1 ರಷ್ಟಿದೆ ಎಂದು ಆರ್ ಬಿಐ ಗವರ್ನರ್ ಹೇಳಿದರು. ಜೂನ್ 2021 ಕ್ಕೆ ಹೋಲಿಸಿದರೆ ನಾವು ಉತ್ತಮ ಸ್ಥಾನದಲ್ಲಿದ್ದೇವೆ. ಆದರೆ ಕೋವಿಡ್-19 ರ ಮೂರನೇ ಅಲೆಯ ಸಾಧ್ಯತೆಯ ಬಗ್ಗೆ ನಾವು ಜಾಗರೂಕರಾಗಿರಬೇಕು’ ಎಂದು ಆರ್ ಬಿಐ ಗವರ್ನರ್ ಹೇಳಿದ್ದಾರೆ. ಜೂನ್ ನಲ್ಲಿ ಹಣಕಾಸು ನೀತಿ ಸಮಿತಿಯ ನಿರೀಕ್ಷೆಗಳ ರೀತಿಯಲ್ಲಿ ಆರ್ಥಿಕ ಚಟುವಟಿಕೆವ್ಯಾಪಕವಾಗಿ ವಿಕಸನಗೊಂಡಿದೆ ಮತ್ತು ಕೋವಿಡ್19 ರ ಎರಡನೇ ಹಂತದ ಹಿನ್ನಡೆಯಿಂದ ಆರ್ಥಿಕತೆ ಚೇತರಿಸಿಕೊಳ್ಳುತ್ತಿದೆ ಎಂದು ಆರ್ ಬಿಐ ಗವರ್ನರ್ ಹೇಳಿದರು.
