ಐಷಾರಾಮಿ ಹಡಗೊಂದರಲ್ಲಿ ಡ್ರಗ್ಸ್ ಪಾರ್ಟಿ ಮಾಡಿದ ಆರೋಪದ ಮೇರೆಗೆ ನಟ ಶಾರುಖ್ ಪುತ್ರ ಆರ್ಯನ್ ಖಾನ್ನನ್ನು ಬಂಧಿಸಲಾಗಿದೆ. ಈಗಾಗಲೇ ಆರ್ಯನ್ ಸಲ್ಲಿಸಿದ್ದ ಜಾಮೀನು ಅರ್ಜಿ ವಿಚಾರಣೆ ನಡೆಸಿದ್ದ ಕೋರ್ಟ್ ಕೂಡ ನ್ಯಾಯಾಂಗ ಬಂಧನ ವಿಧಿಸಿ ಆದೇಶಿಸಿದೆ. ಇನ್ನು, ಎರಡು ವಾರಗಳ ಕಾಲ ಆರ್ಯನ್ ಖಾನ್ ಜೈಲಿನಲ್ಲೇ ಇರಬೇಕಾಗಿದೆ. ಹೀಗಿರುವಾಗಲೇ ನಟ ಶಾರುಖ್ ಖಾನ್ ಬ್ರಾಂಡ್ ವ್ಯಾಲ್ಯೂ ಕಡಿಮೆಯಾಗುತ್ತಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.
ಹೌದು, ನಟ ಶಾರುಖ್ ಪುತ್ರ ಬಂಧನವಾಗುತ್ತಿದ್ದಂತೆಯೇ ಇವರ ಬ್ರಾಂಡ್ ವ್ಯಾಲ್ಯೂ ಕಡಿಮೆ ಆಗುತ್ತಿದೆ ಎನ್ನಲಾಗುತ್ತಿದೆ. ಈಗಾಗಲೇ ಜನ ಸೋಷಿಯಲ್ ಮೀಡಿಯಾದಲ್ಲಿ ಬೈಕಾಟ್ ಶಾರುಖ್ ಖಾನ್ ಎಂದು ಕ್ಯಾಂಪೇನ್ ಮಾಡುತ್ತಿದ್ದಾರೆ. ಹೀಗಾಗಿ ಶಾರುಖ್ ಖಾನ್ ನಟಿಸಿದ್ದ ಎಲ್ಲಾ ಜಾಹೀರಾತು ನಿಲ್ಲಿಸಲಾಗುತ್ತಿದೆ.
ಭಾರತದ ಪ್ರತಿಷ್ಠಿತ ಎಜುಕೇಷನ್ ಸಂಸ್ಥೆ ಬೈಜೂಸ್ ಶಾರುಖ್ ನಟಿಸಿದ್ದ ಎಲ್ಲಾ ಜಾಹೀರಾತಿಗೂ ತಡೆ ನೀಡಿದೆ. ಸುಮಾರು ವರ್ಷಕ್ಕೆ 4-5 ಕೋಟಿ ರೂಪಾಯಿ ಇದರಿಂದ ಶಾರುಖ್ಗೆ ಲಾಸ್ ಎನ್ನಲಾಗುತ್ತಿದೆ. ಇದರ ಬೆನ್ನಲ್ಲೇ ಇನ್ನು ಹಲವು ಕಂಪನಿಗಳು ಕೂಡ ಇದೇ ಕೆಲಸ ಮಾಡುತ್ತಿವೆ ಎನ್ನಲಾಗುತ್ತಿದೆ.
ಬ್ರಾಂಡ್ ವ್ಯಾಲ್ಯೂ ಎಂದರೇನು?
ಬಾಲಿವುಡ್ ಖ್ಯಾತ ನಟ ಶಾರುಖ್ ಖಾನ್ ಸುಮಾರು 40ಕ್ಕೂ ಹೆಚ್ಚು ಕಂಪನಿಗಳ ಬ್ರಾಂಡ್ ಅಂಬ್ಯಾಸಿಡರ್ ಆಗಿದ್ದಾರೆ. ಸುಮಾರು ಇವರ ಬ್ರಾಂಡ್ ವ್ಯಾಲ್ಯೂ ಆದಾಯ ಬರೋಬ್ಬರಿ 378 ಕೋಟಿ ರೂಪಾಯಿ ಇದೆ ಎನ್ನಲಾಗಿದೆ.
ಶಾರೂಖ್ ಖಾನ್ಗೆ ಬೈಜೂಸ್ ಜಾಹೀರಾತು ದೊಡ್ಡ ಆದಾಯವಾಗಿತ್ತು. ಇದರ ಜೊತೆ ಹ್ಯೂಂಡಾಯ್, ಎಲ್ಜಿ(LG) , ದುಬೈ ಟೂರಿಸಂ, ಐಸಿಐಸಿಐ ಹಾಗೂ ರಿಲಯನ್ಸ್ ಜಿಯೋಗೆ ಶಾರೂಖ್ ಜಾಹೀರಾತು ನೀಡುತ್ತಿದ್ದರು. ಶಾರೂಖ್ ಜಾಹೀರಾತಿಗಾಗಿ ಎಲ್ಲಾ ಕಂಪನಿಗಳು ಸುಮಾರು 4 ಕೋಟಿ ನೀಡುತ್ತಿದ್ದವು ಎನ್ನಲಾಗಿದೆ.
ಶಾರುಖ್ ಮಗನ ಸುತ್ತ ವಿವಾದ ಇರುವ ಕಾರಣ ಹಲವು ಕಂಪನಿಗಳು ನಟನೊಂದಿಗೆ ಜಾಹೀರಾತು ಒಪ್ಪಂದ ಮುಂದುವರಿಸಲು ಇಷ್ಟಪಡುತ್ತಿಲ್ಲ ಎನ್ನಲಾಗಿದೆ. ಇನ್ನು ಕೆಲವು ಕಂಪನಿಗಳು ತಮ್ಮ ಪ್ಲಾನ್ಗಳನ್ನು ಮುಂದೂಡಿವೆ. ಕೆಲವು ಕಂಪನಿಗಳು ನಟನನ್ನು ಬ್ರಾಂಡ್ ಅಂಬಾಸಿಡರ್ ಸ್ಥಾನದಿಂದ ಕೈಬಿಡುವ ನಿರ್ಧಾರ ಮಾಡಿವೆ ಎಂದು ಹೇಳುತ್ತಿವೆ ಮೂಲಗಳು.