ಧೋನಿ ಈಸ್ ಧೋನಿ.ಭಾರತೀಯ ಕ್ರಿಕೆಟ್ ಜಗತ್ತು ಕಂಡ ಸಾರ್ವಕಾಲಿಕ ಶ್ರೇಷ್ಠ ನಾಯಕ. ಭಾರತ ಕ್ರಿಕೆಟ್ ತಂಡದ ಈ ಮಾಜಿ ನಾಯಕ ನಿವೃತ್ತಿ ನಂತರವೂ ತನ್ನ ವರ್ಚಸ್ಸನ್ನು ಉಳಿಸಿಕೊಂಡ ಅಪರೂಪದ ಆಟಗಾರ.
ನಿವೃತ್ತಿ ಹೇಳಿರುವ ಹೊರತಾಗಿಯೂ ಅವರ ಬ್ರ್ಯಾಂಡ್ ವ್ಯಾಲ್ಯೂ ಕುಸಿದಿಲ್ಲ. ಜನವರಿಯಿಂದ ಇಲ್ಲಿ ತನಕ ಎಂ.ಎಸ್.ಧೋನಿ ವಿವಿಧ ಒಡಂಬಡಿಕೆಗಳಿಗೆ ಸಹಿ ಹಾಕಿದ್ದಾರೆ. ಮ್ಯೂಚುವಲ್ ಫಂಡ್ಸ್ ಇನ್ ಇಂಡಿಯಾ, ಖಾಟಾಬುಕ್, ಸ್ಮಾರ್ಟ್ ಫೋನ್ ಕಂಪನಿ, ಪೋಕರ್ಸ್ ಸ್ಟಾರ್ಸ್ ಕಂಪನಿ ಪರ ಧೋನಿ ಸಹಿ ಹಾಕಿದ್ದಾರೆ. ಮಾತ್ರವಲ್ಲ ಧೋನಿ ಡ್ರೀಮ್ ಇಲೆವೆನ್ನ ಅಧಿಕೃತ ರಾಯಭಾರಿಯೂ ಆಗಿದ್ದಾರೆ. ಒಟ್ಟಾರೆ ನೋಡುವುದಾದರೆ ಅವರ ಬ್ರ್ಯಾಂಡ್ ವ್ಯಾಲ್ಯೂ ಇನ್ನೂ ಹೆಚ್ಚಾಗಿದೆ ಎಂದರೂ ತಪ್ಪಾಗಲಾರದು.
ಧೋನಿ ಐಪಿಎಲ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಮುನ್ನಡೆಸುತ್ತಿದ್ದಾರೆ. . ಐಪಿಎಲ್ನಲ್ಲ ಧೋನಿ ಟೀಂ ಇಂಡಿಯಾದಿಂದ ದೂರವಾದ ಬೆನ್ನಲ್ಲೇ ಭವಿಷ್ಯದಲ್ಲಿ ಧೋನಿಗೆ ಮಾರ್ಕೆಟ್ ಸಿಗುವುದು ಕಷ್ಟ ಎಂದು ಅಂದಾಜಿಸಲಾಗಿತ್ತು. ಆದರೆ ಧೋನಿ ಎಲ್ಲಾ ನಿರೀಕ್ಷೆಗಳನ್ನು ಸುಳ್ಳಾಗಿಸಿ ಮಾರುಕಟ್ಟೆಯಲ್ಲಿ ಬೇಡಿಕೆಯ ತಾರೆಯಾಗಿ ತನ್ನ ನಾಗಾಲೋಟವನ್ನು ಮುಂದುವರಿಸಿದ್ದಾರೆ.
