ಇಷ್ಟು ದಿನ ತಣ್ಣಗಾಗಿದ್ದ ಇರಾನ್ ಅಮೆರಿಕ ಸಂಘರ್ಷ ಮತ್ತೆ ಜೋರಾಗಿದೆ. ಡೊನಾಲ್ಡ್ ಟ್ರಂಪ್ ಇರಾನ್ ಜೊತೆಗಿನ ಕದನ ವಿರಾಮ ಅಂತ್ಯ ಎಂದು ಹೇಳಿ ಮತ್ತೆ ಅಟ್ಯಾಕ್ ಮಾಡಲು ಶುರುಮಾಡಿದ್ದಾರೆ. ಈ ಮಧ್ಯೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಒಂದು ದೊಡ್ಡ ಹೇಳಿಕೆ ನೀಡಿದ್ದಾರೆ. ಯುದ್ಧದ ಜೊತೆಗೆ ಇರಾನ್ ಮೇಲೆ ಒಂದು ಗಂಭೀರ ಆರೋಪ ಮಾಡಿದ್ದಾರೆ. ಇರಾನ್ ತನ್ನನ್ನು ಹತ್ಯೆ ಮಾಡಲು ಸಂಚು ರೂಪಿಸುತ್ತಿರಬಹುದು ಎಂದು ಟ್ರಂಪ್ ಹೇಳಿಕೆ ನೀಡಿದ್ದಾರೆ.
ತುರ್ಕಿಯ ರಾಜಧಾನಿ ಅಂಕಾರಾದಲ್ಲಿ ನಡೆದ ನ್ಯಾಟೋ ಶೃಂಗಸಭೆಯ ಹೊರಗೆ ಮಾತನಾಡುತ್ತಾ ಟ್ರಂಪ್, ತಾನು ಇರಾನ್ನ ‘ನಂಬರ್ ಒನ್ ಗುರಿ’ ಎಂದು ಹೇಳಿದರು. ಈ ಮೂಲಕ ಅವರು ನನ್ನ ಹತ್ಯೆಗೆ ಸಂಚು ರೂಪಿಸುತ್ತಿದ್ದಾರೆ ಎಂದರು.
ನಾನೇ ಇರಾನ್ಗೆ ನಂ.1 ಟಾರ್ಗೆಟ್ ಎಂದ ಟ್ರಂಪ್!
ಇರಾನ್ ನಾಯಕತ್ವದ ಒಳಗಿನ ಕೆಲವು ಅಂಶಗಳು ತನ್ನ ಮೇಲೆ ಸೇಡು ತೀರಿಸಿಕೊಳ್ಳಲು ಪ್ರಯತ್ನಿಸುತ್ತಿವೆ ಎಂದು ಟ್ರಂಪ್ ಹೇಳಿದ್ದಾರೆ. ಟ್ರಂಪ್ ಇರಾನ್ ಹಿಂದಿನ ನಾಯಕತ್ವವನ್ನು ಬಹಳ ಕೆಟ್ಟದಾಗಿ ಬಣ್ಣಿಸಿದ್ದಾರೆ. ‘ಅವರು ಕೊಳಕು. ಅವರು 47 ವರ್ಷಗಳಿಂದಲೂ ಅದನ್ನೇ ಮಾಡುತ್ತಿದ್ದಾರೆ’ ಎಂದು ಹೇಳಿದರು. ಆದರೆ ಪ್ರಸ್ತುತ ಇರಾನ್ ನಾಯಕರು ಹೆಚ್ಚು ತರ್ಕಬದ್ಧವಾಗಿ ವರ್ತಿಸುತ್ತಿರುವಂತೆ ಕಾಣುತ್ತಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.
