Tuesday, September 28, 2021
spot_imgspot_img
spot_imgspot_img

‘ಬುದ್ಧಿವಂತ & ಅತ್ಯುತ್ತಮ ನಿರ್ಧಾರ’; ಅಫ್ಘಾನ್​​ನಿಂದ ಸೇನೆ ಹಿಂಪಡೆದಿದ್ದನ್ನು ಸಮರ್ಥಿಸಿಕೊಂಡ ಬೈಡನ್

- Advertisement -
- Advertisement -

ಸತತ 20 ವರ್ಷಗಳ ಬಳಿಕ ಅಮೆರಿಕಾ ಸೇನೆ ಅಫ್ಘಾನಿಸ್ತಾನದಿಂದ ವಾಪಾಸ್ಸಾಗಿದೆ. ಸುಧೀರ್ಘ ಹೋರಾಟದ ಬಳಿಕ ನಿನ್ನೆ ಸೇನೆಯ ಕೊನೆಯ ವಿಮಾನ ಕಾಬೂಲ್​ ಏರ್​ಪೋರ್ಟ್​ ತೊರೆದಿದೆ. ಸೇನೆ ಹಿಂಪಡೆದಿರೋದಕ್ಕೆ ಟೀಕೆಗಳು ಕೇಳಿ ಬರ್ತಿರೋ ನಡುವೆ ವಾಪಸಾತಿಯನ್ನ ಅಮೆರಿಕಾ ಅಧ್ಯಕ್ಷರು​ ಸಮರ್ಥಿಸಿಕೊಂಡಿದ್ದಾರೆ. ಐಸಿಸ್​-ಕೆ ಉಗ್ರರ ವಿಚಾರದಲ್ಲಿ ಮಾತ್ರ ದೊಡ್ಡಣ್ಣನ ಕೋಪವಿನ್ನೂ ತಣ್ಣಗಾಗಿಲ್ಲ.

ಎರಡು ದಶಕ, ಸತತ ಎರಡು ದಶಕಗಳ ಬಳಿಕ ಅಮೆರಿಕಾ ಸೇನೆ ಅಫ್ಘಾನ್​ನಿಂದ ವಾಪಸ್ಸಾಗಿದೆ. ಉಗ್ರರ ಹೆಡೆಮುರಿ ಕಟ್ಟಲೆಂದೇ ಅಫ್ಘಾನ್​ಗೆ ತೆರಳಿದ್ದ ಅಮೆರಿಕಾ ಸೇನೆ, ಇದೀಗ ತವರೂರಿಗೆ ಹಿಂದಿರುಗಿದೆ. ಇಷ್ಟು ದಿನ ಅಫ್ಘಾನ್​ನ ಜನರ ರಕ್ಷಣೆಯಲ್ಲಿದ್ದ ಅಮೆರಿಕಾ ಸೈನಿಕರು ತವರಿಗೆ ವಾಪಾಸ್ಸಾಗಿದ್ದಾರೆ.

ಹೀಗೆ ಅಫ್ಘಾನ್​ನಿಂದ ಸೇನೆ ವಾಪಾಸ್ಸಾಗುತ್ತಿದ್ದಂತೆ, ಅಮೆರಿಕಾ ಅಧ್ಯಕ್ಷ ಜೋ ಬೈಡನ್​ ಸುದ್ದಿಗೋಷ್ಠಿ ನಡೆಸೋದಾಗಿ ತಿಳಿಸಿದ್ರು.. ಇದು ಇಡೀ ಜಗತ್ತಿನ ಚಿತ್ತ ವಿಶ್ವದ ದೊಡ್ಡಣ್ಣನ ಮೇಲೆ ನೆಡುವ ಹಾಗೆ ಮಾಡಿತ್ತು.. ಸದ್ಯ ಅಮೆರಿಕಾದ ವಾಪಸ್ಸಾತಿ ಬಗ್ಗೆ ವಿಶ್ವದ ದೊಡ್ಡಣ್ಣ ಮಾತಾಡ್ಡಿದ್ದು, ಅಫ್ಘಾನ್​ ಮತ್ತು ಅಮೆರಿಕಾದ ಸುಧೀರ್ಘ ಯುದ್ಧ ಇಲ್ಲಿಗೆ ಅಂತ್ಯವಾಗಿದೆ ಎಂದಿದ್ದಾರೆ.

ಅಫ್ಘಾನಿಸ್ತಾನದೊಂದಿಗಿನ ನಮ್ಮ ಯುದ್ಧ ಇಲ್ಲಿಗೆ ಮುಗಿದಿದೆ. ಈ ಯುದ್ಧವನ್ನ ಅಂತ್ಯಗೊಳಿಸೋ ಸವಾಲು ಎದುರಿಸಿದ ನಾಲ್ಕನೇ ಅಧ್ಯಕ್ಷ ನಾನು. ನಾನು ಅಮೆರಿಕಾ ಅಧ್ಯಕ್ಷನಾದ ವೇಳೆ ಈ ಯುದ್ಧವನ್ನ ಕೊನೆಗೊಳಿಸೋದಾಗಿ ಮಾತು ಕೊಟ್ಟಿದ್ದೆ. ಇವತ್ತಿಗೆ ಆ ಮಾತನ್ನು ನಾನು ಪೂರ್ಣಗೊಳಿಸಿದ್ದೇನೆ.

ಅಫ್ಘಾನ್​ನಿಂದ ಅಮೆರಿಕಾ ಸೇನೆಯ ವಾಪಾಸ್ಸಾತಿ ಬಳಿಕ ಅಮೆರಿಕಾ ಅಧ್ಯಕ್ಷ ಜೋ ಬೈಡನ್​ ಆಡಿದ ಮಾತುಗಳಿವು. ಅಮೆರಿಕಾ ಮತ್ತು ಅಫ್ಘಾನ್​ ನಡುವಿನ ಸುದೀರ್ಘ ಯುದ್ಧ ಅಂತ್ಯಗೊಂಡಿರೋದಾಗಿ ಬೈಡನ್​ ಹೇಳಿದ್ದಾರೆ. ಹಾಗಂತ ಇಲ್ಲಿಗೆ ಎಲ್ಲವೂ ಮುಗೀತು ಅಂತಲ್ಲಾ. ಇನ್ನು ಮುಂದೆಯೂ ಉಗ್ರರ ವಿರುದ್ಧ ನಮ್ಮ ಹೋರಾಟ ಇರಲಿದೆ ಅಂತಾ ಬೈಡನ್​ ಖಡಕ್​ ಎಚ್ಚರಿಕೆ ಕೊಟ್ಟಿದ್ದಾರೆ.

ಅಫ್ಘಾನಿಸ್ತಾನ ಸೇರಿದಂತೆ ಹಲವು ದೇಶಗಳಲ್ಲಿ ಉಗ್ರರ ವಿರುದ್ಧದ ನಮ್ಮ ಹೋರಾಟ ಮುಂದವರಿಯಲಿದೆ. ಆದ್ರೆ, ಆಯಾ ದೇಶದಲ್ಲಿದ್ದುಕೊಂಡೇ ಉಗ್ರರ ವಿರುದ್ಧ ಹೋರಾಡುವ ಅಗತ್ಯವಿಲ್ಲ. ಹೊರಗಿದ್ದುಕೊಂಡೇ ನಾವು ಹೋರಾಡಬಲ್ಲೆವು. ಕಳೆದ ವಾರವಷ್ಟೇ ಈ ಸಾಮರ್ಥ್ಯವನ್ನ ನಾವು ತೋರಿದ್ದೇವೆ.

ಇನ್ನು, 13 ಅಮೆರಿಕಾ ಯೋಧರ ಸಾವಿಗೆ ಕಾರಣವಾಗಿದ್ದ ಐಸಿಸ್​-ಕೆ ವಿರುದ್ಧ ಸಮರ ಸಾರೋ ಸುಳಿವನ್ನ ಬೈಡನ್​ ನೀಡಿದ್ದಾರೆ. ನೇರಾನೇರ ಐಸಿಸ್​-ಕೆ ಉಗ್ರರಿಗೆ ಎಚ್ಚರಿಕೆಯನ್ನ ನೀಡಿದ್ದಾರೆ.

ಐಸಿಸ್​-ಕೆ.. ಕೇಳಿಸಿಕೊಳ್ಳಿ ನಿಮ್ಮ ವಿಚಾರದಲ್ಲಿ ಇನ್ನೂ ನಮ್ಮ ಹೋರಾಟ ಮುಗಿದಿಲ್ಲ. ಕಮಾಂಡರ್​ ಇನ್ ಚೀಫ್ ನನಗೆ ನಮ್ಮ ಸೇನೆ, ಭದ್ರತೆ ಬಗ್ಗೆ ನಂಬಿಕೆ ಇದೆ. ಕಠಿಣ, ಕ್ಷಮಿಸದ, ಉದ್ದೇಶಿತ, ನಿಖರವಾದ ಕಾರ್ಯತಂತ್ರ ಹೆಣೆಯಲಿದೆ.

ಹೀಗೆ ತಮ್ಮ ಸಾಮರ್ಥ್ಯದ ಬಗ್ಗೆ ಮಾತು ಮುಂದುವರಿಸಿದ ಬೈಡನ್​, ಅಫ್ಘಾನ್​ನಿಂದ ಅಮೆರಿಕಾ ಸೇನೆಯನ್ನ ಹಿಂಪಡೆದ ತನ್ನ ನಿರ್ಧಾರವನ್ನ ಸಮರ್ಥಿಸಿಕೊಂಡಿದ್ದಾರೆ.. ಇದು ನಾನು ಕೈಗೊಂಡಿರೋ ಉತ್ತಮ ನಿರ್ಧಾರವಾಗಿದ್ದು, ಈ ನಿರ್ಧಾರದ ಹೊಣೆಯನ್ನನಾನೇ ಹೊರುತ್ತೇನೆ ಅಂತಾ ಹೇಳಿದ್ದಾರೆ.

ಹೀಗೆ ಜೋ ಬೈಡನ್​ ಇದು ಐತಿಹಾಸಿಕ ನಿರ್ಧಾರ ಅಂತಾ ಹೇಳಿದ್ರೆ, ಅಮೆರಿಕಾದ ಮಾಜಿ ಅಧ್ಯಕ್ಷ ಡೋನಾಲ್ಡ್​ ಟ್ರಂಪ್​ ಇದೊಂದು ಕೆಟ್ಟ ನಿರ್ಧಾರ ಅಂತಾ ಟೀಕಿಸಿದ್ದಾರೆ.

ಸಾಕಷ್ಟು ಸಾವು ನೋವಿನ ಬಳಿಕ ಕೊನೆಗೂ ಅಮೆರಿಕಾ ಸೇನೆ ಅಫ್ಘಾನ್​ನಿಂದ ವಾಪಾಸ್ಸಾಗಿದೆ. ಹಾಗಂತ ಇಲ್ಲಿಗೆ ಎಲ್ಲವೂ ಮುಗಿದಿಲ್ಲ, ಉಗ್ರ್ರರ ವಿರುದ್ಧದ ನಮ್ಮ ಹೋರಾಟ ಮುಂದಿವರಿಯಲಿದೆ ಅಂತಾ ಬೈಡನ್​ ಖಡಕ್​ ಎಚ್ಚರಿಕೆ ಕೊಟ್ಟಿದ್ದಾರೆ. ಆದ್ರೆ ತಾಲಿಬಾನ್​ ಕೈ ಸೇರಿರೋ ಅಫ್ಘಾನ್​ನಲ್ಲಿ ಇನ್ನು ಏನೇನೆಲ್ಲಾ ಸಂಭವಿಸುತ್ತೋ?

- Advertisement -
- Advertisement -

MOST POPULAR

HOT NEWS

Related news

error: Content is protected !!