ಮಾವೇಲಿಕರ: ಬಾವಿಗೆ ಬಿದ್ದ ಎರಡು ವರ್ಷದ ಬಾಲಕನನ್ನು ಆತನ ಎಂಟು ವರ್ಷದ ಸಹೋದರಿ ರಕ್ಷಿಸಿದ ಘಟನೆ ಮಂಕಂಕುಝಿ ಕಳ್ಳಿತುಂಡಂದಲ್ಲಿ ಎಂಬಲ್ಲಿ ನಡೆದಿದೆ. ಬಾವಿಗೆ ಬಿದ್ದ ಬಾಲಕ ಐವಾನ್ (2) ಹಾಗೂ ರಕ್ಷಿಸಿದ ಸಹೋದರಿ ದಿಯಾ (8) ಎಂದು ತಿಳಿದು ಬಂದಿದೆ.
ಮಂಕಂಕುಝಿ ಕಳ್ಳಿತುಂಡಂ ಪರಂಗಮಕೂಟದಲ್ಲಿ ಬಾಡಿಗೆಗೆ ವಾಸವಾಗಿರುವ ಸನಲ್ ಮತ್ತು ಶಜಿಲಾ ದಂಪತಿಯ ಪುತ್ರ ಐವಾನ್ ಅವರನ್ನು ಅವರ ಅಕ್ಕ ದಿಯಾ ರಕ್ಷಿಸಿದ್ದಾರೆ. ದಿಯಾ ಮತ್ತು ಅವಳ ತಂಗಿ ದುನಿಯಾ ಅಂಗಳದಲ್ಲಿ ಆಡುತ್ತಿದ್ದರು.ಈ ನಡುವ ಐವನ್ ಬಾವಿಯ ಬದಿಗೆ ಹೋಗಿ ಪೈಪ್ ಮೇಲೆ ಕಾಲಿಟ್ಟಾಗ ತುಕ್ಕು ಹಿಡಿದ ಕಬ್ಬಿಣದ ಕವರ್ ನ ಮಧ್ಯ ಭಾಗ ಒಡೆದು 20 ಅಡಿ ಆಳಕ್ಕೆ ಬಿದ್ದಿದ್ದಾರೆ ಎಂದು ತಿಳಿದು ಬಂದಿದೆ.
ತಮ್ಮನ ಕಿರುಚಾಟವನ್ನು ಕೇಳಿದ ದಿಯಾ ಪೈಪ್ನಿಂದ ಕೆಳಗೆ ಇಳಿದು ಪೈಪ್ನಲ್ಲಿಯೇ ನೇತಾಡುತ್ತಿದ್ದ ಐವಾನ್ನನ್ನು ಎತ್ತಿಕೊಂಡಿದ್ದಾರ ಎನ್ನಲಾಗಿದೆ.
ಸ್ಥಳೀಯ ಜನರು ಮಾಹಿತಿ ತಿಳಿದು ಬಂದು ಹಗ್ಗ ಬಳಸಿ ಬಾವಿಗೆ ಇಳಿದು ಮೊದಲು ಐವನ್ನನ್ನು ಮೇಲಕ್ಕೆ ಕರೆತಂದರು. ಬಾವಿಗೆ ಹಾಕಿದ್ದ ಹಗ್ಗವೇರಿ ದಿಯಾ ಕೂಡ ಹತ್ತಿದರು ಎಂದು ತಿಳಿದು ಬಂದಿದೆ. ತಲೆಗೆ ಸಣ್ಣಪುಟ್ಟ ಗಾಯಗಳಾಗಿರುವ ಇವಾನ್ನನ್ನು ಮೊದಲು ಜಿಲ್ಲಾಸ್ಪತ್ರೆಗೆ ಕರೆದುಕೊಂಡು ಹೋಗಿ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಅಲಪ್ಪುಳ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ದಿಯಾ ವೆಟ್ಟಿಯಾರ್ ತನ್ಪನ್ಪಲ್ಲಿಕ್ಕುಟಂ ಶಾಲೆಯಲ್ಲಿ 3ನೇ ತರಗತಿ ಓದುತ್ತಿದ್ದಾಳೆ.ಬಾಲಕಿಯ ಸಾಹಸಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.