ಕೆಂಪು ನಾಲಿಗೆ ಮೇಲೆ ಹಳದಿ ಪದರ: ಇದು ಹೃದಯದ ಕಾಯಿಲೆಯ ಸಂಕೇತ..!

ಕಣ್ಣುಗಳು ಮನಸ್ಸಿನ ಮಾತನ್ನು ಹೇಳಿದರೆ ನಾಲಿಗೆ ಮನುಷ್ಯನ ಆಚಾರವನ್ನು ಹೇಳುತ್ತದೆ ಎಂದು ಹೇಳುತ್ತಾರೆ. ಆದರೆ ವೈದ್ಯರನ್ನು ಕೇಳಿದರೆ ನಾಲಿಗೆ ನಿಮ್ಮ ದೇಹದ ಕಾಯಿಲೆಯನ್ನು ಹೇಳುತ್ತದೆ ಎಂದು ಹೇಳುತ್ತಾರೆ. ಹೌದು ನಮ್ಮ ನಾಲಿಗೆ ನಮ್ಮ ಆರೋಗ್ಯದ ಸಂಕೇತ.

ಅದು ತನ್ನ ಬಣ್ಣ ಬದಲಾವಣೆ ಮಾಡಿಕೊಳ್ಳುವ ಮೂಲಕ ಪ್ರಸ್ತುತ ಮನುಷ್ಯನ ಆರೋಗ್ಯದ ಸ್ಥಿತಿ ಹೇಗಿದೆ ಎಂಬುದನ್ನು ತಿಳಿಸುತ್ತದೆ. ಧೂಮಪಾನ ಮದ್ಯಪಾನ ಮಾಡುವ ಜನರಿಗೆ ಹೋಲಿಸಿದರೆ ಸಾಧಾರಣ ಜನರಿಗೆ ನಾಲಿಗೆ ಬಣ್ಣ ಬೇರೆ ರೀತಿ ಇರುತ್ತದೆ. ಅದೇ ರೀತಿ ಹೃದಯದ ತೊಂದರೆ ಹೊಂದಿರುವವರಿಗೆ ಕೂಡ ಸಾಧಾರಣ ಜನರಿಗೆ ಹೋಲಿಸಿದರೆ ನಾಲಿಗೆ ಬಣ್ಣ ಗಾಢವಾಗಿ ಕೂಡಿರುತ್ತದೆ.
ಸಂಶೋಧನಾ ಸಂಸ್ಥೆ ಹೇಳಿರುವ ಪ್ರಕಾರ,

ಒಂದು ಸಂಶೋಧನಾ ಸಂಸ್ಥೆ ಹೇಳಿರುವ ಪ್ರಕಾರ, ಬಹಳಷ್ಟು ಜನರಿಗೆ ಅಂದರೆ ಯಾರಿಗೆ ಹೃದಯ ಕಾರ್ಯಚಟುವಟಿಕೆ ನಿಲ್ಲಿಸಿರುತ್ತದೆ ಅಂತಹವರಿಗೆ ಕೆಂಪು ನಾಲಿಗೆ ಮೇಲೆ ಹಳದಿ ಪದರ ಇರುವುದು ಕಂಡುಬಂದಿದೆ.
ಹೃದಯದ ತೊಂದರೆಹೆಚ್ಚಾದಂತೆ ನಾಲಿಗೆ ಬಣ್ಣ ಕೂಡ ಮತ್ತಷ್ಟು ಹೆಚ್ಚಾಗುತ್ತದೆ ಎಂದು ಹೇಳುತ್ತಾರೆ. ಸಾಮಾನ್ಯವಾಗಿ ಆರೋಗ್ಯವಂತ ಜನರಿಗೆ ಹೋಲಿಸಿದರೆ ಹೃದಯದ ಹಾನಿ ಆಗಿರು ವವರಿಗೆ ಈ ರೀತಿಯ ಸೂಚನೆ ಇರುವುದು ನೋಡಲು ಬಹಳ ಚೆನ್ನಾಗಿ ಗೊತ್ತಾಗುತ್ತದೆ.

ನಾಲಿಗೆಯಲ್ಲಿ ಕಂಡು ಬರುವಂತಹ ಬ್ಯಾಕ್ಟೀರಿಯಾಗಳು

ಹೃದಯದ ಸಮಸ್ಯೆ ಇರುವವರ ನಾಲಿಗೆಯಲ್ಲಿ ಕಂಡು ಬರುವಂತಹ ಬ್ಯಾಕ್ಟೀರಿಯಾಗಳು ಮತ್ತು ಅವುಗಳ ಪ್ರಮಾಣ ಸಾಧಾರಣ ಜನರಿಗೆ ಹೋಲಿಸಿದರೆ ಅವರ ನಾಲಿಗೆಯಲ್ಲಿ ಇರುವ ಪ್ರಮಾಣಕ್ಕಿಂತ ಹೆಚ್ಚಾಗಿರುತ್ತದೆ.

ಹೃದಯದ ಕಾಯಿಲೆ ಇರುವವರಿಗೆ ನಾಲಿಗೆ ಬಣ್ಣ ತುಂಬಾ ಗಾಢವಾಗಿರುತ್ತದೆ

ಹೌದು ಇದು ಅಧ್ಯಯನದಲ್ಲಿ ದೃಢಪಟ್ಟಿದೆ. ಸಂಶೋಧಕರು ಹೇಳುವಂತೆ, ಯಾರಿಗೆ ಹೃದಯದ ತೀವ್ರತರಹದ ತೊಂದರೆ ಇರುತ್ತದೆ ಅಂತಹವರಿಗೆ ನಾಲಿಗೆ ಬಣ್ಣ ತುಂಬಾ ಗಾಢವಾಗಿ ಬದಲಾಗುತ್ತದೆ. ಅಂದರೆ ಹೆಚ್ಚಿನ ಕೆಂಪು ಬಣ್ಣಕ್ಕೆ ತಿರುಗುತ್ತದೆ.
ಆದರೆ ಅವರಿಗೆ ಬಾಯಿಗೆ ಹಾಗೂ ವಸಡುಗಳಿಗೆ ಸಂಬಂಧಪಟ್ಟಂತೆ ಯಾವುದೇ ಸಮಸ್ಯೆ ಇರುವುದಿಲ್ಲ. ಮಹಿಳೆಯರಲ್ಲೂ ಕೂಡ ಈ ರೀತಿ ಸಮಸ್ಯೆ ಕಂಡುಬರುತ್ತದೆ. ಆದರೆ ಅವರು ಯಾರು ಸಹ ಗರ್ಭಿಣಿಯರು ಅಥವಾ ಬಾಣಂತಿಯರು ಆಗಿರುವುದಿಲ್ಲ.

ನಾಲಿಗೆಯ ಕೋಟಿಂಗ್ ಸ್ಯಾಂಪಲ್

ನಾಲಿಗೆಯ ಕೋಟಿಂಗ್ ಸ್ಯಾಂಪಲ್ ಗಳನ್ನು ತೆಗೆದುಕೊಂಡು ಸಂಶೋಧನೆಗೆ ಒಳಪಡಿಸಲಾಯಿತು. ರೋಗಿಗಳು ತಿಂಡಿ ತಿನ್ನುವುದಕ್ಕೆ ಮುಂಚೆ ಮತ್ತು ತಿಂಡಿ ತಿಂದ ಮೇಲೆ ಈ ರೀತಿಯ ಪರೀಕ್ಷೆ ಮಾಡ ಲಾಯಿತು. ಆದರೆ ಯಾರಿಗೆ ಹೃದಯದ ತೊಂದರೆ ಇರುತ್ತದೆ ಅವರಿಗೆ ನಾಲಿಗೆ ಉಜ್ಜಿದರು ಕೂಡ ಬ್ಯಾಕ್ಟೀರಿಯಗಳು ಮಾತ್ರ ಕಡಿಮೆಯಾಗಿರಲಿಲ್ಲ.
ಇದು ನಾಲಿಗೆ ಬಣ್ಣ ಕೆಂಪು ಬಣ್ಣಕ್ಕೆ ತಿರುಗಲು ಪ್ರಮುಖ ಕಾರಣ ಎಂದು ಅಧ್ಯಯನದಲ್ಲಿ ತಿಳಿಸ ಲಾಯಿತು. ದೀರ್ಘಕಾಲ ಹೃದಯದ ಆರೋಗ್ಯವನ್ನು ಪರೀಕ್ಷೆ ಮಾಡಿ ಸಂಶೋಧಕರು ಈ ನಿರ್ಧಾರಕ್ಕೆ ಬಂದರು.
ಅವರು ಹೃದಯದ ಆರೋಗ್ಯಕ್ಕೆ ಮತ್ತು ಕಾರ್ಯ ಚಟುವಟಿಕೆಗೆ ಸಂಬಂಧಪಟ್ಟಂತೆ ನಾಲಿಗೆ ಮೇಲೆ ಕಂಡುಬರುವ ಬ್ಯಾಕ್ಟೀರಿಯಾಗಳಿಗೆ ಏನು ಸಂಬಂಧ ಇರಬಹುದು ಎಂಬ ಬಗ್ಗೆ ಸಹ ಅಧ್ಯಯನ ಕೈಗೊಂಡರು.

ನಾಲಿಗೆ ನಿಮ್ಮ ಆರೋಗ್ಯದ ಬಗ್ಗೆ ಹೇಳುತ್ತದೆ

ನಿಮ್ಮ ದೇಹದಲ್ಲಿ ಯಾವುದೇ ರೀತಿಯ ಪೌಷ್ಟಿಕ ಸತ್ವಗಳ ಕೊರತೆ ಉಂಟಾದರೆ ಅಥವಾ ನಿಮ್ಮ ದೇಹದ ಒಳಭಾಗದಲ್ಲಿ ಯಾವುದೇ ಆರೋಗ್ಯದ ಅಸ್ವಸ್ಥತೆ ಉಂಟಾದರೆ ಅದು ನಿಮ್ಮ ನಾಲಿಗೆಯ ಬಣ್ಣದಿಂದ ತಿಳಿಯುತ್ತದೆ ಎಂದು ಹೇಳುತ್ತಾರೆ. ಇಲ್ಲಿ ಕೆಲವೊಂದು ಅಂತಹ ಉದಾಹರಣೆಗಳನ್ನು ಕೊಡಲಾಗಿದೆ.

ಕಪ್ಪು ಮತ್ತು ನಾಲಿಗೆ ಮೇಲೆ ಕೂದಲು ತರಹ ಇದ್ದರೆ
ಇದು ಈಸ್ಟ್ ಸೋಂಕು, ಮಧುಮೇಹ, ಕ್ಯಾನ್ಸರ್ ಸಂಬಂಧಿತ ತೊಂದರೆಗಳು ಮತ್ತು ಬಾಯಿಯ ಆರೋಗ್ಯ ಹಾಳಾಗಿರುವುದನ್ನು ಸೂಚಿಸುತ್ತದೆ.

ಅತಿ ಹೆಚ್ಚು ಕೆಂಪು ಬಣ್ಣದ ನಾಲಿಗೆ

ನಿಮ್ಮ ದೇಹದಲ್ಲಿ ಫೋಲಿಕ್ ಆಮ್ಲ, ವಿಟಮಿನ್ b12 ಮತ್ತು ಕಬ್ಬಿಣದ ಅಂಶ ಕೊರತೆ ಆಗಿರುವ ಬಗ್ಗೆ ಇದು ಸೂಚಿಸುತ್ತದೆ. ಕೆಲವರಿಗೆ ಜ್ವರ ಜಾಸ್ತಿ ಇದ್ದರೂ ಕೂಡ ನಾಲಿಗೆ ಕೆಂಪು ಬಣ್ಣದಲ್ಲಿ ಇರುತ್ತದೆ.

ನಾಲಗೆ ತುಂಬಾ ಕೆಂಪು ಹಾಗೂ ಬಿಳಿ ಚುಕ್ಕಿಗಳು
ನಾಲಿಗೆ ಮೇಲೆ ರುಚಿ ನೋಡುವ ಹಾಳಾಗುವುದರ ಸೂಚನೆ. ಆದರೆ ಇದಕ್ಕೆ ತಲೆಕೆಡಿಸಿ ಕೊಳ್ಳಬೇಕಾದ ಅವಶ್ಯಕತೆ ಇಲ್ಲ. ಏಕೆಂದರೆ ಇವು ಮತ್ತೆ ಪುನಶ್ಚೇತನಗೊಳ್ಳುತ್ತವೆ.

ಬಿಳಿ ಬಣ್ಣದ ಚುಕ್ಕೆಗಳು

ಇದು ಸಹ ಈಸ್ಟ್ ಬೆಳವಣಿಗೆ ಎಂದು ಹೇಳಬಹುದು. ಹೀಗಾಗಿ ವಾರಕ್ಕೊಮ್ಮೆ ನಾಲಿಗೆ ಉಜ್ಜುವ ಅಭ್ಯಾಸ ಇಟ್ಟುಕೊಳ್ಳುವುದು ಒಳ್ಳೆಯದು. ತೊಂದರೆ ಜಾಸ್ತಿ ಇದ್ದರೆ ಆಂಟಿ ಫಂಗಲ್ ಔಷಧಿಗಳನ್ನು ತೆಗೆದುಕೊಳ್ಳ ಬೇಕಾಗಿ ಬರಬಹುದು.

ನಾಲಿಗೆ ಮೇಲೆ ಪಟ್ಟೆಗಳು ಕಂಡುಬಂದರೆ

ಇದು ನಾಲಿಗೆಯ ಭಾಗದಲ್ಲಿ ಉರಿಯೂತ ಎಂದು ಹೇಳಬಹುದು. ದೇಹದ ರೋಗನಿರೋಧಕ ಶಕ್ತಿಯಾವುದು ಕಡಿಮೆಯಾಗುತ್ತದೆ ಮತ್ತು ಬಾಯಿಯ ಭಾಗದಲ್ಲಿ ಕ್ಯಾನ್ಸರ್ ಸಮಸ್ಯೆ ಕಂಡುಬರುತ್ತದೆ, ಅಥವಾ ಸರಿಯಾಗಿ ಬಾಯಿಯ ಸ್ವಚ್ಛತೆಯನ್ನು ನಿರ್ವಹಿಸಿಕೊಂಡಿರುವುದಿಲ್ಲ, ಆ ಸಮಯದಲ್ಲಿ ಈ ರೀತಿ ಕಾಣುತ್ತದೆ. ಹೀಗಾಗಿ ಬಾಯಿಯ ಆರೋಗ್ಯವನ್ನು ರಕ್ಷಣೆ ಮಾಡುವಂತಹ ಕೆಲಸ ಮಾಡಬೇಕಾಗುತ್ತದೆ. ಉದಾಹರ ಣೆಗೆ ತಂಬಾಕು ಜಗಿಯುವುದು, ಬೀಡಿ-ಸಿಗರೇಟು ಇತ್ಯಾದಿಗಳನ್ನು ಬಿಡಬೇಕಾಗುತ್ತದೆ.

ನಾಲಿಗೆ ಮೇಲೆ ಗಂಟುಗಳು

ಕೆಲವರಿಗೆ ನಾಲಿಗೆ ಮೇಲೆ ಹುಣ್ಣುಗಳು ಕಂಡುಬರುತ್ತವೆ, ಇನ್ನು ಕೆಲವರು ನಾಲಿಗೆಯನ್ನು ಕಚ್ಚಿ ಕೊಂಡಿರುತ್ತಾರೆ, ಮತ್ತು ಕೆಲವರಿಗೆ ಧೂಮಪಾನದಿಂದ ನಾಲಿಗೆಗೆ ತೊಂದರೆ ಉಂಟಾಗುತ್ತದೆ.
ಇಂತಹವರು ಪುದೀನಾ ಎಲೆಗಳನ್ನು ಜಗಿದು ತಿನ್ನುವುದು, ಬೆಚ್ಚಗಿನ ನೀರಿನಲ್ಲಿ ಉಪ್ಪು ಹಾಕಿ ಕೊಂಡು ಬಾಯಿ ಮುಕ್ಕಳಿಸುವುದು, ಮೃದು ಮತ್ತು ತಂಪಾದ ಆಹಾರ ಪದಾರ್ಥಗಳನ್ನು ಸೇವನೆ ಮಾಡುವ ಅಭ್ಯಾಸ ಇಟ್ಟುಕೊಳ್ಳಬೇಕು.