Friday, March 29, 2024
spot_imgspot_img
spot_imgspot_img

‘ನಿಫಾ ವೈರಸ್’ ಗೂ ಬರಲಿದೆಯಾ ಲಸಿಕೆ!

- Advertisement -G L Acharya panikkar
- Advertisement -
driving

ಕೊರೊನಾ ನಿಯಂತ್ರಣದಲ್ಲಿ ಪರಿಣಾಮಕಾರಿ ಎಂದು ಸಾಬೀತಾಗಿರುವ ‘ಕೋವಿಶೀಲ್ಡ್’ ಮಾದರಿಯ ವೈರಾಣು ಪ್ರೊಟೀನ್ ಆಧರಿತ ಲಸಿಕೆಯ ಮಾದರಿಯಲ್ಲೇ ಮಾರಣಾಂತಿಕ ‘ನಿಫಾ’ (ಎನ್‍ಐವಿ) ಸೋಂಕಿಗೂ ವ್ಯಾಕ್ಸಿನ್ ಕಂಡುಹಿಡಿಯಲಾಗಿದೆ.

ಸದ್ಯಕ್ಕೆ ಮಂಗಗಳ ಮೇಲೆ ಈ ಲಸಿಕೆಯ ಪ್ರಯೋಗ ಮಾಡಲಾಗಿದ್ದು, ನಿಫಾ ವೈರಾಣು ಹತ್ತಿಕ್ಕುವಲ್ಲಿ ಭಾರಿ ಪರಿಣಾಮಕಾರಿ ಎಂದು ಸಾಬೀತಾಗಿದೆ. ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದಲ್ಲಿ ಈ ಸಂಶೋಧನೆ ನಡೆಸಲಾಗಿದೆ. ಆಫ್ರಿಕಾದಲ್ಲಿ ಹೆಚ್ಚಾಗಿ ಕಾಣಸಿಗುವ ‘ಗ್ರೀನ್ ಮಂಕಿ’ಗಳಿಗೆ ನಿಫಾ ಸೋಂಕು ತಗುಲಿಸಿದ ಬಳಿಕ ಕೋವಿಶೀಲ್ಡ್ ಮಾದರಿಯ ಲಸಿಕೆಯೊಂದನ್ನು ನೀಡಲಾಗಿದೆ.

ಕೆಲವು ಮಂಗಗಳಿಗೆ ಮೂಗಿನ ಮೂಲಕ, ಮತ್ತೆ ಕೆಲವಕ್ಕೆ ಗಂಟಲಿನ ಮುಖಾಂತರ ನಿಫಾ ವೈರಾಣು ಪೂರೈಕೆ ಮಾಡಲಾಗಿದೆ. ಲಸಿಕೆ ಪಡೆದ 14 ದಿನಗಳ ಬಳಿಕ ಮಂಗಗಳ ದೇಹದಲ್ಲಿ ನಿಫಾ ವಿರುದ್ಧದ ಪ್ರತಿಕಾಯಗಳು ಪರಿಣಾಮಕಾರಿಯಾಗಿ ವೃದ್ಧಿಯಾಗಿರುವುದನ್ನು ವಿಜ್ಞಾನಿಗಳು ಗಮನಿಸಿದ್ದಾರೆ. 42 ದಿನಗಳ ನಂತರ ಕೂಡ ವೈರಾಣುವನ್ನು ದ್ವಿಗುಣಗೊಳ್ಳಲು ಬಿಡದಂತೆ ಲಸಿಕೆಯು ಅಂಕುಶ ಹಾಕಿರುವುದು ಹೊಸ ಆಶಾಕಿರಣ ಮೂಡಿಸಿದೆ.

ಕೆಲವು ಮಂಗಗಳಲ್ಲಿ ನಿಫಾ ಸೋಂಕು ತೀವ್ರಗತಿಯಲ್ಲಿ ಇಳಿಕೆ ಕಾಣದ ಹಿನ್ನೆಲೆಯಲ್ಲಿ ಮೊದಲ ಡೋಸ್ ನೀಡಿದ 14 ದಿನಗಳ ನಂತರ ಎರಡನೇ ಡೋಸ್ ವ್ಯಾಕ್ಸಿನ್ ಕೂಡ ನೀಡಲಾಗಿದೆ. ಸಣ್ಣ ಇಲಿಗಳು (ಹ್ಯಾಮ್ಸಸ್ಟರ್) ಮೇಲೂ ಈ ಲಸಿಕೆಯ ಪ್ರಯೋಗ ನಡೆಸಲಾಗಿದ್ದು, ನಿಫಾ ವೈರಾಣುವಿನ ದ್ವಿಗುಣಗೊಳ್ಳುವಿಕೆಯನ್ನು ತಡೆಯುವಲ್ಲಿ ದೇಹದಲ್ಲಿ ಪ್ರತಿಕಾಯಗಳು ಅಭಿವೃದ್ಧಿ ಉತ್ತಮ ಪ್ರಮಾಣದಲ್ಲಿ ಆಗಿದೆ ಎಂದು ಲ್ಯಾಬೊರೇಟರಿ ಆಫ್ ವೈರಾಲಜಿಯ ಪ್ರಧಾನ ವಿಜ್ಞಾನಿ ವಿನ್ಸೆಂಟ್ ಮುನ್ಸ್ಟರ್ ಹೇಳಿದ್ದಾರೆ.

- Advertisement -

Related news

error: Content is protected !!