Thursday, March 28, 2024
spot_imgspot_img
spot_imgspot_img

ಬಾಲ್ಯದ ಸಿಹಿತಿಂಡಿ ಈ ಶೇಂಗಾ ಚಿಕ್ಕಿಯಲ್ಲಿದೆ ಸಿಕ್ಕಾಪಟ್ಟೆ ಪ್ರಯೋಜನಗಳು

- Advertisement -G L Acharya panikkar
- Advertisement -

ಕಡ್ಲೆ ಮಿಠಾಯಿ, ಶೇಂಗಾ ಚಿಕ್ಕಿ ಅಥವಾ ಚಿಕ್ಕಿ (ಬೆಲ್ಲದ ಕೊಬ್ಬರಿ ಮಿಠಾಯಿ) ಎಂದರೆ ಚಿಕ್ಕ ಮಕ್ಕಳಿಂದ ಹಿಡಿದು ದೊಡ್ಡವರಿಗೂ ಕೂಡ ಬಾಯಲ್ಲಿ ನೀರು ಬರುತ್ತದೆ. ಚಿಕ್ಕ ವಯಸ್ಸಿನಲ್ಲಿ ನಾವು ನೀವು ಸೊಗಸಾಗಿ ತಿನ್ನುತ್ತಿದ್ದ ಏಕೈಕ ಮಿಠಾಯಿ ಇದೆ ಅಲ್ಲವೇ? ಆಗ ಎಂಟಾಣಿ ಅಥವಾ ಒಂದು ರೂಪಾಯಿಗೆ ಬಹುತೇಕ ಶಾಲೆಯ ಹತ್ತಿರದ ಎಲ್ಲ ಅಂಗಡಿಗಳಲ್ಲಿ ಸಿಗುತ್ತಿತ್ತು. ಆದರೆ ಈಗ ಕಾಲ ಬದಲಾಗಿದೆ.

ಇದರ ವೆಚ್ಚ ಸ್ವಲ್ಪ ದುಬಾರಿಯಾಗಿದೆ. ಆದರೆ ರುಚಿಯಲ್ಲಿ ಮಾತ್ರ ಯಾವುದೇ ಬದಲಾವಣೆ ಇಲ್ಲ.ಆರೋಗ್ಯ ತಜ್ಞರನ್ನು ಕೇಳಿದರೆ ಇದರಿಂದ ಸಿಗುವ ಆರೋಗ್ಯ ಪ್ರಯೋಜನಗಳಲ್ಲಿ ಕೂಡ ಯಾವುದೇ ಬದಲಾ ವಣೆಗಳು ಇಲ್ಲ ಮತ್ತು ಈ ವಿಚಾರವನ್ನು ಎಲ್ಲರೂ ತಿಳಿದುಕೊಳ್ಳಬೇಕು ಎಂದು ಹೇಳುತ್ತಾರೆ. ಬನ್ನಿ ಹಾಗಾದರೆ ಈ ಲೇಖನದಲ್ಲಿ ಕಡಲೆ ಮಿಠಾಯಿ ತಿನ್ನುವುದನ್ನು ಬಿಟ್ಟಿದ್ದ ನಮಗೆ ಮತ್ತೆ ಇದನ್ನು ಅಭ್ಯಾಸ ಮಾಡಿಕೊಳ್ಳುವ ನಿಟ್ಟಿನಿಂದ ಸಿಗುವ ಆರೋಗ್ಯ ಪ್ರಯೋಜನಗಳು ಏನೇನು ಎಂಬುದನ್ನು ತಿಳಿದುಕೊಳ್ಳೋಣ.

ಕೊಲೆಸ್ಟ್ರಾಲ್ ನಿರ್ವಹಣೆ ಮಾಡುತ್ತದೆ

ಕಡ್ಲೆ ಮಿಠಾಯಿ ನಿಮ್ಮ ಹೃದಯದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ನಿಮ್ಮ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶವನ್ನು ನಿರ್ವಹಣೆ ಮಾಡುವುದು ಮಾತ್ರವಲ್ಲದೆ ನಿಮ್ಮ ಹೃದಯ ರಕ್ತನಾಳ ಗಳಲ್ಲಿ ರಕ್ತಸಂಚಾರ ಉತ್ತಮವಾಗುವಂತೆ ನೋಡಿಕೊಳ್ಳುತ್ತದೆ.

ಪಾರ್ಶ್ವವಾಯು ಸಮಸ್ಯೆಯನ್ನು ದೂರಮಾಡುವುದು ಮಾತ್ರವಲ್ಲದೆ ಆರೋಗ್ಯಕರವಾದ ಲಿಪಿಡ್ ಪ್ರೊಫೈಲ್ ಒದಗಿಸುತ್ತದೆ. ಒಟ್ಟಾರೆಯಾಗಿ ಹೃದಯಕ್ಕೆ ಸಂಬಂಧಪಟ್ಟಂತೆ ಯಾವುದೇ ತೊಂದರೆ ಯನ್ನು ಕಡ್ಲೆ ಮಿಠಾಯ್ ಉತ್ತಮವಾಗಿ ನಿರ್ವಹಣೆ ಮಾಡಬಲ್ಲದು.

ಚರ್ಮದ ಸಮಸ್ಯೆಗೆ ಮುಕ್ತಿ ನೀಡುತ್ತದೆ

ಕಡ್ಲೆ ಮಿಟಾಯಿ ಸೇವನೆ ಮಾಡುವ ಅಭ್ಯಾಸ ಇಟ್ಟುಕೊಳ್ಳುವುದರಿಂದ ಚರ್ಮದ ಸಮಸ್ಯೆಗಳು ಎನ್ನಲಾದ ಸೋರಿಯಾಸಿಸ್ ಮತ್ತು ಇಸುಬು ಸಮಸ್ಯೆಯನ್ನು ಪರಿಹಾರ ಮಾಡುತ್ತದೆ. ಏಕೆಂದರೆ ಕಡಲೆ ಬೀಜಗಳಲ್ಲಿ ವಿಟಮಿನ್ ಈ, ಜಿಂಕ್ ಮತ್ತು ಮೆಗ್ನೀಷಿಯಂ ಅಂಶದ ಪ್ರಮಾಣ ದಟ್ಟವಾಗಿದೆ.
ಇದು ಚರ್ಮದ ಹೊಳಪನ್ನು ಹೆಚ್ಚಿಸುವುದು ಮಾತ್ರವಲ್ಲದೆ ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡಿ ಚರ್ಮದ ಮೇಲೆ ಗುಳ್ಳೆಗಳು ಬರದಂತೆ ನೋಡಿಕೊಳ್ಳುತ್ತದೆ. ಕಡ್ಲೆ ಬೀಜಗಳಲ್ಲಿ ಕೊಲೆಜಿನ್ ಉತ್ಪತ್ತಿ ಹೆಚ್ಚಿಸಿ ಜೀವಕೋಶಗಳ ಮರುನಿರ್ಮಾಣದ ಗುಣಲಕ್ಷಣಗಳಿವೆ.

ನರನಾಡಿಗಳಿಗೆ ಸಂಬಂಧಪಟ್ಟಂತೆ ಸಮಸ್ಯೆಗಳನ್ನು ಹೋಗಲಾಡಿಸುತ್ತದೆ

ಕಡ್ಲೆ ಮಿಠಾಯಿನಲ್ಲಿ ಬಳಸುವ ಬೆಲ್ಲ ಆಂಟಿಆಕ್ಸಿಡೆಂಟ್ ಅಂಶಗಳನ್ನು ಒಳಗೊಂಡಿದೆ. ಇದು ಫೈಟೋ ಫಿನಲ್ ಅಂಶಗಳನ್ನು ಹೇರಳವಾಗಿ ಹೊಂದಿದ್ದು, ರಕ್ತ ಹೆಪ್ಪುಗಟ್ಟುವ ಸಾಧ್ಯತೆಯನ್ನು ತಪ್ಪಿಸುತ್ತದೆ ಮತ್ತು ಬಹಳಷ್ಟು ಜನರಿಗೆ ಮೆದುಳಿನ ಭಾಗದ ಸಮಸ್ಯೆಯಿಂದ ಎದುರಾಗುವ ಡೆಮೆನ್ಷಿಯ ಮತ್ತು ಅಲ್ಜೀಮರ್ ಕಾಯಿಲೆಯನ್ನು ಹೋಗಲಾಡಿಸುತ್ತದೆ.
ಕಬ್ಬಿನಿಂದ ಮಾಡುವ ಬೆಲ್ಲ ಸಾಕಷ್ಟು ಉತ್ತಮ ಪ್ರಮಾಣದಲ್ಲಿ ನಿಮ್ಮ ದೇಹಕ್ಕೆ ಉಪಯುಕ್ತ ಅಂಶ ಗಳನ್ನು ಒದಗಿಸಿ ನಿಮ್ಮ ದೇಹದಿಂದ ವಿಷಕಾರಿ ಅಂಶಗಳನ್ನು ಹೊರಹಾಕಿ ರಕ್ತ ಶುದ್ಧೀಕರಣ ಮಾಡುತ್ತದೆ.

ದೇಹ ಅಭಿವೃದ್ಧಿಯಾಗಲು ಸಹಕಾರಿ

ಚಿಕ್ಕವಯಸ್ಸಿನಿಂದ ಕಡ್ಲೆ ಮಿಠಾಯಿ ತಿಂದು ಬರುತ್ತಿರುವವರಿಗೆ ಹೋಲಿಸಿದರೆ ಇತರರು ದೈಹಿಕವಾಗಿ ಸ್ವಲ್ಪ ದುರ್ಬಲ ಎಂದು ಹೇಳಬಹುದು. ಏಕೆಂದರೆ ಕಡ್ಲೆ ಮಿಠಾಯಿ ನಲ್ಲಿ ಕಂಡುಬರುವ ಅಮೈನೋ ಆಮ್ಲಗಳು ನಿಮ್ಮ ದೇಹಕ್ಕೆ ಮೆಟಬಾಲಿಸಂ ಪ್ರಕ್ರಿಯೆಯಲ್ಲಿ ನೇರವಾಗಿ ಬೆಳವಣಿಗೆಗೆ ಸಂಬಂಧಪಟ್ಟ ಹಾರ್ಮೋನ್ ಅಭಿವೃದ್ಧಿಯಾಗುವಂತೆ ನೋಡಿಕೊಳ್ಳುತ್ತದೆ.
ನಿಮ್ಮ ಸಂಜೆಯ ಸಮಯದ ಸ್ನಾಕ್ಸ್ ಸೇವನೆಗೂ ಕೂಡ ಇದು ಪ್ರಮುಖ ಪಾತ್ರವಹಿಸುತ್ತದೆ. ಅಂದರೆ ನೀವು ಕಲಬೆರಕೆ ಎಣ್ಣೆಯಿಂದ ತಯಾರು ಮಾಡಿದ ಚಿಪ್ಸ್ ಮತ್ತು ಕ್ರ್ಯಾಕರ್ಸ್ ತಿಂದು ಆರೋಗ್ಯವನ್ನು ಹಾಳು ಮಾಡಿಕೊಳ್ಳುವ ಬದಲು ಕಡಲೆ ಮಿಠಾಯಿ ತಿಂದು ನಿಮ್ಮ ದೇಹಕ್ಕೆ ಪೌಷ್ಟಿಕ ಸತ್ವಗಳನ್ನು ತೆಗೆದುಕೊಳ್ಳಬಹುದು ಜೊತೆಗೆ ನಿಮಗೆ ಹೊಟ್ಟೆ ತುಂಬಿದ ಅನುಭವ ಕೂಡ ಉಂಟಾಗುತ್ತದೆ.

ಇದೊಂದು ಸಾಂಪ್ರದಾಯಿಕ ರೆಸಿಪಿ

ಕಡ್ಲೆ ಮಿಠಾಯಿ ಇಂದು ನಿನ್ನೆಯದಲ್ಲ. ನಾವು ಚಿಕ್ಕ ವಯಸ್ಸಿನಲ್ಲಿ ಇದ್ದಂತಹ ಸಮಯದಿಂದ ಮತ್ತು ಅದಕ್ಕೆ ಮುಂಚಿನಿಂದಲೂ ಕೂಡ ಅಂಗಡಿಗಳಲ್ಲಿ ಸಿಗುತ್ತಿದೆ ಮತ್ತು ಅದೇ ರುಚಿಯನ್ನು ಉಳಿಸಿ ಕೊಂಡಿದೆ. ಇದರಲ್ಲಿ ಇರುವುದು ನೈಸರ್ಗಿಕವಾದ ಸಿಹಿ ಎಂದರೆ ತಪ್ಪಾಗುವುದಿಲ್ಲ.

ಇದರಿಂದ ಹಲವಾರು ಆರೋಗ್ಯ ಪ್ರಯೋಜನಗಳು ಮತ್ತು ಸೌಂದರ್ಯ ಉಪಯೋಗಗಳು ಸಿಗುತ್ತವೆ. ವಿಟಮಿನ್ ಮತ್ತು ಪ್ರೊಟೀನ್ ಅಂಶಗಳು ಕಡಲೇಬೀಜಗಳಲ್ಲಿ ಹೇರಳವಾಗಿ ಕಂಡುಬರುತ್ತವೆ. ನೀವು ಸಹ ಮನೆಯಲ್ಲಿ ಸುಲಭವಾಗಿ ಇದನ್ನು ತಯಾರು ಮಾಡಿಕೊಂಡು ತಿನ್ನಬಹುದು.

- Advertisement -

Related news

error: Content is protected !!