ನವದೆಹಲಿ: ಭಾರತ 2021ರಲ್ಲಿ ಶೇಕಡ 11.5ರಷ್ಟು ಪ್ರಗತಿ ಸಾಧಿಸುವ ಮೂಲಕ ಜಗತ್ತಿನಲ್ಲೇ ಎರಡಂಕಿಯ ಆರ್ಥಿಕತೆ ಪ್ರಗತಿ ಹೊಂದಿದ ದೇಶವಾಗಿ ಹೊರಹೊಮ್ಮಲಿದೆ ಎಂದು ಇಂಟರ್ನ್ಯಾಷನಲ್ ಮಾನಿಟರಿ ಫಂಡ್ಸ್(IMF) ಅಂದಾಜಿಸಿದೆ.
ನಂತರದ ಸ್ಥಾನದಲ್ಲಿ ಚೀನಾ ಇರಲಿದ್ದು ಅದು 8.1 ಪರ್ಸೆಂಟ್ ಪ್ರಗತಿ ಸಾಧಿಸಲಿದೆ. ಸ್ಪೇನ್ 5.9, ಫ್ರಾನ್ಸ್ 5.5 ಪರ್ಸೆಂಟ್ ಪ್ರಗತಿ ಸಾಧಿಸುವ ಮೂಲಕ ನಂತರದ ಸ್ಥಾನದಲ್ಲಿ ಇರಲಿವೆ ಎಂದಿದೆ. ಇನ್ನು 2020ರಲ್ಲಿ ಭಾರತ 8 ಪರ್ಸೆಂಟ್ ಆರ್ಥಿಕ ಪ್ರಗತಿ ಸಾಧಿಸಲಿದೆ ಎಂದು ಅಂದಾಜಿಸಲಾಗಿತ್ತು. ಆದರೆ ಚೀನಾ ಮಾತ್ರ 2.3 ಪರ್ಸೆಂಟ್ ಧನಾತ್ಮಕ ಪ್ರಗತಿ ಹೊಂದಿದೆ ಎಂದು ಐಎಮ್ಎಫ್ ಹೇಳಿದೆ.
ಮುಂದುವರೆದು 2022ರಲ್ಲಿ ಭಾರತ 6.8 ರಷ್ಟು ಪ್ರಗತಿ ಹೊಂದಲಿದೆ, ಚೀನಾ 5.6 ಪರ್ಸೆಂಟ್ ಪ್ರಗತಿ ಹೊಂದುವ ಸಾಧ್ಯತೆಗಳಿವೆ ಎಂದು ಐಎಮ್ಎಫ್ ಅಂದಾಜಿಸಿದೆ. ಈ ಕುರಿತು ಹೇಳಿಕೆ ನೀಡಿರುವ ಐಎಮ್ಎಫ್ನ ಎಮ್.ಡಿ. ಕ್ರಿಸ್ಟಲಿನ ಜಿಯೋರ್ಜಿವ, ಭಾರತ ಕೊರೊನಾ ಸೋಂಕಿನ ಸಮಯದಲ್ಲಿ ತನ್ನ ಆರ್ಥಿಕ ಪ್ರಗತಿಯನ್ನು ಕಾಪಾಡಿಕೊಳ್ಳಲು ಪ್ರಬುದ್ಧ ನಿರ್ಧಾರಗಳನ್ನು ತೆಗೆದುಕೊಂಡಿದೆ. ಬೆಳೆಯುತ್ತಿರುವ ಮಾರ್ಕೆಟ್ಗಳು ಶೇಕಡ 6 ರಷ್ಟು ಜಿಡಿಪಿಯನ್ನು ನೀಡಿವೆ. ಆದರೆ ಭಾರತದಲ್ಲಿ ಇದು ಸ್ವಲ್ಪ ಹೆಚ್ಚೇ ಇದೆ. ಭಾರತದ ಪಾಲಿಗೆ ಇದು ಒಳ್ಳೆಯದು ಎಂದಿದ್ದಾರೆ.