ಟೆಹ್ರಾನ್: ಅಮೆರಿಕದ ಪಡೆಗಳು ಇರಾನಿನ ಕ್ಷಿಪಣಿ ಮತ್ತು ಡ್ರೋನ್ ಸಂಗ್ರಹಣಾ ನೆಲೆಗಳು ಹಾಗೂ ಕರಾವಳಿ ರಾಡಾರ್ ನೆಲೆಗಳ ಮೇಲೆ ದಾಳಿ ನಡೆಸಿವೆ.
ಇರಾನಿನ ಪಡೆಗಳು ಕದನ ವಿರಾಮವನ್ನು ಸ್ಪಷ್ಟವಾಗಿ ಉಲ್ಲಂಘಿಸಿವೆ. ವಾಣಿಜ್ಯ ಸಾಗಣೆಯ ವಿರುದ್ಧ ಅನಗತ್ಯ ಆಕ್ರಮಣಕ್ಕೆ ಪ್ರತಿಕ್ರಿಯೆಯಾಗಿ ಈ ದಾಳಿಗಳು ನಡೆದಿವೆ ಎಂದು ಯುಎಸ್ ಸೆಂಟ್ರಲ್ ಕಮಾಂಡ್ ಹೇಳಿದೆ.
ಹಾರ್ಮುಜ್ ಜಲಸಂಧಿಯಲ್ಲಿ ಸಾಗುತ್ತಿದ್ದ ವಾಣಿಜ್ಯ ಹಡಗಿನ ಮೇಲೆ ನಿನ್ನೆ ನಡೆದ ದಾಳಿಗೆ ಪ್ರಬಲ ಪ್ರತಿಕ್ರಿಯೆ ಎಂದು ಯುಎಸ್ ತನ್ನ ಕಾರ್ಯಾಚರಣೆ ಬಗ್ಗೆ ವಿವರಿಸಿದೆ. ದಕ್ಷಿಣ ಬಂದರು ನಗರದ ತಹೆರೋಯೆ ಪಿಯರ್ನಲ್ಲಿ ಶುಕ್ರವಾರ ತಡರಾತ್ರಿ ಸ್ಫೋಟದ ಶಬ್ದ ಕೇಳಿಸಿದೆ ಎಂದು ಸಿರಿಕ್ನ ವರದಿಗಾರರನ್ನು ಉಲ್ಲೇಖಿಸಿ ಇರಾನ್ ದೂರದರ್ಶನ ತಿಳಿಸಿದೆ.
ಅನುಮತಿಯಿಲ್ಲದೆ ಹಾರ್ಮುಜ್ ಜಲಸಂಧಿಯ ಮೂಲಕ ಕೊಲ್ಲಿಯನ್ನು ಪ್ರವೇಶಿಸಬಾರದು ಅಥವಾ ಬಿಡಬಾರದು ಎಂದು ಇರಾನ್ ಹಡಗುಗಳಿಗೆ ಎಚ್ಚರಿಕೆ ನೀಡಿದೆ. ಆದರೆ, ಹಡಗುಗಳು ಚಲಿಸುತ್ತಲೇ ಇವೆ. ಕೆಲವು ಇರಾನ್ ಅನುಮತಿಸದ ಮಾರ್ಗವನ್ನು ಬಳಸುತ್ತಿವೆ.
ಗುರುವಾರ ಸಾಗಿದ 42 ಹಡಗುಗಳಲ್ಲಿ ಅರ್ಧದಷ್ಟು ಹಡಗುಗಳು ಒಮಾನ್ ಕರಾವಳಿಯಲ್ಲಿ ಅನುಮೋದಿಸದ ದಕ್ಷಿಣ ಮಾರ್ಗವನ್ನು ಬಳಸಿದವು ಎಂದು ಕೆಪ್ಲರ್ ಟ್ರ್ಯಾಕಿಂಗ್ ಪ್ಲಾಟ್ಫಾರ್ಮ್ ತಿಳಿಸಿರುವುದಾಗಿ ವರದಿ ಮೂಲಕ ತಿಳಿದುಬಂದಿದೆ.
