ಕಾಸರಗೋಡು:ಸೋಮವಾರ ಬೆಳಿಗ್ಗೆ ಶಾರ್ಜಾದ ಅಪಾರ್ಟ್ಮೆಂಟ್ ನ ಮೂರನೇ ಮಹಡಿಯಿಂದ ಬಿದ್ದು ಕಾಸರಗೋಡಿನ ಏಳು ವರ್ಷದ ಬಾಲಕಿ ದುರಂತ ಸಾವನ್ನಪ್ಪಿದ್ದ ಘಟನೆ ನಡೆದಿದೆ.
ಮೃತಳನ್ನು ಕಾಸರಗೋಡಿನ ಮೊಗ್ರಾಲ್ ನಿವಾಸಿಗಳಾದ ಮುಬಾರಕ್ ಅಲಿ ಮತ್ತು ಮುರ್ಷಿದಾ ದಂಪತಿಯ ಏಕೈಕ ಪುತ್ರಿ ಸಫಾ ಎಂದು ಗುರುತಿಸಲಾಗಿದೆ. ಸ್ಥಳೀಯ ಸಮಯ ಸುಮಾರು ಬೆಳಿಗ್ಗೆ 9:00 ಗಂಟೆಗೆ ಶಾರ್ಜಾದ ಅಲ್ ನಬ್ಬಾದಲ್ಲಿ ಈ ದುರಂತ ಸಂಭವಿಸಿದೆ.
ಆ ಬಾಲಕಿ ಫ್ಲಾಟ್ನ ಕೋಣೆಯೊಳಗೆ ಆಟವಾಡುತ್ತಿದ್ದಾಗ, ಅನಿರೀಕ್ಷಿತವಾಗಿ ತೆರೆದ ಕಿಟಕಿಯ ಬಳಿ ಕಾಲು ಹೋಗಿ ಕೆಳಗೆ ನೆಲಕ್ಕೆ ಬಿದ್ದಳು.ಈ ಭೀಕರ ಅವಘಡ ಸಮಯದಲ್ಲಿ, ಆಕೆಯ ತಾಯಿ ಕೆಲಸಕ್ಕೆ ಹೋಗಿದ್ದರು, ಆಕೆಯ ತಂದೆ ಮುಬಾರಕ್ ಅಲಿ ಮನೆಯಲ್ಲಿಯೇ ಇದ್ದರು. ತೀವ್ರವಾಗಿ ಗಾಯಗೊಂಡಿದ್ದ ಸಫಾಳನ್ನು ಹತ್ತಿರದ ಅಲ್ ಖಾಸಿಮಿ ಆಸ್ಪತ್ರೆಗೆ ಸಾಗಿಸಲಾಯಿತು, ಆದರೆ ದಾರಿ ಮಧ್ಯೆ ಮೃತಪಟ್ಟಿದ್ದಾರೆಂದು ವೈದ್ಯರು ತಿಳಿಸಿದರು.
ಎಂಟು ವರ್ಷಗಳಿಂದ ಶಾರ್ಜಾದಲ್ಲಿ ನೆಲೆಸಿರುವ ಸಫಾ ಕುಟುಂಬವು ತವರು ಕೇರಳಕ್ಕೆ ಬೇಸಿಗೆ ರಜೆ ಗೆ ಬಂದವರು ಭಾನುವಾರವಷ್ಟೇ ಗಲ್ಫ್ಗೆ ತೆರಳಿದ್ದರು. . ಸಫಾ ಸ್ಥಳೀಯ ಖಾಸಗಿ ಶಾಲೆಯಲ್ಲಿ 2 ನೇ ತರಗತಿ ವಿದ್ಯಾರ್ಥಿನಿಯಾಗಿದ್ದಳು.
ಮೃತದೇಹ ಆಸ್ಪತ್ರೆಯ ಶವಾಗಾರದಲ್ಲಿದ್ದು, ಶಾರ್ಜಾ ಪೊಲೀಸರು ಮೃತದೇಹ ಬಿದ್ದ ಘಟನೆಯ ಸುತ್ತಲಿನ ಸನ್ನಿವೇಶಗಳ ಬಗ್ಗೆ ಔಪಚಾರಿಕ ತನಿಖೆ ನಡೆಸುತ್ತಿದ್ದಾರೆ ಎಂದು ತಿಳಿದು ಬಂದಿದೆ.
