ಇತ್ತೀಚೆಗಷ್ಟೆ ಕೊರೊನಾ ಲಾಕ್ಡೌನ್ನಿಂದ ಸುಧಾರಿಸಿಕೊಳ್ಳುತ್ತಿರುವ ಸಾರ್ವಜನಿಕರಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ ಶಾಕ್ ನೀಡಿದೆ.
ಮುಂದಿನ ದಿನಗಳಲ್ಲಿ ಬಳಕೆದಾರ ತನ್ನ ಬ್ಯಾಂಕ್ನಲ್ಲಿ ಅಲ್ಲದೇ ಇತರೆ ಬ್ಯಾಂಕ್ನಲ್ಲಿ ಎಟಿಎಂ ಮೂಲಕ ಹಣ ಡ್ರಾ ಮಾಡಿದರೆ ಹೆಚ್ಚಿನ ಶುಲ್ಕ ಪಾವತಿಸಬೇಕಾಗುತ್ತದೆ.
ಬೇರೆ ಬ್ಯಾಂಕುಗಳ ಎಟಿಎಂನಲ್ಲಿ ಹಣ ವಿತ್ಡ್ರಾ ಮಾಡುವಾಗ ಚಾರ್ಜ್ ಮಾಡುವ ಶುಲ್ಕವನ್ನು ಹೆಚ್ಚಿಸಿ ಆದೇಶಿಸಿದೆ. ಈ ನಿಯಮವೂ ಆಗಸ್ಟ್ 1ರಿಂದಲೇ ಜಾರಿಯಾಗಲಿದೆ.
ಒಂದು ತಿಂಗಳಿಗೆ ನಿಮ್ಮ ಬ್ಯಾಂಕ್ ಅಲ್ಲದೇ ಬೇರೆ ಬ್ಯಾಂಕ್ನಲ್ಲಿ ಎಟಿಎಂ ಮೂಲಕ 5 ಬಾರಿ ಮಾತ್ರ ಹಣ ಡ್ರಾ ಮಾಡಬಹುದು ಎಂಬುದು ಸದ್ಯಕ್ಕಿರುವ ಆರ್ಬಿಐ ನಿಯಮ.
ಆರನೇ ಬಾರಿಗೆ ಡ್ರಾ ಮಾಡಿದರೆ 20 ರೂಪಾಯಿ ಚಾರ್ಜ್ ಮಾಡಲಾಗುತ್ತಿತ್ತು. ಆದರೀಗ, ಹೊಸ ನಿಯಮದ ಪ್ರಕಾರ ಈ ಶುಲ್ಕವನ್ನು 21 ರೂಪಾಯಿಗೆ ಏರಿಸಲಾಗಿದೆ.
ಇನ್ನು, ಆರ್ಬಿಐ ಹಣಕಾಸೇತರ ಶುಲ್ಕವನ್ನು 5 ರೂಪಾಯಿಗಳಿಂದ 6 ರೂಪಾಯಿಗಳಿಗೆ ಹೆಚ್ಚಿಸಲಾಗಿದೆ. ಹಾಗೆಯೇ 16 ರೂಪಾಯಿ ಇದ್ದ ಇಂಟರ್ಚೇಂಜ್ ಶುಲ್ಕವನ್ನು 17 ರೂಪಾಯಿಗೆ ಏರಿಸಿದೆ. ಈ ಪರಿಷ್ಕೃತ ಶುಲ್ಕ ಮುಂದಿನ ತಿಂಗಳಿನಿಂದ ಜಾರಿಗೆ ಬರಲಿದೆ.
