ಚೆನ್ನೈ: 2018 ಚೆಕ್ಬೌನ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಖ್ಯಾತ ನಟ ಹಾಗೂ ಸಂಸದ ಶರತ್ ಕುಮಾರ್ ಹಾಗೂ ಅವರ ಪತ್ನಿ ರಾಧಿಕಾಗೆ ಚೆನ್ನೈನ ವಿಶೇಷ ನ್ಯಾಯಾಲಯವು ಒಂದು ವರ್ಷ ಜೈಲು ಶಿಕ್ಷೆಯನ್ನ ವಿಧಿಸಿದೆ. ಜೊತೆಗೆ 5 ಕೋಟಿ ರೂಪಾಯಿ ದಂಡವನ್ನೂ ಕೋರ್ಟ್ ವಿಧಿಸಿದೆ.
ಶರತ್ ಕುಮಾರ್ ಮತ್ತು ರಾಧಿಕಾ ಪಾಲುದಾರಿಕೆಯಲ್ಲಿ ಮ್ಯಾಜಿಕ್ ಫ್ರೇಂ ಸಂಸ್ಥೆಯು 2014ರಲ್ಲಿ ವಿಕ್ರಂ ಪ್ರಭು ಮತ್ತು ಕೀರ್ತಿ ಸುರೇಶ್ ನಟನೆಯಲ್ಲಿ ‘ವಾಟ್ ಎ ಮ್ಯಾಜಿಕ್’ ಚಿತ್ರ ನಿರ್ಮಾಣಕ್ಕೆ ಮುಂದಾಗಿದ್ದರು.
ರೆಡಿಯನ್ಸ್ ಮೀಡಿಯಾ ಲಿಮಿಟೆಡ್ ಫೈನಾನ್ಸ್ ಕಂಪನಿಯಿಂದ 1.5 ಕೋಟಿ ರೂಪಾಯಿ ಹಣವನ್ನ ಸಾಲವಾಗಿ ಪಡೆದಿರುವ ಆರೋಪ ಕೇಳಿ ಬಂದಿತ್ತು. ರಾಧಿಕಾ, ಶರತ್ ಕುಮಾರ್ ಹಾಗೂ ನಿರ್ಮಾಪಕ ಲಿಸ್ಟಿನ್ ಸ್ಟೇಪನ್ನ ‘ಮ್ಯಾಝಿಕ್ ಪ್ರೇಮ್ಸ್’ ಸಂಸ್ಥೆಗಾಗಿ ಸಾಲ ಪಡೆದಿದ್ದರು.
ಬಳಿಕ ಮತ್ತೆ ಶರತ್ ಕುಮಾರ್ ಮ್ಯಾಜಿಕ್ ಪ್ರೇಮ್ಸ್ ಸಂಸ್ಥೆಗಾಗಿ 50 ಲಕ್ಷ ಹಣವನ್ನ ಮತ್ತೆ ಪಡೆದಿದ್ದರು. ನಂತರ 10 ಲಕ್ಷದಂತೆ ಐದು ಚೆಕ್ಗಳನ್ನ ನೀಡಿ ಹಣವನ್ನ ಹಿಂತಿರುಗಿಸಿದ್ದರು. ಈ ಚೆಕ್ಗಳು ಬೌನ್ಸ್ ಆಗಿತ್ತು. ಈ ಹಿನ್ನೆಲೆಯಲ್ಲಿ ರೇಡಿಯನ್ಸ್ ಸಂಸ್ಥೆ ಕೋರ್ಟ್ ಮೊರೆ ಹೋಗಿತ್ತು.
ಕೋರ್ಟ್ ವಿಚಾರಣೆ ವೇಳೆ ರೇಡಿಯನ್ಸ್ ಸಂಸ್ಥೆ ಜಾಸ್ತಿ ಬಡ್ಡಿ ವಿಧಿಸುತ್ತಿರೋದ್ರಿಂದ ಹಣವನ್ನ ಈ ಕೂಡಲೇ ಮರುಪಾವತಿ ಮಾಡಲು ಸಾಧ್ಯವಿಲ್ಲ ಎಂದು ಹೇಳಿತ್ತು. ಇದಾದ ಬಳಿಕ ಮತ್ತೆ ಸಾಲ ಮರುಪಾವತಿಗಾಗಿ ಮ್ಯಾಜಿಕ್ ಪ್ರೇಮ್ಸ್ ಚೆಕ್ ನೀಡಿತ್ತು. ಈ ಚೆಕ್ ಕೂಡ ಬೌನ್ಸ್ ಆಗಿತ್ತು ಎನ್ನಲಾಗಿತ್ತು.
ಇನ್ನು ಈ ದಂಪತಿ ತಮ್ಮ ವಿರುದ್ಧ ದಾಖಲಾಗಿರುವ ಕ್ರಿಮಿನಲ್ ಪ್ರಕರಣವನ್ನ ರದ್ದುಮಾಡುವಂತೆ ಕೋರಿ ಮದ್ರಾಸ್ ಹೈಕೋರ್ಟ್ ಮೊರೆ ಹೋಗಿದ್ದರು. ವಿಚಾರಣೆ ನಡೆಸಿದ ಹೈಕೋರ್ಟ್ ರದ್ದು ಮಾಡಲು ನಿರಾಕರಿಸಿ ಪ್ರಕರಣವನ್ನ ಜನಪ್ರತಿನಿಧಿಗಳ ನ್ಯಾಯಾಲಯಕ್ಕೆ ವರ್ಗಾವಣೆ ಮಾಡಿತ್ತು.
