- Advertisement -
- Advertisement -
ಮುಂಬೈ: ಮಹಿಳೆಯೊಬ್ಬರು ಆನ್ಲೈನ್ ಪೇಮೆಂಟ್ನ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಲು ಕಸ್ಟಮರ್ ಕೇರ್ ಮೊರೆ ಹೋಗಿ ಬರೋಬ್ಬರಿ 52,260 ರೂಪಾಯಿ ಕಳೆದುಕೊಂಡಿದ್ದಾರೆ.
ಮುಂಬೈನ ಟಾರ್ಡಿಯೋ ನಗರದ ಮಹಿಳೆ ಕ್ಯಾಬ್ ಬುಕ್ ಮಾಡುವಾಗ ಆನ್ಲೈನ್ ಪೇಮೆಂಟ್ನ ಸಮಸ್ಯೆ ಎದುರಿಸಿದ್ದರು. ಹೀಗಾಗಿ ಅವರು ಜಸ್ಟ್ ಡಯಲ್ನಲ್ಲಿ ಕಸ್ಟಮರ್ ಕೇರ್ ನಂಬರ್ ಪಡೆದು ಕರೆ ಮಾಡಿದ್ದಾರೆ.
ಈ ವೇಳೆ ಕರೆ ಸ್ವೀಕರಿಸಿದ ಸೈಬರ್ ವಂಚಕರು ಕ್ವಿಕ್ ಸಪೋರ್ಟ್ ಆ್ಯಪ್ ಡೌನಲೋಡ್ ಮಾಡಿಕೊಳ್ಳಲು ಹೇಳಿದ್ದಾರೆ. ಬಳಿಕ ಬ್ಯಾಂಕ್ ಡೀಟೈಲ್ಸ್ ನಮೂದಿಸುವಂತೆ ತಿಳಿಸಿದ್ದಾರೆ. ವಂಚಕರ ಮಾತು ನಂಬಿದ ಮಹಿಳೆ ಎಲ್ಲಾ ವಿವರಗಳನ್ನು ನೀಡಿದ್ದಾರೆ. ತಕ್ಷಣ ಮಹಿಳೆಯ ಅಕೌಂಟ್ನಲ್ಲಿದ್ದ ₹ 52,260 ಕಟ್ ಆಗಿದೆ.
ತಾನು ಸೈಬರ್ ವಂಚಕರಿಂದ ಮೋಸ ಹೋಗಿರುವುದು ಅರಿತ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದು, ಈ ಬಗ್ಗೆ ದೂರು ದಾಖಲಾಗಿದೆ
- Advertisement -