ಗದಗ ಕ್ರಿಕೆಟ್​​ ಬೆಟ್ಟಿಂಗ್​ – ಬುಕ್ಕಿಗಳು ಪೊಲೀಸರ ವಶಕ್ಕೆ

ಗದಗ: ಗದಗ ದಲ್ಲಿ ಕ್ರಿಕೆಟ್​​ ಬೆಟ್ಟಿಂಗ್​ ದಂಧೆಯಲ್ಲಿ ತೊಡಗಿದ್ದ ಬುಕ್ಕಿಗಳನ್ನು ಶಹರ ಠಾಣೆ ಪೊಲೀಸರು ವಿಶೇಷ ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದಾರೆ.

ನಗರದ ಕಳಸಾಪೂರ ರಸ್ತೆಯ ರಿಂಗ್ ರೋಡ್ ಬಳಿ ಇರುವ ಬಾಲಾಜಿ ನಗರದಲ್ಲಿ ಬೆಟ್ಟಿಂಗ್ ದಂಧೆ ನಡೆಯುತ್ತಿರುವ ಬಗ್ಗೆ ಖಚಿತ ಮಾಹಿತಿ ಪಡೆದ ಸಿಪಿಐ ಪಿ. ವಿ. ಸಾಲಿಮಠ ಮತ್ತು ತಂಡ ಬುಕ್ಕಿಂಗ್​ ಅಡ್ಡೆಯ ಮೇಲೆ ದಾಳಿ ನಡೆಸಿದೆ. ಈ ವೇಳೆ ಪ್ರಮುಖ ಬುಕ್ಕಿ ಶ್ರೀನಿವಾಸ್, ಅಲ್ತಾಫ್, ಸಾಗರ, ವಿನಾಯಕ, ಪ್ರಕಾಶ್ ಎಂಬ ಐವರು ಆರೋಪಿಗಳನ್ನು ಬಂಧಿಸಲಾಗಿದ್ದು, ಬಂಧಿತರಿಂದ 1 ಲಕ್ಷ 55 ಸಾವಿರ ನಗದು ಹಾಗೂ 6 ಮೊಬೈಲ್​ಗಳನ್ನವಶಪಡಿಸಿಕೊಳ್ಳಲಾಗಿದೆ.

ಬಂಧಿತ ಆರೋಪಿಗಳ ಹಿಂದೆ ದೊಡ್ಡ ಬೆಟ್ಟಿಂಗ್​ ಜಾಲವೇ ಇರುವ ಶಂಕೆ ವ್ಯಕ್ತವಾಗಿದ್ದು, ಬಂಧಿತರಿಂದ ಹೆಚ್ಚಿನ ಮಾಹಿತಿ ಕಲೆ ಹಾಕಲಾಗುತ್ತಿದೆ. ಈ ಸಂಬಂಧ ಗದಗ ಶಹರ ಪೊಲೀಸ್​​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.