ವಾರಣಾಸಿಯ ಜಯಾ ಎಂಬ ಶ್ವಾನಕ್ಕೆ ಮನಸೋತ ನೆದರ್ಲ್ಯಾಂಡ್ ಮೂಲದ ಮಹಿಳೆಯೊಬ್ಬರು ಅದನ್ನು ದತ್ತು ಪಡೆದು ವೀಸಾ, ಪಾಸ್ಪೋರ್ಟ್ ಮಾಡಿಸಿ ವಿದೇಶಕ್ಕೆ ಕರೆದೊಯ್ಯಲು ಮುಂದಾಗಿದ್ದಾರೆ.
ಮೆರಲ್ ಬೊಂಟೆನ್ಬೆಲ್ ಎಂಬ ಆ್ಯಮ್ಸ್ಟರ್ಡ್ಯಾಂನ ಮಹಿಳೆ ವಾರಣಾಸಿಗೆ ಭೇಟಿ ನೀಡಿದಾಗ ಜಯಾ ಎಂಬ ಶ್ವಾನವನ್ನು ಕಂಡು ಅದರೊಂದಿಗೆ ನಿತ್ಯವೂ ಮಾತನಾಡುತ್ತಾ ಆಹಾರ ನೀಡಿದ್ದಾರೆ. ಹೀಗೆ ವಾರಣಾಸಿಯಲ್ಲಿ ಇದ್ದಷ್ಟು ದಿನ ಶ್ವಾನದ ಜೊತೆಗೆ ಮಹಿಳೆಗೆ ಆತ್ಮೀಯತೆ ಬೆಳೆದಿದೆ. ಕೊನೆಗೆ ಈ ಬೀದಿ ಶ್ವಾನವನ್ನು ಮೆರೆಲ್ ತನ್ನೂರಿಗೆ ಕರೆದುಕೊಂಡು ಹೋಗಬೇಕೆಂದು ಮನಸ್ಸಾಗಿದೆ. ಅದಕ್ಕಾಗಿ ಏರ್ಪಾಡು ಕೂಡ ಮಾಡಿದ್ದಾರೆ.
ಜಯಾಳಿಗೋಸ್ಕರ ಮೆರೆಲ್ ಸ್ಥಳೀಯಾಡಳಿತ ಜೊತೆಗೆ ಮಾತನಾಡಿ, ಅದಕ್ಕಾಗಿ ಪ್ರಮಾಣ ಪತ್ರ ರಚಿಸಿ ಅನುಮತಿ ಪಡೆದಿದ್ದಾರೆ. ನಾಯಿಯನ್ನ ದತ್ತು ಪಡೆಯುವ ಮೂಲಕ ವಿದೇಶಕ್ಕೆ ಕರೆದೊಯ್ಯಲು ಎಲ್ಲಾ ದಾಖಲೆಗಳನ್ನು ರೆಡಿ ಮಾಡಿಕೊಂಡಿದ್ದಾರೆ. ಜೊತೆಗೆ ನೆದರ್ಲೆಂಡ್ನಿಂದಲೂ ಜಯಾಳಿಗಾಗಿ ವೀಸಾ ತರಿಸಿಕೊಂಡಿದ್ದಾರೆ.
ಆರು ತಿಂಗಳ ಸತತ ಪ್ರಯತ್ನದಿಂದ ಜಯಾಳನ್ನು ತಮ್ಮ ಮನೆಯ ಸದಸ್ಯರಲ್ಲಿ ಒಬ್ಬರನ್ನಾಗಿ ಮಾಡಿಕೊಂಡಿದ್ದಾರೆ.
