- Advertisement -
- Advertisement -
ಚೆನ್ನೈ: ತಮಿಳುನಾಡಿನಲ್ಲಿ ಮುಂದಿನ ವರ್ಷ ನಡೆಯುವ ವಿಧಾನಸಭಾ ಚುನಾವಣೆಗೆ ನಟ ಕಮಲ್ ಹಾಸನ್ ಅವರ ಪಕ್ಷ ಭರದ ಸಿದ್ಧತೆಯನ್ನ ಮಾಡಿಕೊಳ್ಳುತ್ತಿದೆ. ಚುನಾವಣೆಗೆ ತಮ್ಮ ಮಕ್ಕಳ್ ನೀದಿ ಮೈಯ್ಯಂ(MNM) ಪಕ್ಷಕ್ಕೆ ಟಾರ್ಚ್ ಬ್ಯಾಟರಿ ಚಿಹ್ನೆಯಾಗಿ ಪಡೆಯಲು ಕಮಲ್ ಹಾಸನ್ ಮದ್ರಾಸ್ ಹೈಕೋರ್ಟ್ ಮೊರೆ ಹೋಗಿದ್ದಾರೆ.
ಟಾರ್ಚ್ ಬ್ಯಾಟರಿಯನ್ನ MNM ನಮಗೆ ನೀಡಬೇಕು. ಹಾಗೇ MGR ಮಕ್ಕಳ್ ಕಚ್ಚಿ ಪಕ್ಷ ಈ ಚೆಹ್ನೆಯನ್ನ ಬಳಸದಂತೆ ತಡೆಯಲು ಚುನಾವಣಾ ಆಯೋಗಕ್ಕೆ ನಿರ್ದೇಶನ ನೀಡಬೇಕೆಂದು ಕೋರಿ ಕಮಲ್ ಹಾಸನ್ ಅವರ ಪಕ್ಷ ರಿಟ್ ಅರ್ಜಿ ಸಲ್ಲಿಸಿದೆ.
ತಮಿಳುನಾಡಿನ ಎಲ್ಲಾ 234 ವಿಧಾನಸಭಾ ಕ್ಷೇತ್ರಗಳಿಗೂ ಎಂಜಿಆರ್ ಮಕ್ಕಳ್ ಕಚ್ಚಿ ಪಕ್ಷಕ್ಕೆ ಟಾರ್ಚ್ ಚಿಹ್ನೆ ಸಿಕ್ಕಿದೆ. ಈ ಹಿನ್ನೆಲೆ ಕಮಲ್ ಹಾಸನ್, ಟಾರ್ಚ್ ಚಿಹ್ನೆಯನ್ನ ತಮ್ಮದಾಗಿಸಿಕೊಳ್ಳಲು ಹೈಕೋರ್ಟ್ ಮೊರೆ ಹೋಗಿದ್ದಾರೆ.
- Advertisement -