ದೆಹಲಿ(ನ.14): ಹಿಂದಿಯ ಪ್ರಸಿದ್ಧ ರಿಯಾಲಿಟಿ ಶೋಗಳಲ್ಲಿ ಒಂದಾದ ಕೌನ್ ಬನೇಗಾ ಕರೋಡ್ಪತಿಯಲ್ಲಿ ಐಪಿಎಸ್ ಆಫೀಸರ್ ಮೋಹಿತ ಶರ್ಮಾ ಎಂಬವರು ಒಂದು ಕೋಟಿ ರೂಪಾಯಿ ಬಹುಮಾನ ಗಳಿಸಿದ್ದಾರೆ.12ನೇ ಆವೃತ್ತಿಯ ಕೌನ್ ಬನೇಗಾ ಕರೋಡ್ಪತಿಯಲ್ಲಿ ಕೋಟಿ ಗಳಿಸಿದ ಎರಡನೇ ಕಂಟೆಸ್ಟೆಂಟ್ ಇವರಾಗಿದ್ದಾರೆ.
ಈ ಮೊದಲು ಶೋನಲ್ಲಿ ಕೋಟಿ ಗಳಿಸಿದ್ದವರು ದೆಹಲಿಯ ನಾಝಿಯಾ ನಸೀಂ. ಐಪಿಎಸ್ ಅಧಿಕಾರಿ ಮೋಹಿತ ಶರ್ಮಾ ಕೂಡ ಈಗ ಕೋಟಿ ಬಹುಮಾನ ಗಳಿಸುವ ಮೂಲಕ ಇವರಿಬ್ಬರೂ 12ನೇ ಸೀಜನ್ನಲ್ಲಿ ಅತೀ ದೊಡ್ಡ ಮೊತ್ತದ ಬಹುಮಾನ ಗಳಿಸಿದ ಮಹಿಳೆಯರು ಎನಿಸಿಕೊಂಡಿದ್ದಾರೆ.ಮೋಹಿತ ಎಲ್ಲಾ ಪ್ರಶ್ನೆಗಳಿಗೆ ಸರಿಯಾದ ಉತ್ತರ ನೀಡಿ ಒಂದು ಕೋಟಿ ಬಹುಮಾನ ತಮ್ಮದಾಗಿಸಿಕೊಳ್ಳುವುದನ್ನ ಕಾರ್ಯಕ್ರಮದ ಪ್ರೋಮೋದಲ್ಲಿ ತೋರಿಸಲಾಗಿದೆ.
ಮೋಹಿತ ಅವರು ಪ್ರಶ್ನೆಗಳಿಗೆ ಉತ್ತರಿಸುವ ಸಂಚಿಕೆ ನವೆಂಬರ್ 17ಕ್ಕೆ ಪ್ರಸಾರವಾಗಲಿದೆ. ಹಾಗೇ ಮೋಹಿತ ಅವರು 7 ಕೋಟಿ ರೂಪಾಯಿ ಮೊತ್ತದ ಜಾಕ್ಪಾಟ್ ಪ್ರಶ್ನೆಯನ್ನ ಕೂಡ ಎದುರಿಸಿದ್ದಾರೆ. ಆದ್ರೆ ಇದ್ರಲ್ಲಿ ಅವರು ವಿಜೇತರಾಗ್ತಾರಾ ಇಲ್ವಾ ಅನ್ನೋದನ್ನ ನವೆಂಬರ್ 17ರ ಸಂಚಿಕೆಯಲ್ಲಿ ಕಾದುನೋಡಬೇಕಿದೆ.
