ಕಾಸರಗೋಡು: ಬಾವಿಗೆ ಬಿದ್ದು ಮೃತಪಟ್ಟ 10 ವರ್ಷದ ಬಾಲಕ

- Advertisement -

ಕಾಸರಗೋಡು: ಹತ್ತು ವರ್ಷದ ಬಾಲಕ ಬಾವಿಗೆ ಬಿದ್ದು ಸಾವನ್ನಪ್ಪಿದ ಘಟನೆ ನಡೆದಿದೆ. ರಾಜಪುರಕ್ಕೆ ಸಮೀಪದ ಚಾಮುಂಡಿ ಕುನ್ನಿನ ಪ್ರಭಾಕರನ್ – ವಿನಿತಾ ದಂಪತಿ ಪುತ್ರ ಅರ್ಜುನ್ ಪ್ರಭಾಕರನ್ (10) ಸಾವನ್ನಪ್ಪಿದ ಬಾಲಕ.

ಈತ ತಾಯಿಯ ತವರು ಮನೆಗೆ ಬಂದಿದ್ದನು. ಮನೆ ಪಕ್ಕದ ಕಟ್ಟೆ ಇಲ್ಲದ ಬಾವಿಗೆ ಕಾಲು ಜಾರಿ ಬಿದ್ದಿದ್ದಾನೆ. ಆದರೆ ಈ ಅವಘಡ ಯಾರ ಗಮನಕ್ಕೂ ಬಂದಿರಲಿಲ್ಲ. ತಡವಾದರೂ ಬಾಲಕ ಮನೆಗೆ ಬಾರದಿರುವುದನ್ನು ಗಮನಿಸಿದ ಮನೆಯವರು ಹುಡುಕಾಟ ನಡೆಸಿದ್ದಾರೆ.

ಈ ವೇಳೆ ಅರ್ಜುನ್ ಬಾವಿಯಲ್ಲಿರುವುದು ತಿಳಿದುಬಂದಿದೆ. ತಕ್ಷಣ ಆತನನ್ನು ಮೇಲಕ್ಕೆತ್ತಿ ಜಿಲ್ಲಾ ಸರಕಾರಿ ಆಸ್ಪತ್ರೆಗೆ ಸಾಗಿಸಿದರೂ ಪ್ರಾಣ ಉಳಿಸಲು ಸಾಧ್ಯವಾಗಲಿಲ್ಲ. ಪೋಷಕರ ಆಕ್ರಂದನ ಮುಗಿಲು ಮುಟ್ಟಿದೆ.