ವಾಷಿಂಗ್ಟನ್: 1970ರ ಬಳಿಕ ಇದೇ ಮೊದಲ ಬಾರಿಗೆ ಅಮೆರಿಕಾದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ 18 ಗಗನಯಾತ್ರಿಗಳನ್ನ ಚಂದ್ರನ ಅಂಗಳಕ್ಕೆ ಕಳಿಸುತ್ತಿದೆ. ನಾಸಾದ ಆರ್ಟೆಮಿಸ್ ಯೋಜನೆಯಡಿ ಚಂದ್ರಯಾನಕ್ಕಾಗಿ 9 ಮಹಿಳಾ ಗಗನಯಾತ್ರಿಗಳು ಹಾಗೂ 9 ಪುರುಷ ಗಗನಯಾತ್ರಿಗಳನ್ನ ಆಯ್ಕೆ ಮಾಡಿದೆ. ಅವರಲ್ಲಿ ಒಬ್ಬರು ಭಾರತ ಮೂಲದ ಆಸ್ಟ್ರಾನಾಟ್ ರಾಜಾಚಾರಿ.
It is part of the human spirit to explore.
— NASA (@NASA) December 9, 2020
Today, we’d like to introduce you to our @NASAArtemis team — the initial team of @NASA_Astronauts who will help pave the way for our next human missions on and around the Moon: https://t.co/AiXfUyP6zl pic.twitter.com/LMJ0nNlE2N
ಈ ವರ್ಷ ಜನವರಿಯಲ್ಲಿ 2 ವರ್ಷಗಳ ಆರಂಭಿಕ ಗಗನಯಾತ್ರಿ ತರಬೇತಿ ಪೂರೈಸಿದ 11 ನಾಸಾ ಪದವೀಧರರ ಪೈಕಿ ರಾಜಾಚಾರಿ ಕೂಡ ಒಬ್ಬರಾಗಿದ್ದಾರೆ. 2017ರಲ್ಲಿ ನಾಸಾ ತನ್ನ ಆರ್ಟಿಮಿಸ್ ಯೋಜನೆ ಘೋಷಣೆ ಮಾಡಿದ ಬಳಿಕ 18,000 ಅರ್ಜಿದಾರರ ಪೈಕಿ ಇವರನ್ನ ತರಬೇತಿಗೆ ಆಯ್ಕೆ ಮಾಡಿಕೊಳ್ಳಲಾಗಿತ್ತು. 41 ವರ್ಷದ ರಾಜಾಚಾರಿ ಅವರನ್ನ 2017ರ ಆಸ್ಟ್ರನಾಟ್ ಕ್ಯಾಂಡಿಡೇಟ್ ಕ್ಲಾಸ್ಗೆ ನಾಸಾ ಆಯ್ಕೆ ಮಾಡಿತ್ತು. 2017ರ ಆಗಸ್ಟ್ನಲ್ಲಿ ಕರ್ತವ್ಯಕ್ಕೆ ಸೇರ್ಪಡೆಯಾದ ಅವರು, ಆರಂಭಿಕ ಆಸ್ಟ್ರನಾಟ್ ಕ್ಯಾಂಡಿಡೇಟ್ ತರಬೇತಿ ಮುಗಿಸಿದ್ದು, ಈಗ ಬಾಹ್ಯಾಕಾಶಯಾನದ ಭಾಗವಾಗಲು ಅಣಿಯಾಗಿದ್ದಾರೆ.
