ಒಲಿಂಪಿಕ್ಸ್​ನಲ್ಲಿ ಬೆಳ್ಳಿಗೆದ್ದ ಮೀರಾಬಾಯಿ ಚಾನುಗೆ ಪ್ರಧಾನಿ ಮೋದಿ ಶ್ಲಾಘನೆ

ನವದೆಹಲಿ: ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಭಾರತಕ್ಕೆ ಮೊದಲಪದಕ ಬಂದಿದೆ. ಒಲಂಪಿಕ್ಸ್​​ನಲ್ಲಿ ಮಹಿಳಾ ವೇಯ್ಟ್ ​ಲಿಫ್ಟಿಂಗ್​​ನಲ್ಲಿ ಮೀರಾಬಾಯಿ ಚಾನು ಬೆಳ್ಳಿ ಪದಕ ಗೆದ್ದಿದ್ದಾರೆ.

ಈ ಹಿನ್ನೆಲೆ ಪ್ರಧಾನಿ ಟ್ವೀಟ್ ಮಾಡುವ ಮೂಲಕ ಮೀರಾಬಾಯಿ ಚಾನು ಅವರಿಗೆ ಶುಭಾಶಯ ಹೇಳಿದ್ದಾರೆ. ಟೋಕಿಯೋ 2020 ಪ್ರಾರಂಭಿಸಲು ಇದಕ್ಕಿಂತ ಖುಷಿಯಾದ ಪ್ರಾರಂಭ ಇನ್ನೇನು ಬೇಕು..? ಮೀರಾಬಾಯಿ ಚಾನು ಅವರ ಅತ್ಯದ್ಭುತ ಆಟದಿಂದ ಭಾರತ ಉಲ್ಲಸಿತಗೊಂಡಿದೆ.

ವೇಯ್ಟ್ ಲಿಫ್ಟಿಂಗ್​ನಲ್ಲಿ ಬೆಳ್ಳಿ ಗೆದ್ದ ಅವರಿಗೆ ಶುಭಾಶಯಗಳು.. ಅವರ ಗೆಲುವು ಎಲ್ಲರನ್ನೂ ಉತ್ತೇಜಿಸುತ್ತದೆ ಎಂದಿದ್ದಾರೆ.