ನೀವು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ ಖಾತೆಯನ್ನು ಹೊಂದಿದ್ದರೆ, ಈ ಸುದ್ದಿ ನಿಮಗೆ ತುಂಬಾ ಮುಖ್ಯವಾಗಿದೆ. ಯಾಕಂದ್ರೆ, ಬ್ಯಾಂಕ್ ಅನೇಕ ಖಾತೆಗಳನ್ನ ಮುಚ್ಚಿದೆ. ಈಗ ಈ ಗ್ರಾಹಕರು ಯಾವುದೇ ರೀತಿಯ ವಹಿವಾಟು ಮಾಡಲು ಸಾಧ್ಯವಾಗುವುದಿಲ್ಲ ಎನ್ನಲಾಗಿದೆ.
ವಾಸ್ತವವಾಗಿ, ಬ್ಯಾಂಕ್‌ನ ಈ ಕ್ರಮಕ್ಕೆ ಕಾರಣ KYC.?, ಕೆವೈಸಿ ಪ್ರಕ್ರಿಯೆ ಪೂರ್ಣಗೊಳಿಸದ ಗ್ರಾಹಕರ ಖಾತೆಗಳನ್ನ ಬ್ಯಾಂಕ್ ಕ್ಲೋಸ್‌ ಮಾಡಿದೆ. ಈ ಕುರಿತು ಹಲವರು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದಾರೆ.
ಗ್ರಾಹಕರ ದೂರುಗಳು.?
ಬ್ಯಾಂಕ್ʼನವರು ಪೂರ್ವ ಮಾಹಿತಿ ನೀಡದೇ ಬ್ಯಾಂಕ್ ಖಾತೆಯನ್ನು ಮುಚ್ಚಿದ್ದಾರೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ಗ್ರಾಹಕರು ಬ್ಯಾಂಕ್ʼಗೆ ದೂರು ನೀಡುತ್ತಿದ್ದಾರೆ. ಈ ನಿಯಮವನ್ನು ಜಾರಿಗೆ ತರಲು ಆಯ್ಕೆ ಮಾಡಿದ ಸಮಯ ಗ್ರಾಹಕರಿಗೆ ಸರಿಹೊಂದುವುದಿಲ್ಲ ಎಂದು ಕೆಲವರು ಹೇಳುತ್ತಿದ್ದಾರೆ. ಇನ್ನು ಹೆಚ್ಚಿನ ಜನರಿಗೆ ಇದು ಸಂಬಳದ ಸಮಯವಾಗಿದ್ದು, ಅಂತಹ ಪರಿಸ್ಥಿತಿಯಲ್ಲಿ ಜನರು ಖಾತೆಯನ್ನು ಮುಚ್ಚುವುದರಿಂದ ಹಣವನ್ನು ಹಿಂಪಡೆಯಲು ಸಾಧ್ಯವಾಗುತ್ತಿಲ್ಲ. ಬ್ಯಾಂಕ್‌ನಿಂದ ಮುಂಚಿತವಾಗಿ ಮಾಹಿತಿ ನೀಡದ ಕಾರಣ ಹೆಚ್ಚಿನ ಗ್ರಾಹಕರು ಇದೇ ಸಮಸ್ಯೆ ಎದುರಿಸುತ್ತಿದ್ದಾರೆ.
ಆದ್ರೆ, ಈ ಬಗ್ಗೆ ಈಗಾಗಲೇ ಗ್ರಾಹಕರಿಗೆ ಮಾಹಿತಿ ನೀಡಲಾಗಿದೆ ಎಂದು ಬ್ಯಾಂಕ್ ನ ಹಿರಿಯ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ. ಈ ಹಿಂದೆ ಗ್ರಾಹಕರಿಗೆ ಪತ್ರಗಳನ್ನೂ ಕಳುಹಿಸಲಾಗಿತ್ತು. KYC ಮಾಡುವಂತೆ ಬ್ಯಾಂಕ್‌ನಿಂದ ಪದೇ ಪದೇ ಮನವಿ ಮಾಡಲಾಗುತ್ತಿದೆ. ಆದಾಗ್ಯೂ, ಕೆಲವು ಮಾಧ್ಯಮ ವರದಿಗಳ ಪ್ರಕಾರ, SBIನ ಲಾಗಿನ್ ಪೋರ್ಟಲ್ KYC ನವೀಕರಣಗಳಲ್ಲಿ ಗ್ರಾಹಕರಿಗೆ ಯಾವುದೇ ಸಾಮಾನ್ಯ ಮಾಹಿತಿ ಅಥವಾ ಎಚ್ಚರಿಕೆಗಳನ್ನು ತೋರಿಸುತ್ತಿಲ್ಲ. ಗ್ರಾಹಕರು ಎಟಿಎಂ ಅಥವಾ ಆನ್‌ಲೈನ್ ವಹಿವಾಟು ನಡೆಸಲು ಪ್ರಯತ್ನಿಸಿದಾಗ ಮಾತ್ರ ಈ ಮಾಹಿತಿ ಬರುತ್ತದೆ.
KYC ಕುರಿತು ಕಟ್ಟುನಿಟ್ಟಾದ ಬ್ಯಾಂಕ್
ಜುಲೈ 1 ರಿಂದ ಬದಲಾಗುತ್ತಿರುವ ನಿಯಮಗಳಲ್ಲಿ, KYC ಗೆ ಸಂಬಂಧಿಸಿದಂತೆ ಪದೇ ಪದೇ ನವೀಕರಣಗಳನ್ನು ನೀಡಲಾಗುತ್ತಿದೆ. ಹೆಚ್ಚುತ್ತಿರುವ ವಂಚನೆಯಿಂದಾಗಿ, ರಿಸರ್ವ್ ಬ್ಯಾಂಕ್ KYC ಅನ್ನು ನಿರಂತರವಾಗಿ ನವೀಕರಿಸಲು ಸಲಹೆ ನೀಡಿದೆ. ಈ ಹಿಂದೆ, 10 ವರ್ಷಗಳಿಗೊಮ್ಮೆ ಬ್ಯಾಂಕ್‌ಗಳು KYC ಅಪ್‌ಡೇಟ್ ಮಾಡುತ್ತಿದ್ದರು. ಆದ್ರೆ, ಈಗ ಪ್ರತಿ ಮೂರು ವರ್ಷಗಳಿಗೊಮ್ಮೆ ನವೀಕರಣ ನಡೆಯುತ್ತಿದೆ.
