ಬೆಂಗಳೂರು: ಬೆತ್ತಲೆ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡುತ್ತೇವೆ ಎಂಬ ಯುವತಿಯರ ಬೆದರಿಕೆಗೆ ಹೆದರಿದ ಬೆಂಗಳೂರಿನ ಸಾಫ್ಟ್ವೇರ್ ಇಂಜಿನಿಯರ್ 16 ಲಕ್ಷ ರೂ. ಕಳೆದುಕೊಂಡಿದ್ದಾರೆ.
ಡಿಸೆಂಬರ್ 3ರಂದು ಸಂತ್ರಸ್ತ ಸಾಫ್ಟ್ವೇರ್ ಇಂಜಿನಿಯರ್ ಡೇಟಿಂಗ್ ಅಪ್ಲಿಕೇಶನ್ ಮೂಲಕ ಶ್ವೇತಾ ಎಂಬಾಕೆಯನ್ನು ಭೇಟಿಯಾಗಿದ್ದರು.
ಹೆಚ್ಚಿನ ಸೇವೆಗಾಗಿ ಇಂಜಿನಿಯರ್ ಬಳಿ 2000 ರೂಪಾಯಿಯನ್ನ ಆನ್ಲೈನ್ ಪೇಮೆಂಟ್ ಮಾಡುವಂತೆ ಹೇಳಿದ್ದಳು. ಪೇಮೆಂಟ್ ಆದ ಬಳಿಕ ಶ್ವೇತಾ ಸಾಫ್ಟ್ವೇರ್ ಇಂಜಿನಿಯರ್ಗೆ ತನ್ನ ಗೆಳತಿ ನಿಖಿತಾ ಮೊಬೈಲ್ ನಂಬರ್ ನೀಡಿದ್ದಾಳೆ. ನಿಖಿತಾ ವಿಡಿಯೋ ಕಾಲ್ ಮಾಡಿ ಇಂಜಿನಿಯರ್ಗೆ ನಗ್ನ ದೇಹ ತೋರಿಸಿ ಕಾಲ್ ರೆಕಾರ್ಡ್ ಮಾಡಿದ್ದಾಳೆ. ಬೆತ್ತಲಾಗುವಂತೆ ಸಾಫ್ಟ್ವೇರ್ ಇಂಜಿನಿಯರ್’ಗೂ ಪುಸಲಾಯಿಸಿದ್ದು, ಯುವತಿಯರ ಬೇಡಿಕೆಗೆ ಮಣಿದು ಸಾಫ್ಟ್ವೇರ್ ಇಂಜಿನಿಯರ್ ಬೆತ್ತಲಾಗಿದ್ದು, ಆ ವಿಡಿಯೋವನ್ನು ರೆಕಾರ್ಡ್ ಮಾಡಿ ಬ್ಲಾಕ್ಮೇಲ್ ಮಾಡಿದ್ದಾರೆ. ಹಣ ಪಾವತಿ ಮಾಡದಿದ್ದಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಅಪ್ಲೋಡ್ ಮಾಡುವುದಾಗಿ ಪ್ರೀತಿ ಅಗರ್ವಾಲ್ ಹಾಗೂ ಶೆರಿನ್ ಎಂಬ ಇಬ್ಬರು ಮಹಿಳೆಯರು ಬೆದರಿಕೆ ಹಾಕಿದ್ದರು ಎಂದು ಟೆಕ್ಕಿ ಹೇಳಿದ್ದಾರೆ.
ಡಿಸೆಂಬರ್ 3 ಹಾಗೂ ಡಿಸೆಂಬರ್ 13ನೇ ತಾರೀಖಿನ ನಡುವೆ ವಿವಿಧ ಆನ್ಲೈನ್ ವೇದಿಕೆಯ ಮೂಲಕ 16 ಲಕ್ಷ ರೂಪಾಯಿ ಪಾವತಿ ಮಾಡಿದ್ದೇನೆ ಅಂತಾ ಟೆಕ್ಕಿ ದೂರಿನಲ್ಲಿ ತಿಳಿಸಿದ್ದಾರೆ. ಕೇಸ್ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ.