ಅಮಿತ್ ಶಾ ರವರ ಫೋಟೋ ಶೇರ್ ಮಾಡಿದ್ದ ಪ್ರಕರಣ; ನಿರ್ದೇಶಕ ಅವಿನಾಶ್ ದಾಸ್ ಅರೆಸ್ಟ್

ಅಹ್ಮದಾಬಾದ್: ಐಎಎಸ್ ಅಧಿಕಾರಿ ಪೂಜಾ ಸಿಂಘಾಲ್ ಅವರೊಂದಿಗೆ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರ ಫೋಟೋವನ್ನು ಟ್ವಿಟರ್‌‌ನಲ್ಲಿ ಹಂಚಿಕೊಂಡ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂಬೈನಿಂದ ಚಲನಚಿತ್ರ ನಿರ್ಮಾಪಕ ಅವಿನಾಶ್ ದಾಸ್ ಅವರನ್ನು ಗುಜರಾತ್ ಪೊಲೀಸರು ಬಂಧಿಸಿದ್ದಾರೆ.

ಈ ಕುರಿತು ಮಾಹಿತಿ ನೀಡಿರುವ ಅಪರಾಧ ವಿಭಾಗದ ಸಹಾಯಕ ಪೊಲೀಸ್ ಆಯುಕ್ತಡಿ.ಪಿ.ಚುಡಾಸಮಾ, ‘ನಾವು ಮುಂಬೈನಿಂದ ದಾಸ್ ಅವರನ್ನು ಬಂಧಿಸಿದ್ದು, ಹೆಚ್ಚಿನ ಕಾನೂನು ಪ್ರಕ್ರಿಯೆಗಾಗಿ ಅವರನ್ನು ನಮ್ಮ ತಂಡವು ಅಹಮದಾಬಾದ್ಗೆ ಕರೆತರುತ್ತಿದೆ ಎಂದಿದ್ದಾರೆ.

ಇನ್ನು ಅಹ್ಮದಾಬಾದ್ ಅಪರಾಧ ವಿಭಾಗವು ಮುಂಬೈ ಮೂಲದ ಚಲನಚಿತ್ರ ನಿರ್ಮಾಪಕರ ವಿರುದ್ಧ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 469 (ಫೋರ್ಜರಿ) ದೂರು ದಾಖಲಿಸಿದ್ದಾರೆ.